近日社交平台 Threads 突然被一段關於「元朗大寶冰室」的食評瘋狂洗版，聲稱該店擁有「全亞洲最優秀嘅肉餅飯」。消息一出隨即引發網上熱話，令網民疑惑「到底係咪真係咁好食」？原來一切源於一段「潮文」發酵，吸引大批區外市民及遊客湧入元朗「朝聖食肉餅飯」。老闆面對突如其來的人潮更表示「完全招架唔到」！即看下文揭曉這場「肉餅之亂」的來龍去脈！
Threads瘋傳元朗大寶冰室肉餅飯潮文 老闆：煎肉餅煎到手軟
近日元朗大寶冰室門外出現排隊盛況，甚至有脆友分享自己早上5時已在門外等候。雖然店舖位於元朗，但門前已經有大批市民排隊等候入座，有網民表示自己專程由區外入元朗，就是為了印證網上傳言。
超長人龍及店內爆滿的情況令老闆始料不及，部分食客更指現場座無虛席，甚至要等候多時才能入座。這股熱潮被網民笑言是「流量密碼」，直指「估唔到一段留言威力咁大」。
▼網民12月10日中午分享店外排隊盛況▼
▼元朗大寶冰室店主女兒透過友人回應網民▼
面對大寶冰室突然爆紅，店主女兒透過朋友在網上發帖，指爸爸對於突如其來的關注感到「百思不得其解」。她笑言店舖明明是「蕃茄湯專門店」，不明白為何變了「肉餅飯專門店」，更指「唔知邊個做X佢，變咗肉餅」。她透露爸爸面對大批前來「朝聖」的食客「完全招架唔到」，形容爸爸「做到傻」，甚至試過「賣晒白飯」，要叫客人到對面茶餐廳買白飯再回來吃。不過她亦指爸爸雖然做到「踢晒腳」，但心裡是開心的。
▼元朗大寶冰室官方最新回應：肉餅即叫即煎 考慮做埋晚市▼
對於網民的熱情，大寶冰室官方亦發文回應，自稱「肉餅陳法拉」的小編感謝大家支持。帖文指知道除了街坊外，好多朋友都山長水遠入元朗支持，但因為每一塊肉餅都是「即叫即煎」，所以等候時間會較耐，望各位體諒。
針對大排長龍的情況，店方表示聽到大家的訴求，暫時會考慮招聘人手「做埋晚市」，希望分散人流令大家不用排太久，亦令要上班的朋友都有機會食到。最後店方亦不忘「宣示主權」，向熟客致歉之餘，呼籲大家來到「可以試下蕃茄湯添架」！
元朗大寶冰室肉餅飯潮文惹人潮
排隊實況於網上一傳開，即有不少網民疑惑「到底排緊乜」？原來是因為一段洗腦式留言。事源早於今年 5 月，有一名男網民不斷在 Threads 不同帖文下留言，力推大寶冰室肉餅飯，內容多為：
「元朗大寶冰室，全亞洲最優秀嘅肉餅飯，大件夾抵食，鄰近西鐵站、巴士總站，交通方便。每一塊肉餅，都係嚟自元朗大師級肉餅工匠嘅手工之作。」
這段文字在演算法加持下，終於在近日成功洗版，更演變成不同語言版本（包括日文、韓文、阿拉伯文），甚至引來YouTuber「笑波子」朝聖及 IKEA 小編「抽水」。
▼YouTuber「笑波子」朝聖大寶冰室▼
▼ IKEA 抽水Post▼
▼ Jeffrey 魏浚笙抽水Post▼
▼ 世界認真組織抽水Post▼
資料來源：世界認真組織@threads／Jeffrey 魏浚笙@threads／IKEA／笑波子／jackzblog@threads／大寶冰室@threads／hccchung@threads
人氣餐廳排名
內容標籤
-
打卡熱點
大寶冰室
THREADS肉餅之亂！$54食到大寶亞洲第一肉餅飯？
元朗人打哂問號❓ 𝐓𝐡𝐫𝐞𝐚𝐝𝐬洗版式宣傳｢元朗大寶冰室肉餅潮文｣,風頭一時無兩!有見及此,小編決定馬上潮聖一代網紅神店,試試到底匠人手工之作肉餅飯是咪亞洲第一? ▻ 午餐𝐄: 生煎土魷肉餅飯 (𝗛𝗞𝗗𝟱𝟰) ★★★★★ 即叫即煎,上枱溫度十足!肉餅表層煎得微焦,但內裡仍然香嫩可口,仲帶有少少肉汁｡食到一半發覺土魷粒都唔少,口感都出色｡不過調味略為偏鹹,送飯可以｡如果調味輕手少少就係完美之作｡ ▻ 凍檸茶少甜 (𝗖𝗢𝗠𝗕𝗢 +𝗛𝗞𝗗𝟮) ★★★★★ 你無睇錯,凍飲依然只係加兩蚊!茶底清澈順喉,略帶清香,而且唔會太甜,好過好多連鎖既茶餐廳｡ 整體表現出色,位列全港肉餅界一線位置｡但是否亞洲第一,因人而異!距離輕鐵豐年路站､元朗西巴士總站只係2分鐘步程,的確交通方便…唔計入元朗嗰程🤣可以一試! 餐點 🌕🌕🌕🌕🌘 𝟒.𝟐 服務 🌕🌕🌕🌕🌑 𝟒.𝟎 環境 🌕🌕🌕🌘🌑 𝟑.𝟑 划算 🌕🌕🌕🌕🌗 𝟒.𝟒 #大寶冰室#肉餅#肉餅飯 #味蕾炸彈#亞洲最優秀肉餅飯#元朗#大師級#手工之作#交通方便#food#yuenlong#hongkong#gourmetmapp
閱讀更多
-
打卡熱點
民合徑
大寶冰室肉餅飯實測！🤤 元朗味蕾炸彈？💣
. 元朗嘅大寶冰室,每一塊肉餅都係嚟自元朗大師級肉餅工匠嘅手工之作,我哋圍內有真實力識食嘅手足都稱之為味蕾炸彈,全亞洲最優秀嘅肉餅飯,大件夾抵食,而且仲要係地鐵站附近巴士總站交通方便 值得你去一試🔥 實測到底係唔係真係咁推介大家去食呢?🤔 身為半個元朗人,今日一定工都唔返即刻去食肉餅飯! 檸檬茶係我喺香港飲過茶餐廳入邊top3好飲! 講返重點肉餅飯先~ 入邊只有超重心生煎土魷肉餅飯! 碟飯一嚟到對於11點要開吃嘅我嚟講我覺得too much 有兩塊大肉餅有少少菜同埋多多飯 肉餅嚟講冇我想像中係彈牙嘅! 但係佢冇煎到好乾身仲保留咗啲肉汁喺入邊! 跟住土魷係比較少,但係啲肉係實淨嘅! 而且豉油係成個飯入邊最出色嘅東西! 如果係特登入嚟食就唔太建議(元朗仲有好多更好食嘅東西) 不過都feel到老闆就嚟做到燥! 同埋舖頭好窄,建議大家快啲食唔好掛住打卡!🫢 #香港#元朗肉餅#threads
閱讀更多
-
打卡熱點
大寶冰室
大寶冰室開分店？肉餅工匠手工之作再起
大寶冰室朗屏虹坊店!全亞洲最出色肉餅飯喺元朗再插旗,喺朗屏站既另一邊再開分店🫨分店既裝修比起總店升級左唔少,距離朗屏站都係𝟑分鐘步程,仍然交通方便!睇黎老細下定決心要做大佢🔥 #大寶冰室#分店 ▻ 午餐𝐄: 生煎土魷肉餅飯+煎蛋 (𝗛𝗞𝗗𝟱𝟰+𝟱) ★★★★★ 仍然鹹香十足,食到粒粒土魷粒!今次滿足啲,加多隻煎蛋🍳不過可惜分店未設有辣椒油,圍內手足表示有一點點可惜😢 ▻ 凍檸茶少甜 (𝗖𝗢𝗠𝗕𝗢 +𝗛𝗞𝗗𝟮) ★★★★☆ 茶香明顯,不過似乎無舊店咁清,可能新店需要少少時間調整配方｡ 小編今次𝟏𝟏𝐚𝐦衝到過黎,慶幸做到最後一批唔使等位既食客｡分店保持到總店九成水準,如果想食大寶又唔想等得太耐(暫時)既食客,可以過黎分店試試! 餐點 🌕🌕🌕🌕🌑 𝟒.𝟎 服務 🌕🌕🌕🌖🌑 𝟑.𝟖 環境 🌕🌕🌕🌖🌑 𝟑.𝟖 划算 🌕🌕🌕🌕🌘 𝟒.𝟏 📍大寶冰室 (朗屏虹坊店)|元朗宏業南街𝟐𝟐號虹方地舖 #味蕾炸彈 #平價#打卡美食
閱讀更多
