牛奶冰室 創新演繹港式幸福滋味

ewa.tobey.coco

港式美食

跑馬地

牛奶冰室

外賣 紅燒豆腐時菜魚柳飯 + 熱檸水 呢碗「紅燒豆腐時菜魚柳飯」也太治癒了吧！豆腐吸飽了鹹甜醬汁，超入味！魚柳嫩, 口感好。青菜爽脆解膩。最靈魂的是把醬汁和飯攪勻，每一口都集齊了濃、鮮、清三重享受，好吃到舔盤！絕對是選擇困難症發作時的首選！ 厚切午餐肉半焗流心蛋蔥油飯 + 熱咖啡 呢個唔知好唔好食, 因為我冇試過. 牛奶冰室 跑馬地黃泥涌道1A號怡豐大厦LG樓1-4號舖 #香港美食 #香港地道美食

creamcake25

港式美食

金馬倫道

人氣厚豬扒超惹味🥩港式懷舊美食😋元朗冰室

附近路過時見到 "元朗冰室" 既馳名厚豬扒，就同班朋友入去食下野先，好期待既厚豬扒～ 入到餐廳環境明亮，裝修簡約，地方寬闊，坐得舒服。餐廳主打港式茶餐廳，侍應招待友善，服務一流。 美式餐招牌厚豬扒  $66 依個係美式餐，包括招牌厚豬扒、薯蓉、火腿嫩滑炒蛋、蒜蓉厚多士及餐飲。一上枱見到豬扒已經覺得好厚，好鬆軟，有肉汁，而且調味唔會太過重，果然好味道 ; 配搭火腿炒蛋，蛋味濃且嫩滑，薯蓉口感creamy，以及都幾厚既蒜蓉多士，香脆可口。 奶油脆豬   $32 必點名物 ~ 奶油豬！超大個既奶油脆豬，麵包鬆軟，牛油和煉奶既比例啱啱好，口感帶點煙韌，好脆口。 金牌沙嗲牛肉即食麵   $45 沙嗲牛肉麵係去港式茶記必食既，我都唔例外。揀左雙拼沙嗲牛肉同腸仔，牛肉都幾大片，軟腍唔韌，肉質嫩滑多汁，沙嗲醬汁香濃，揀咗出前一丁(+$3)，配備獨立包裝麻油，即食麵唔會煮得過淋，麵質彈牙有咬口，至於湯底係選用海鮮地魚熬製而成，清香鮮甜，啲湯差唔多飲晒，確係好味既沙嗲牛肉麵。 DOUBLE 厚豬扒飯  $74 呢碟飯既厚豬扒有兩大塊，真係好足料，件件豬扒都好大塊，而且好厚身，入口啖啖肉，米飯粒粒分明，配埋秘製豉油，撈飯一流。 厚豬扒配蓮藕餅飯  $62 好友就點咗厚猪扒配蓮藕餅飯，厚豬扒食落口感十足，肉質嫩滑，配蓮藕餅好夾，蓮藕爽口，中間夾住豬肉餡，煎得香脆唔油膩，呢兩款餸配飯唔錯，個個都讚厚豬扒好食。 焗意式厚豬扒意粉  $62 焗厚豬扒意粉好有驚喜，厚豬扒肉質鮮嫩多汁，面層放上蕃茄、菠蘿、洋蔥，加上芝士同醬汁，好出色既焗豬扒飯，食返原身既味道，連洋蔥都食出有陣甜味，意粉彈性有嚼口，醬汁夠多可以每條都沾上，出色既焗意式厚豬扒意粉。 炸雞髀  $38 雞髀炸至外皮金黃酥脆，肉質嫩滑，裡面有肉汁唔會乾，調味都好入味，唔錯。 金牌沙嗲牛肉包  $34 沙嗲牛肉包已經唔多餐廳會有，所以都想試一試味道。首先沙嗲醬汁好香濃，唔會搶咗牛肉本身味道，牛肉新鮮嫩滑，食落冇渣，麵包鬆軟，口感味道佳。 紅豆冰(+$5)，講到懷舊風味，紅豆冰當然唔少得啦！紅豆煮到起沙，甜度剛剛好，好香濃既椰汁味， 好冰涼，爽呀！檸檬利賓納(+$5)，依杯味道酸酸甜甜，食完飯飲番杯，既解膩又消滯。凍檸檬茶(+$3) 色澤對辦，飲起黎茶味芳郁。凍檸檬水(+$3) 甜到啱啱好，口感fresh。 元朗冰室 地址 : 尖沙咀金馬倫道48號中國保險大廈地下A2號舖 (此文章由U Blog 同步發佈至社群)

Falav

美食

港式茶餐廳招牌奶油脆豬，炸乳鴿都有得食。再加個厚切豬扒，鬆軟莣味，正。 #Weekend搵嘢玩