甘味處鎌倉限時飲品買一送一 鈴木咖啡牛奶／九鬼芝麻牛奶／港式奶茶黑糖蕨餅

netfoodie

打卡熱點

甘味処鎌倉 (屯門市廣場店)

日本過江龍甜品• 鎌倉蕨餅🍧🍹🎎😋

甘味處鎌倉 (屯門市廣場) 🍽屯門屯順街1號屯門市廣場1期1樓1268號舖 全日本有成51間分店既職人手作茶飲店- 甘味處鎌倉， 唔覺唔覺登陸香港， 都開咗三間分店， 呢間係其中一間。 所謂"甘味處"，其實就係指甜品店， 多以販賣日本的傳統和菓子為主 。 而呢間"甘味處鐮倉"，主打嘅就係鐮倉蕨餅🎎😋 🍹紫陽花梳打蕨餅 呢度除咗有一盒盒嘅蕨餅食之外， 連飲品入面都有蕨餅架❣️ 一邊飲梳打， 同時每口都咬得到軟軟糯糯既粒粒蕨餅！ 感覺仲好飲過一般嘅珍珠奶茶❣️👍 🍓🥛草莓牛奶 梳打飲品感覺輕爽啲， 鍾意口感厚醇d嘅話， 可以叫牛奶系列。 入面有鎌倉蕨餅，同埋由新鮮草莓製成既草莓醬汁， 再配濃郁牛奶， 味道好豐富好rich，香甜可口 。 上面仲有厚厚香甜忌廉添❣️ 🍧黑芝麻刨冰 趁天氣未凍！試埋佢個刨冰！ 見佢話d冰選用日本直送天然水， 同埋係用日本製既刨冰機， 果然日本店係有職人精神d！ 果然d刨冰係刨得好薄， 成個刨冰軟綿綿, 唔會成口碎冰， 基本上都唔使咬，入口即融。 連埋啲黑芝麻糖漿，好好味！ #甘味處鎌倉#甘味処ゆい #甘味處#鎌倉#鎌倉蕨餅 #蕨餅#屯門#屯門巿中心#tuenmunfood#tuenmun#甜品#dessert#狂歡partytime #賞楓暢飲 #出發打卡 #我想逆轉齡 #ucreatorhk #打卡美食

someonelikesyummy

甜品

甘味処鎌倉 (屯門市廣場店)

🍡 一場甜品與心情的靜靜對話

最近發生咗啲事,我同一班朋友心情都唔太好｡大家都話食啲甜品可以安慰下自己,原來佢哋會揀蕨餅陪自己過一段時間,我聽完都想試吓,睇下係咪真係有療癒效果｡ 今次去咗屯門市廣場｢甘味處鎌倉｣,試咗兩款甜品:芝麻蕨餅配焙茶雪糕 🖤🍵 同 原味蕨餅配柚子雪糕 🌿🍊｡ 蕨餅真係煙靱得嚟唔黐牙,口感好滑,份量都算足,食落唔會太甜,唔會膩｡芝麻味嗰款我比較鍾意,芝麻香好濃,食落有層次感;原味就用黃豆粉,味道比較淡啲,相比之下冇咁突出｡ 雪糕方面,焙茶味好香,帶少少茶嘅苦味,唔會太甜,幾有深度;柚子雪糕就清新酸甜,食完有種透氣嘅感覺,夏天食應該好啱｡ 雖然整體味道唔錯,但我發現自己唔算係蕨餅嘅忠粉,純粹滿足好奇心,試過就夠｡ ☕ 同場加映:我仲試咗佢哋嘅｢天空焙茶拿鐵蕨餅｣,本身以為係普通焙茶latte,點知飲到落底竟然有啲煙煙韌韌嘅蕨餅粒,好特別｡焙茶味道香濃,奶味平衡得唔錯,不過甜度偏高,我自己就覺得飲唔晒｡如果你鍾意甜啲又想試新嘢,呢杯都幾有趣｡ 整體嚟講,呢次體驗唔算驚喜,但係喺低落嘅日子入面,可以靜靜地食住甜品,畀自己一個喘息空間,都算係一種安慰｡💭 #甘味処#屯門

FoodTravel_World

甜品

甘味處鎌倉 (希慎廣場)

解鎖蕨餅新食法🔓日本過江龍進駐希慎❤️‍🔥

Hysan地下翻新後多左好多新食店進駐,其中一間最吸精就係依間日本過江龍,主打蕨餅同飲品,都係跟本店做法落單後製作,確保新鮮👍🏻成日經過都有條人龍排緊隊,今次試完之後完全愛上咗!!!好開心終於喺香港都食到同日本食嘅蕨餅一樣咁好味😍 —— 濃厚生朱古力 $53 —— 香蕉朱古力 $53 依杯生朱古力不得了!估佢唔到落左勁多蕨餅,飲每啖都食到,蕨餅本身好軟熟好易吸,加上生朱古力香釀濃厚,面層有滿滿嘅忌廉｡值得一讚嘅加左士多啤梨碎粒,驟眼似裝飾用,但濕左飲落都散發好香士多啤梨味,似足北海道白朱古力士多啤梨入面個果乾味咁香! —— 蕨餅 (10件) $98 係一食回到日本嘅味道!!!一打開目測好軟糯,郁下個盒啲蕨餅就彈下彈下,放入口柔軟綿密,有適當嘅煙韌度,咬落去唔會過黏痴牙,甜度啱啱好👍🏻 同樣重要嘅黃豆粉比左激量‼️確保每塊蕨餅都得到黃豆粉嘅竉愛!啲粉多到我會將一塊蕨餅分幾舊食,務求用最多面積沾到更加多黃豆粉!10件啱3-4人share,一塊size都好大,絕對會再回購好好食啊!!! 🌟推薦指數:10/10‼️ ▫️▫️▫️▫️▫️▫️▫️▫️▫️▫️▫️▫️▫️ 📍甘味處鎌倉 (銅鑼灣) 希慎廣場URBANHOOD B1樓B101A號舖 🔎分類搜尋:#FTHK_銅鑼灣 #FTHK_甜點 #我想食buffet#人人生日快樂#我係咖啡達人#銅鑼灣美食#蕨餅