好抵牙! 惠康與國內生鮮電商平台「叮咚買菜」合作，從即日起以新低價$5起發售多款新鮮蔬菜，產品涵蓋菜心、唐生菜、白菜仔、小唐菜、油麥菜、春菜等12款蔬菜，每包約300克，價格鎖定至2025年12月31日，讓消費者以超值價錢買到新鮮健康的蔬菜。這些蔬菜均由「叮咚買菜」自營農場種植，採用零化學農藥栽培，採摘後2小時內完成預冷鎖鮮，並透過溫控冷藏車運輸，抵達惠康門市前再經人工二次分揀，確保新鮮度與品質，即睇內文了解。
惠康多款蔬菜$5起
百物騰貴，惠康與國內生鮮電商平台「叮咚買菜」合作，各款新鮮蔬菜只要$5逆市超抵價。優惠產品於惠康全線門市、網店及foodpanda 外賣平台同步發售，無論用哪一個渠道落單，都有抵食靚菜。一共 12 款產品每天新鮮上架，連Super food羽衣甘藍都只要$10買到，想食得健康都無需要挨貴菜。
精選特價靚菜
蔬菜均由叮咚買菜的自營農場種植，零化學農藥，所有蔬菜採摘後 2 小時內即完成預冷鎖鮮，通過溫控冷藏車運輸，抵達分店前再經人工二次分揀。 超抵食蔬菜包括白菜仔、春菜、水滴椰菜、油麥菜等，必試巨無霸 18 厘米長蘆筍。（按圖睇價錢）
來源：惠康、UHK
活動資訊
- 開始日期2025-06-13
飲食熱話
-
著數報料
惠康 Wellcome
惠康 $5/包菜超抵買！🥬🛒
🤭我平時好鐘意行超市，睇下有咩著數同優惠👀早幾日見到惠康有$5/包菜🥬超抵買 ‼而且好新鮮，每包都乾淨企理，去惠康買餸買菜輕鬆又方便！仲有得儲Yuu分添🤣真係好好～放工去惠康買菜，好似我呢啲打工仔，都唔怕夜左菜檔收哂工😅 😋我就最鐘意食唐生菜🥬，易煮又好食，脆嫩爽口，所有葉菜都係天然環境種植🔸無化學農藥🔸嚴格質量管理🔸天天新鮮上架🤩買得放心，食得安心。 ⭐惠康最近推出「鮮至抵食」葉菜系列，指定葉菜以新低價發售$5/包(200-300克)，包括菜心、唐生菜、水東芥菜、白菜仔及油麥菜等等，黎緊會有更多款菜陸續上市。 啱哂我呀！準備好去惠康買餸未呀！ #惠康#Wellcome #鮮至抵食#新鮮蔬菜5蚊 #惠康新低價
閱讀更多
-
健康
東涌
東涌蔬菜哪裡買？實地探店進和菜欄
最近喺東涌行街，順便入咗去探探本地好多人推介嘅蔬果檔——進和菜欄，成個過程有啲驚喜，又有啲位可以提提大家注意。 進和菜欄環境感 進和菜欄個檔位唔算大，但擺到幾齊整，蔬菜分類清楚，行過去有啲市場嘅熱鬧氣氛但唔會逼到爆。燈光夠光，貨架乾淨，唔會有啲葉碎滿地嘅感覺👍。 唯一係，去到人多嘅時候條通道會窄咗啲，如果你拎住袋嘢行，可能要小心避開人流。 進和菜欄菜品特色 * 冬季蔬菜：菠菜、甘藍、白蘿蔔都幾靚，摸落手感結實，葉菜都係鮮綠色，炒嚟好清甜。 * 夏季蔬菜：茄子、青椒、西葫蘆色澤靚，表面冇爛點，炒、煮、燉都啱用。 * 新品種推介：間唔中會有彩色胡蘿蔔、迷你西芹呢啲少見款，賣相同味道都幾有趣，啱晒鍾意玩新菜式嘅 老闆講，啲菜每日早上直送長沙灣批發市場，唔過夜，所以新鮮度都幾有保證。不過，有時候熱門嘅菜，例如嫩菠菜或者本地蕃茄，去得晏就真係無貨。 進和菜欄服務體驗 老闆同店員態度幾好，唔會逼你買，仲會解釋點揀啲菜靚啲、點樣擺耐啲。 唯一覺得可以改善嘅係，如果新品種有試食或者小卡仔介紹就更方便新手試新嘢。 購買小貼士 * 早啲去，款式多啲，熱門菜唔易斷貨。 * 想試新品種，可以主動問，唔問可能錯過啲有趣選擇。 * 如果趕時間，建議預訂，免得去到發現冇貨。 如果你係搵緊東涌蔬菜推薦、東涌菜欄或者想到東涌訂購蔬菜，進和菜欄都係個唔錯嘅選擇，價錢透明、菜夠新鮮，仲有啲小眾品種等你發掘。不過記住——熱門款要早啲去，唔係真係會空手而回！ #東涌蔬菜 #進和菜欄 #東涌蔬菜推薦 #東涌菜欄推薦 #東涌蔬菜訂購 #東涌蔬菜邊度買 #買餸日常 #新鮮蔬果 #東涌蔬菜哪裡買 (此文章由U Blog 同步發佈至社群)
閱讀更多
-
健康
東涌
東涌買菜好去處｜親身經驗分享，避坑＋推薦
住喺東涌嘅朋友，應該都有同我一樣嘅煩惱：超市雖然方便，但菜價高、選擇少，仲有啲菜放咗幾日都唔新鮮。落街市買，又驚中伏，買到貴又唔好食嘅貨。所以，點樣揀啱地方買菜，真係一門學問。今日就同大家分享下我自己嘅踩雷經驗，仲有一間我覺得值得推介嘅菜檔。 我遇過嘅坑：唔想大家再中伏 有啲檔口標價唔清晰 有時見到價錢寫得好細，等到結帳先發現比想像中貴咗。建議買之前一定要問清楚係「斤」定「両」，唔好怕尷尬。 部分菜式睇落靚，但唔耐放 我就試過買到啲葉菜，當日仲青綠，第二日雪櫃拎出嚟就開始黃，明顯唔夠新鮮。 水果試食同實際貨唔一樣 有次試食覺得又甜又正，買返屋企先知揀畀我嗰幾個完全唔同味，食到火都嚟。 東涌買菜好去處推介 踩過幾次雷之後，我發現其實東涌都有啲穩陣嘅選擇。尤其係逸東邨街市，啲貨源比較穩定，價錢唔算離譜。 其中我比較常去嘅係： 👉 進和蔬菜（新界東涌逸東邨街市55-56號） 為咩揀佢？主要幾個原因： * 新鮮度穩定：葉菜基本上都幾脆綠，就算放雪櫃隔日都仲可以保持口感，唔似其他檔咁易「焗壞」。 * 價錢清晰：檔口都有標明，唔會有結帳先比你驚喜嘅情況。 * 款式齊：基本嘅通菜、芥蘭、菜心都有，仲有啲時令蔬菜，例如節瓜、合掌瓜，選擇唔算少。 * 老闆肯講解：有時唔識煮邊種菜，問下老闆都會比啲建議，算係友善。 買菜小貼士（親身經驗） * 早啲去揀：早上去，選擇多啲，啲貨仲新鮮。 * 唔好一次買太多：尤其係葉菜，最好2–3日食完，唔好貪平一次過入好多。 * 街市熟客優惠：有時老闆會額外送你幾條蔥或者芫茜，呢啲小心意其實幾窩心。 總結 如果你都想搵東涌買菜好去處，我會建議可以試下去逸東邨街市，特別係進和蔬菜（地址：新界東涌逸東邨街市55-56號）。唔敢講一定係最平，但新鮮度、價錢透明度、服務態度，綜合嚟講都算係一個穩陣選擇。 買菜最怕就係中伏，大家記住唔好貪平亂買，清楚問價，睇清楚貨色，基本上都唔會錯得太遠。 #進和菜欄 #東涌蔬菜邊間好 #東涌菜檔 #東涌買菜 #東涌買菜好去處 #進和蔬菜 (此文章由U Blog 同步發佈至社群)
閱讀更多
