香港機場美食｜24小時營業潮粵菜館「阿鴻小吃」必食滷水鵝+蒜香雞+芥末雞腳筋+黯然銷魂飯

A美食焚化爐

中式料理

阿鴻小吃 (香港國際機場店)

機場米芝蓮級菜館 X 24小時營業 @ 阿鴻小吃 ( 香港國際機場機場一號客運大樓(非禁區) )

說起與“阿鴻小吃”的鴻哥結緣，至少都有15年以上吧？   當年鴻哥在北角一條充滿了車房的橫街上開店，還未奪得米芝蓮光環時便已經光顧，直至一口氣連奪五年米芝蓮一星殊榮，店子亦搬了好幾次，我是依舊緊隨美味。   退休前曾在機場工作，亦經常幫趁“阿鴻小吃”在機場T2的分店，但隨著T2的拆卸，又消失了好一段日子。  早前聽到“阿鴻小吃”在機場入境大堂再現身，仲要係24小時營業，啱晒凌晨機既旅客，最難得佢既定價同市區一樣。   今次試返鴻哥好幾款拿手菜式，水準都好穩定，而且又可以買上飛機享用，真係可以衝出香港。   芥末雞腳筋（$108） 爽彈依然，好香芥末味又不嗆喉，送啤酒一流。   素鵝（秘製腐皮$98） 以腐皮製成素鵝，質地軟熟，又有淡淡的豆香，我太太好鍾意。   叉燒王（例牌$188） 如果無記錯，其實鴻哥係燒味師傅出身，叉燒當然難不倒他，有嚼口而蜜味不太重，單點再來配碗白飯最好。   鹵水鵝（半隻$468 ） 鹵得入味，尤其是骨膜位有油香，佐酒一流，店方更有外賣服務，帶比外地親友好方便。   鹵水鵝片三拼（$368） 鵝片盡見刀功，薄薄的一片，紋理清晰，鹵得入味，另外兩併的墨魚片及鵝腎都是同樣可口。   蒜香雞（半隻$188） 好香蒜味，有點把雞味蓋過，但香港食雞一向味淡，很奇怪，但看得出已盡量處理好，單看刀功已是心機作。   花膠姬松茸螺頭燉雞湯（$98位） 一百蚊碗湯其實不算貴，尤其是燉湯，單睇材料是佔了大個燉盅，加上以時間換來的美味，每口都是食材的精華。   南乳粗齋（$138） 又是鴻哥的另一名物，以紅米水煮齋，配料勁豐富，甘筍切成心形，金針打結，娃娃菜煮得夠稔，就連冬菇都大大粒，當年歲晚同家人食飯，都外賣一盒返去做餸。   香芒鍋巴大雞球（6隻$268） 鍋巴炸得啱啱好，色澤淡黃之餘好脆口，雞球澆上芒果汁，多添了甜美感。  上湯蝦球沾米粉（$168） 份量十足，米粉炸至焦香而不過份，很喜歡玻璃芡夠薄。   籠仔欖菜肉鬆蒸陳村粉（$128） 原籠上冒著熱氣，澆上醬油後，陳村粉蘸滿了肉汁，滑溜的質感，拌以肉鬆，惹味到極，令人吃不停口。   黯然銷魂飯（$128） 之前的叉燒再伴以燶邊流心蛋，戳穿蛋黃，讓蛋漿滲入飯粒，真是人間美味。   清心綠豆爽（$38） 甜度輕盈，木薯爽口而綠豆爽軟稔，吃得很舒服。 地址 : 赤鱲角暢達路1號香港國際機場機場一號客運大樓(非禁區)抵港層5樓5T151號舖 電話 : 3118 1325   IG : foodiephilip   小紅書 : 美食焚化爐   味道 : 4  環境 : 4  服務 : 4  衛生 : 5  抵食 : 4  位置 : 3   希望各位喜歡這篇文章的朋友，請在我的專頁上剔'LIKE'，當作小小的鼓勵吧!謝謝!   http://www.facebook.com/foodiephilip #中菜 #機場 #阿鴻小吃 #美食焚化爐 (此文章由U Blog 同步發佈至社群)

Chanballb

中式料理

金和潮菜

滷水鵝

呢間餐廳食滷水為主，環境幾好坐入面仲有兩部大電視岩晒一大班人黎睇球賽，比賽等等，仲有樓上位置有獨立房想包房有私人慶祝party又得。 呢度係粵菜同潮州菜都有得食既打冷，我地叫左一碟滷水鵝例牌，滷水鵝入味顏色滷到比較深色但食落又唔會好咸，肉質彈牙又厚肉點埋醋食岩岩好，下面仲有豆腐同花生底，豆腐嫩滑。 另外叫左一碟蠔餅，佢用左無甘油既方法去煎，食落無油膩感，亦都無甘香脆，食落比較健康。 餐廳：金和潮菜(香港) 地址: 香港油麻地砵蘭街109-111號偉華大廈地下 #金和潮菜#foodie#foodphotographyً #滷水鵝#hkfoodie#foodlover#UCreator #中菜餐廳 #打卡美食 #美食推介 #香港美食 #ucreator #好去處 #港玩港食

Mm0088

打卡熱點

位於北角多年米芝蓮推介的滷水店，午餐超級抵食，而且食物水準非常之出色！ 潮樂園 (北角) 北角和富道96號僑裕大廈地下4號舖 #甜蜜聖誕滋味