4大超市大閘蟹價格比拼！內地大閘蟹直送香港 京東佳寶「餐公」最平$30隻 平市價一半

秋風起，又到一年一度食大閘蟹的季節，各位「蟹友」準備好大手入貨未？U Food 編輯部率先為大家格價，比較京東佳寶以及香港另外3間大型連鎖超市，包括連鎖超市網店（P記網店）、日式高檔超市（C日式超市）以及網上超市(H Mall)的大閘蟹價格，下文將集中比較港人最常食的「餐公」、「大公」及「中母」，即睇邊間最抵食！

以往香港人想食內地靚蟹，需要親身去深圳自提、或者經多日轉運價格較貴的大閘蟹到港。想食到「又便宜又靚」的優質大閘蟹，今年香港「蟹友」們有多一個超值「新選擇」！京東今年聯合佳寶超市，採用「全程冷鏈+空運直達」最快12小時將新鮮大閘蟹由蟹田空運直達香港門店，而價格更比市面平均價便宜20%！

大閘蟹價格比拼：大公/餐公/中母 

根據京東佳寶以及各大超市市場價格對比，以下集中比較三款大閘蟹，包括餐公(3.5-4.2兩)、大公(5.5-6 兩)及中母 (3.5-4兩)：

餐公 (3.5-4.2兩)：佳寶$30隻餐公 VS C日式超市$72隻

「餐公」是家庭選擇買回家一家大細享用的首選。參考市場價格，京東佳寶最平$120買到4隻餐公，平均$30一隻，比市面上的超市便宜一半有多！

• 京東佳宝：$120 / 4隻，平均 $30/隻
• C日式超市：平均 $72/隻
• P記網店：平均 $78/隻
• H Mall：平均$68/隻

大公(5.5-6 兩)及中母 (3.5-4兩)價格比拼

大公(5.5-6 兩)於各大超市的平均價格大約$70以上，最高達$168一隻，而京東佳寶大公平均$66.6/隻，為最低價一間；而中母 (3.5-4兩)同樣由京東佳寶($40/隻)最抵買！

*重要提示： 大閘蟹價格極為浮動，受季節、貨源、日期及推廣活動影響。各大品牌於推廣價或特定時期價格有所不同。一切以官網價錢作準，價格有任何變動，UL概不負責。

京東內地大閘蟹「最快12小時直送」香港

以往香港市民想品嚐優質內地大閘蟹，可能需要經多日轉運，導致價格亦相對高昂，新鮮程度大減。京東今年與佳寶超市合作推出「最快12小時從蟹田到貨架」的大閘蟹直送到港服務，刷新了內地大閘蟹恢復直供香港以來的最大載貨量紀錄（首批5000斤）之外，更提供比市面低20%的大閘蟹價格！

1.極速空運直達：

京東採用「全程冷鏈 + 空運直達」的方式，將大閘蟹從江蘇蟹田直送到香港超市。大閘蟹乘搭專機直飛香港，確保全程恆溫鎖鮮，到店後仍保持生猛。

2. 嚴格品質監控

針對香港市場極為嚴格的食品安全標準，京東從養殖到捕撈的都有完善的品質監控，包括：專業質檢團隊對水質、飼料及成蟹進行超過5次抽樣檢測、由海關人員親臨蟹塘現場監督捕撈，只挑選體重達標、膏肥黃滿的優質蟹、每隻蟹都佩戴專屬溯源蟹扣，消費者掃碼即可查詢養殖基地、質檢報告等關鍵信息，實現品質可追溯

3. 產地直採降成本：

透過產地直送的高效物流方式，大大減少中間運送成本，令京東佳寶所售的大閘蟹價格較香港傳統渠道平均低約20%。