銅鑼灣摩登中古風冬日小屋 指定時段2小時任飲／$377起浪漫節日套餐

Chris Lam

旅遊攻略

意大利餐廳推介！🍕🍝 氣氛一流！😋

Ask for Alonzo 是一間超有氣氛的意大利餐廳,一入去就聞到焗薄餅同芝士香味,成個人即刻肚餓｡裝修走簡約歐洲風,燈光舒服,不會太嘈,啱晒同朋友傾計或者同另一半食晚餐｡職員好熱情,會主動介紹招牌菜,第一次去都唔會手足無措｡ 佢哋嘅 pasta 同 pizza 都好有驚喜,意粉煮到｢彈牙｣啱啱好,醬汁味道夠濃但唔會太膩;薄餅餅底脆脆哋,邊位帶少少焦香,芝士又夠拉絲,份量都幾足｡想輕盈啲可以試吓沙律同開胃小食,水牛芝士配蕃茄好新鮮,幾啱打卡｡飲品方面有 cocktail 同 wine,可以同食物配搭住慢慢飲｡ 最值得讚係成間餐廳個感覺好 chill,價錢以呢個質素嚟講都算合理,放工去放鬆下､周末同朋友聚會,都係唔錯嘅選擇｡如果你鍾意意大利菜,又想搵間地方慢慢傾計､影吓相､享受一下氣氛,Ask for Alonzo 絕對值得一試｡ #社群生日快樂

Nicole Yip

節日限定

花廚 Cafe (銅鑼灣)

花廚聖誕大餐！花海中嘅幸福🥰🎄

平安夜當然要同喜歡的人去靚餐廳歎大餐!今日為左Tomacado花廚嘅鮮花氛圍而來,一入門就被滿屋嘅鮮花同聖誕裝飾包圍💐,打卡位多到影唔停,坐喺花海裡面食飯,儀式感滿滿✨ 今次試咗聖誕新年節日套餐,每一道菜嘅擺盤都精緻到唔捨得食!餐湯揀咗椰菜花煙肉湯同牛肉湯🥣,濃郁又暖胃;前菜冬日三重奏好有驚喜,冰晶蕃茄釀清新,菌菇牛肉酥皮卷超香口~👍🏻 花廚特色南瓜沙律清爽開胃🥗,主菜推黑松露烤三黃雞🐔,皮脆肉嫩超入味,桂花照燒菲力牛扒牛味濃郁,配搭有特色🥩! 必點玫瑰山楂玉露🌹同莫奈花園雞尾酒🍸,顏值味道雙在線;最後嘅繽紛調色盤拿破崙🍰,層次豐富甜而不膩,幸福感真係滿到瀉出嚟~ 🎈 Tomacado 花廚 銅鑼灣告士打道280號世貿中心2樓L2-06號舖 · · · 🌙🌙🌙🌙🌙🌙🌙🌙🌙🌙🌙🌙🌙 #Tomacado#花廚#聖誕大餐#銅鑼灣 #銅鑼灣美食#慶祝生日餐廳#打卡餐廳 #銅鑼灣餐廳#香港美食#生日飯#打卡 #慶祝#西餐#儀式感#香港必食#節日

寶妮周圍遊

著數報料

螢火

尖咀豪食!🥢🥂廚師發辦+ 清酒任飲!💯

今晚去咗尖沙咀食咗(櫻)晚市廚師發辦十六品Omakase,超值!正值清酒祭推廣,二人同行一人免費,變相半價,仲有全日指定清酒免費暢飲(晚餐120分鐘),飲到夠本先!另外鐵板燒晚餐每人送磯煮鮑魚,Omakase都直接包咗一隻前菜,抵食到爆｡ 一入到去,環境好有日本風情,傳統日式屏風同木質吧台,氣氛寧靜又帶點浪漫｡入面有分鐵板燒區同廚師發辦區,幾個大mon投影咗唔同嘅日本風景,好有劇場感,仲可以即時用投影放天燈許願,幾得意;如果想私密啲,都有私人包廂同專屬鐵板燒房間選擇｡ 前菜磯煮鮑魚 – 鮑魚軟腍彈牙,湯汁濃郁入味,咬落去滿口鮮甜海味,超級開胃｡ 刺身 北海道新鮮帶子 – 配青檸啫喱同三文魚子,清新爆棚,帶子爽脆彈牙,好開胃 間白卷北海道馬糞海膽 – 海膽鮮甜濃郁,間白魚肉細膩,兩者一齊入口,鮮味層層疊加 炙燒白子 – 口感嫩滑,輕輕烤過帶微微焦香,入口即化,唔會覺得腥 鮟鱇魚肝 – 配清酒啫喱同三文魚子,層次豐富,魚肝滑順濃厚但一啲都唔膩,清酒啫喱帶酒香解膩,完美平衡 花雕酒牡丹蝦 – 蝦肉鮮甜彈牙,花雕酒香滲入每一吋,入口帶醉人酒香同海鮮鮮味,餘韻好長｡ 煮物 炆牛面頰 – 牛肉軟腍到入口即化,肉汁濃郁膠質豐富,配少少蘿蔔,暖笠笠又滿足｡ 燒物 燒銀鱈魚 – 魚皮脆香,魚肉厚實多汁,煎得外脆內嫩,銀鱈魚獨有嘅奶油香味爆發,超級誘人 壽司 深海池魚､新鮮北寄貝配柚子皮､鰤魚配烏魚子粉(鹹香啲)､火炙銀鱈魚､大拖羅,每件都新鮮到不得了,配料同刺身完美夾,調味精準,每一口都有驚喜,特別係火炙銀鱈魚帶煙燻香,大拖羅油脂豐富入口融化｡ 海膽手卷 – 海膽厚切鮮橙色,鮮味濃郁到爆,入口即化,仲有份量超多 最後魚湯烏冬暖胃,湯底鮮甜,烏冬超彈牙有咬口｡綠茶雪糕清新解膩,帶淡淡茶香,完美收尾｡ 整體嚟講,食材新鮮､廚師手勢穩,份量適中唔會太飽,服務細心周到｡性價比高到離譜,強烈推介 #尖沙咀美食#廚師發辦#清酒放題