黃大仙新大眾$98任飲任食放題 無限量雞煲／烤魚／串燒／羊腩煲

U Food

港式美食

上海新大眾大閘蟹專門店

黃大仙$98起任飲任食放題 蟹粉鵝肝菜/送海鮮拼盤

係黃大仙竟然有間大閘蟹專門店推出$98起任飲任食放題，烤魚、雞煲、串燒、羊腩煲同汽水啤酒等無限追加，最低$98起就可以食到近百款美食同飲品 七款煲類包括麻辣烤魚、老壇酸菜烤魚、香濃番茄烤魚、四川麻辣雞煲、奇味雞煲、熔岩芝士雞煲 (每位+$18）同雙冬羊腩煲🐏   食完就可以打邊爐，自助區有火鍋配料同肉類選擇，配埋多款炸物、熟食同勁回本蟹粉同鵝肝菜式，抵食。想食埋超豪華の龍蝦鮑魚海鮮拼盤，只須四位或以上 提前至少一天WhatsApp訂座C餐就可以享用到   上海新大眾大閘蟹專門店 總店📍黃大仙飛鳳街46號地舖（近鳳凰新村） 分店📍黃大仙鳳德道13號地舖 營業時間:中午12時正-凌晨2時正 電話訂座：2419 1208 圖片來源：IG@上海新大眾大閘蟹專門店 #美食 #美食推介 #放題推介 #大閘蟹推介 #任食放題

Ada媽

中式料理

上海新大眾大閘蟹專門店

任食一次過食曬蟹粉、雞/魚煲、串燒

食咗麻辣雞煲先？ 定食火鍋肉先? 一係食左串燒先? 心大心細 定食咗蟹粉小籠包先? 仲可以食炸物及一品料理 對於選擇困難症嘅我，真係心大心細 今次我就嚟到黃大仙新店 上海新大眾大閘蟹專門店 食120分鐘放題 C餐 下次可以帶小朋友嚟食，平平地A餐 😍 一次過滿足我對美食追求，每款美食即叫即做，好有水準 🦀🦀🦀🦀🦀 有創意粉菜式: 蟹黄金撈麵、蟹粉小籠包、蟹粉香煎墨魚餅、 蟹黃金燒賣、蟹粉扒時蔬、蟹黄鵝肝炒飯 完全滿足唔鍾意拆蟹殼嘅我，啖啖蟹粉，非常惹味! 當中嘅蟹粉小籠包最為出色😍orderX3 快來捉緊食大閘蟹的尾巴 🥓🍢🥓🍢🥓🍢🥓🍢🍣🍢🥓 身為串燒控的我，無法抗拒任食串燒! 呢間嘅燒烤粉好出色，又足料，唔係牙籤肉 牛肉、炭燒雞腿肉、雞皮及雞腎係最好食😍 連隔離枱客人都讚好好食 🍲🐓🍲🐠🍲🐏🍲 天氣寒冷，有時沾寒沾凍，梗係食煲仔菜 有奇味雞煲、麻辣雞煲、番茄烤魚、羊腩煲、麻辣烤魚、酸菜烤魚 我推薦食麻辣雞煲，雞肉夠滑溜，口感鮮香微辣，伴隨著洋䓤芹菜，十分滿足愛食麻辣風味嘅我。 大人細路都鍾意食嘅番茄烤魚 魚肉烤制至外酥內嫩，搭上濃郁的番茄醬汁，酸甜適中，真係令人好開胃 如果食火鍋必叫酸菜魚 佢個湯用嚟打邊爐最正，肉類基本上唔需要落豉油 一大盆豐富嘅酸菜魚，睇賣相，真係好值回票價! 魚肉既肥美又滑溜 而且佢嗰個酸菜都好好味，唔係冇味，我同我死黨都食得好開心! 亦可以到自助櫃度拎自己鍾意飲嘅飲品，我一定係飲唔甜嘅烏龍茶或者綠茶，唔飲有氣飲品，繼續努力地食! 上海新大眾大閘蟹專門店 香港飛鳳街46號地舖 #上海新大眾大閘蟹專門店 #蟹粉#雞煲#烤魚#香港美食#UCreator #中菜餐廳 #美食推介 #打卡美食 #大閘蟹

Amerio

擦餐勁

上海新大眾大閘蟹專門店

98蚊無限任食 雞煲 串燒 烤魚

今日同朋友嚟到上海新大眾大閘蟹專門店,雖然佢個名有大閘蟹,但我哋俾佢個 $98無限任食烤魚､雞煲､牛腩､串燒嘅牌頭吸引咗!一入到去,見到前菜都係任食,有青瓜､中華沙律､木耳同埋螺肉,幾開胃㗎!🥒🥗 我哋主打叫咗個雞煲,真係冇揀錯! 個雞煲好足料,雞肉嫩滑入味,湯底濃郁惹味,食到我哋舔舔脷🤤 講真,淨係食個雞煲我已經飽到上心口,幾乎冇乜空間再試其他嘢,所以今次冇緣試到佢哋嘅烤魚同牛腩,下次一定要試番! 不過,我哋都叫咗啲串燒試吓,種類都幾多,豬牛雞羊通通都有,燒得香噴噴,令人食指大動🍢 雖然食得唔多,但都食得出水準唔錯 以$98呢個價錢嚟講,呢間上海新大眾大閘蟹專門店嘅CP值真係高到爆燈💸 上海新大眾大閘蟹專門店 (黃大仙) 黃大仙飛鳳街46號地舖 #上海新大眾大閘蟹專門店 #雞煲 #串燒 #無限任食 #抵食 #高CP值 #食好西 #香港美食 #任食雞煲 #任食串燒 #放題 #任食 #黃大仙  #黃大仙餐廳  #黃大仙美食  #烤魚