斗滾第三間分店進駐荃灣大鴻輝 開張限時每位送大閘蟹／任食雞煲海鮮

DaywithFOOD_Nicole

擦餐勁

斗滾 Pot Of Soup (佐敦寶輝閣店)

炒一炒🥢滾一滾🥣飲一啖🥄🤤🤤

好有香港感覺嘅雞煲火鍋店🤤🌟🌟 斗滾😍✨✨ 呢間火鍋雞煲店都算係近年好似好出名嘅舖頭🤤 我諗呢間嘢嘅特色就係有齊晒可以食齊晒✅雞煲✅火鍋同埋✅養生湯底嘅店舖🤫❣️❣️ 如果平日去嘅話,價錢相對上平啲 成人:$268 (再加一) 由下午4:30開始已經可以食,初初大概6:00入座嗰陣都唔算好多人😅以為而家相對上都比較少人食呢啲😂但點知去到越夜就開始滿晒座 去到大概八點仲見到有啲人要等位入座😅🥹🥹 第一式:任食雞煲🐥🐣(5種辣度) 有5種辣度選擇,由走辣到大辣😂我哋就選咗最普通嘅BB辣,初初以為都會辣😅但完全冇料到 第二次再叫嘅時候小辣就啱啱好😂不過味道都足夠嘅,就唔似其他有啲舖頭都比較濃味,不過反而我覺得最重要嘅係雞嘅味道同口感🥹🥹 自己個人覺得都幾特別,竟然呢間店嘅雞可以做到炒極都都唔會好嚡口😻👍反而食到最後都係好嫩口🌟仲要每一嚿雞都係幾大嚿下🤭唔會得啲骨🌟搭配埋啲汁都幾惹味💗加上仲會配一啲豆卜✨秀珍菇✨洋蔥✨就更加入味❣️😂😂 好搞笑嘅係店員仲問我哋加唔加牛腩😅可以免費加🤫😂試咗第一次😂但牛腩麻麻哋😂反而呢個比較嚡口同埋韌😅而且雞煲嘅味配牛腩都有啲奇怪😌😌 見到好多人都嗌兩至三次雞煲先至去下一式😂😂🥰始終雞煲都喺呢間店嘅特色😍同埋容易回到本?!😂 自己都後悔冇嗌多幾次先🤤🤤 第二式:海鮮盛宴🍤🦪🦐🐟 食完雞煲之後就會有一盤大大盤嘅海鮮拼盤🤭不過呢個就係每台只限一盤😂每款海鮮都係以人頭計😂每人一樣🌟✅鮑魚✅蟶子✅扇貝✅海蝦✅龍躉片✅花甲 雖然海鮮種類都好多,而且都唔係好細隻🤭但海鮮味唔算好濃😂冇乜鮮甜嘅感覺🤫鮑魚口感都比較腍🐡大部份海鮮上面都會鋪咗勁多粉絲同蒜蓉😌略嫌有啲多😂但海蝦嘅味道反而好鮮甜😂龍躉片都幾彈牙🤭 中間都會有一堆讚岐烏冬喺上面🥰👍呢個位係幾特別嘅🤭不過又會有蒜蓉喺上面🥹而且烏冬口感偏腍身😅夾上嚟嘅時都係散散地😂🤫🤫冇其他comment講到咁好😂不過都入味嘅🌟 第三式:滋補火鍋🍵🍲 最後食完頭兩式先可以進入下一個程序🤤🤭 嗰啲湯底都係超級補同養生🤭🌟🌟 🚩清湯安格斯牛腩鍋 🚩涼瓜花膠雞鍋 🚩冬瓜瑤柱雞鍋 🚩椰皇燉雞鍋 另外都仲有幾款🤤🤤 揀咗椰皇燉雞鍋👍第一啖飲落去真係極級甜同清爽🌟😻好似真係椰皇開出嚟嘅椰子水👍飲落去唔似係溝稀過🥰🥰呢個真心有驚喜🤤飲完一碗好想再飲另外一碗🤩🌟而且燉嘅雞都唔會話超級鞋口,不過就好易整散😂個湯底真係超級好味😂❣️❣️推薦推薦🌟🌟 不過相對上冇咁好嘅就係飲完湯之後再加嘅湯底就係清水😂不過好彩打邊爐嘅時候呢度仲係有啲清甜嘅味道留返喺個湯嗰度👍淥嘢食嘅時候都仲有啲椰子水嘅甜味💗💗 落咗啲菜落去都索晒啲椰子甜味🤭🤭都真係幾唔錯😍 另外原本以為係可以任食手切牛頸瘠🐮但原來係要喺IG或者Facebook度comment🥹先可以任食牛😂不過而家相信想攞到任食呢個優惠都唔難嘅😂🤭 不過覺得呢間火鍋任食出名嘅應該未必係食牛😅 手切牛頸瘠每次嚟嘅質素都係唔同😂大部份都好多筋同肥膏🥺而且牛味都唔似好出💆🏼‍♀️不過相對上都係滑身😌但真係麻麻哋😌 另外都可以加錢食刺身🦞🦐🪼不過自己又覺得喺呢啲地方食刺身都考慮到安全問題🥹而且又唔使食太豪😂都冇加錢去試😌✨ 今次仲攞咗個生日優惠,有得送個牛肉砌成嘅蛋糕😂❣️呢款牛其實都係一般般😂係重牛味啲🐂但係唔夠滑身😅 反而值得一提嘅係出面自己攞嘅食物☺️🤭平時都好少攞出面嗰啲丸或者小食😂感覺上唔算太抵🤭但竟然款式都算多 我諗至少都有20至30款👍而且都有好多唔同類型嘅食物款式🤤🤤照舊都係有好多唔同嘅丸類填飽我哋😂不過都仲有豆腐,萵筍,粟米,水魷魚,鵝腸,芋絲,魚腩,脆肉鯇,鴨血,爆汁咖喱魚蛋,魚腐...🤭 自己個人幾喜歡脆肉鯇💗都encore咗幾次😂🌟成日都以為出面啲小食都係普普通通😮‍💨但呢個魚真係幾好食❣️❣️重點係佢絕對唔Hea😅係超重魚味👍而且真係做到爽脆嘅脆肉鯇🤩🤩仲要都幾大嚿🤤🤤真心值得食😍😍有好多貴價舖頭都未必有呢種質素✨ 另外就係自己都幾鍾意用西洋菜打邊爐🥰平時嗰啲西洋菜都會比較苦澀或者有一陣泥味✨但今次係做得超級甜🥰唔知係咪因為用咗椰子清湯令到佢更加甜🤩 如果講其他火鍋配料同菜嘅話就一般般😌都係中規中矩😅都係大家平時喺火鍋店可以食到嘅味道😅 除咗主食之外 都會有啲甜品🍨雪糕🍧同生果🍌🍎🍊俾大家可以享用🤤不過呢啲都係一般般😅😅 💡自己覺得呢間嘢都好食嘅😃不過就未至於好多comment講到咁高質🤣🤣都只係某幾款食物比較出眾🤓而且其實覺得環境唔算太乾淨😅食物都係擺晒出嚟🥹呢個位都比較扣分🤫啲Staff都好少過嚟應人 可能佢哋太忙?😅都要叫幾次先得🤫🤫 #香港美食 #雞煲火鍋#好多款式

soso.eatingismylife

香港攻略

斗滾(荃灣店)

🇭🇰【一價四食：雞煲＋蒸海鮮＋火鍋＋甜品全包】

📅2026-02-01 🥢斗滾 📍香港荃灣眾安街55號大鴻輝(荃灣)中心5樓 - 🤤味道評分:8/10 📷賣相評分:7.5/10 🏞環境評分:8/10 🤵🏻服務評分:8/10 😍回頭指數:7.5/10 💰人均價錢:$328 - 之前經過尖沙咀分店已經見到勁多人排隊,好奇佢究竟有咩吸引力?結果忍唔住走去荃灣分店｢開箱｣｡最大驚喜係一個價錢可以試到勁多野,由雞煲到蒸海鮮再到打邊爐,仲有甜品生果任你食,啱晒三心兩意又想一次過滿足多個願望嘅人｡ - 🌖雞煲(BB辣) 雞煲一上枱就香氣四溢,辣度屬於輕微刺激,唔會太過火,啱晒鍾意食辣但又怕太辣嘅朋友｡雞件份量足,肉質滑嫩,配料吸晒湯汁,食落惹味｡ 🌖蒸海鮮拼盤 海鮮拼盤用大葉墊底,賣相吸引｡鮑魚､帶子､蝦､蜆之外仲有龍躉魚片同蟶子仔,款式夠多｡蒸熟後加上蒜蓉同蔥花,鮮味突出,龍躉魚片肉質厚實滑嫩,蟶子仔爽口清甜｡ 🌖打邊爐(花膠冬瓜湯) 湯底清甜滋潤,建議先飲幾碗湯底,感受冬瓜嘅清香同花膠嘅膠質感,之後再開始打邊爐｡配料選擇多,包括肉片､海鮮､餃類､丸類､蔬菜菇菌同麵食,最推介牛頸脊､黑豚肉同鯇魚片｡牛頸脊油花分佈均勻,涮後肉香濃郁;黑豚肉肉質細嫩,入口甘香;鯇魚片爽滑清甜,配合湯底更加鮮美｡ 🌖甜品生果 食完仲有甜品生果作結尾,選擇包括雪糕､雪糕糯米糍､椰汁雪燕同桃膠木瓜奶,夠曬滋潤養顏｡ - #soso_foodie2026 #soso_hk2026 #soso_200至400元 {{hket:campaign display="好茶隨春來"}}{{/hket:campaign}} 想睇同區食店介紹?可以參考👇🏻👇🏻 #soso_荃灣 想睇同類食物介紹?可以參考👇🏻👇🏻 #soso_港式

Natalie叻叻老師

港式美食

斗滾 Pot Of Soup (佐敦寶輝閣店)

【🔥斗滾(佐敦)|🖖🏻食出四個層次的滋味】

【🔥斗滾(佐敦)|🖖🏻食出四個層次的滋味】 佐敦斗滾帶俾我幾多新鮮感,佢哋嘅火鍋有四個步驟: 1️⃣雞煲,分4次炒,自己落手體驗感十足!食完可以再添! 2️⃣蒸海鮮,店員切好晒,新鮮鮮甜,烏冬超入味 3️⃣靚湯底,勁多火鍋配料 4️⃣牛頸脊任食 🥭水果 🍺啤酒汽水任飲 🩷甜品椰汁燕窩,喜出望外 🖖🏻斗滾 📍佐敦佐敦道26E號寶輝閣2樓 #斗滾#香港#佐敦美食#雞煲#任食火鍋#放題#好食#UCreatorHK#BESTFOODwithUCreator#九龍美食#chill賞staycation#香港美食