過江龍│過江龍餐廳│又有過江龍到港啦！這次是韓國人氣辣炒年糕店Young Dabang進駐沙田新城市廣場，一提起Young Dabang不得不吃最高人氣的招牌激長韓式年糕鍋，年糕近35cm，認真誇張！喜歡韓國菜的朋友記得留意啦！
辣炒年糕店Young Dabang在韓國一直有高企人氣，這次首次到港，並進駐沙田新城市廣場
Young Dabang供應多款不同特色口味的韓式年糕鍋，例如芝士年糕鍋、酥炸魷魚年糕鍋、牛肉年糕鍋等。每個年糕鍋都用上超過35cm激長年糕條，誇張得來又非常打卡。年糕條吸收了醬汁的精華，咬下去很有咬勁，且每口都充滿香辣惹味。
8款年糕鍋均配自選6款醬汁，當中包括經典香辣的「YDB招牌醬」和韓式玫瑰醬，香港限定口味更有粟米忌廉醬及卡邦尼醬。如果不夠滿足的話亦可加配不同炸物，例如芝士球、煎餃、炸紫菜捲等，沾上醬汁吃簡直一流！
除了年糕鍋，Young Dabang亦供應魚糕串湯鍋、牛油香蒜薯條、炒粟米、韓國釜飯及韓國烤雞等，選擇多多。
Young Dabang
地址：沙田新城市廣場1期1樓103A號舖
人氣餐廳排名
-
韓國菜
Young Dabang 青年大邦
<韓國人氣年糕鍋｡青年大邦>
路過見到呢間餐廳都有唔少人排隊,就打算都排隊試吓🤣餐廳未開已經有人喺度排緊隊,不過餐廳都比較大,座位亦都多,所以都輕鬆入到去😆餐廳有好多懷舊漫畫佈置,玩味感十足! 呢間餐廳出名年糕鍋,咁我梗係唔執輸都要嗌一個試吓,叫咗酥炸魷魚皇年糕鍋($268)🫶🏼個人認為呢個兩個人食啱啱好,食到都好飽叫唔到其他嘢食😆每個年糕鍋都可以自己揀醬汁,同埋加配料~ 平時年糕多數配韓國辣醬,所以我試下其他口味-卡邦尼醬($28)😙都幾好食,好Creamy😍,不過食到尾可能會有少少覺得漏~年糕好大好長,要自己剪短先方便食,煙煙韌韌唔錯🤣 不過記得唔好煲個鍋太耐,會好易黐底!而酥炸魷魚好大嚿,浸咗醬都卜卜脆~配料其實同部隊鍋差唔多,有拉麵､魚糕､炸餃子､鵪鶉蛋等💕 除咗出名嘅年糕鍋,其實佢都有其他嘢食~香雞､小食､紫菜包飯､釜飯等~大家試左可以同我講好唔好食🤣 📍 青年大邦 (沙田) 沙田沙田正街18-19號新城市廣場一期1樓103A號舖 #OMT沙田美食 #hkfoodie#hkrestaurant#hkfood#foodblogger #香港美食#沙田餐廳#沙田餐廳#沙田美食#韓國美食#韓國菜#韓國餐廳#韓國過江龍#年糕#年糕鍋#炸雞#紫菜包飯#部隊鍋#韓國部隊鍋 #歎住靚景Staycation
閱讀更多
-
韓國菜
Young Dabang 青年大邦
韓國過江龍 必食超長25cm年糕鍋🤤！
⧖ 呢間位於沙田新城市,主打韓式年糕嘅青年大邦 新開張時期超多人排隊🥺無乜耐心嘅我當然放棄啦😆 呢日放假專登同朋友嚟撞下彩😆 居然無乜人排,只係等十幾張飛!?😳😳 入到去啲座位原來都幾多同埋full曬🤨 ➢ 炸雞芝士瀑布年糕鍋 配 YDB招牌醬(小辣) $293 - 四條原條年糕,煙煙韌韌,同韓國食嘅一模一樣👍🏻 - 炸雞其實唔熱,係個年糕鍋㷫返熱🤨 - 芝士份量超多,芝士控表示滿足💛 - 韓式炸餃子2隻,粉絲餡🤤 - 小辣唔會太辣,推薦俾食唔到辣嘅朋友🤓 ➢ 魚糕串(2串) $48 嗌完先知個鍋本身已經有啲魚糕喺度 同埋48蚊得兩串太貴,所以唔建議再加🤨 我哋兩個女仔淨係嗌咗個鍋就已經飽到頂唔順🙂↕️仲要淨少少🤣 本身好想嗌紫菜包飯,好彩無嗌!!見佢大大嚿咁好吸引😳 唯一差評係入咗座嗌完個鍋都要等好耐☹️25-30mins 不過同時都證明咗佢唔係整定嘅🤨 📍青年大邦 (沙田) 沙田沙田正街18-19號新城市廣場一期1樓103A號舖 #青年大邦#YoungDabang#청년다방 #韓國菜#沙田美食#沙田新城市#香港美食#香港必食#香港Foodie#KoreaFood#HKFoodie{{hket:campaign display="社群請睇戲"}}{{/hket:campaign}}#韓式料理#韓國#韓國美食#UCreator#假期推介#Foodie
閱讀更多
-
韓國菜
Young Dabang 青年大邦
炸雞芝士瀑布年糕鍋！🤤 新城市廣場開張啦！🔥
沙田新城市廣場嘅青年大邦，聽講全球有400幾間分店，終於開到嚟香港，平時經過都排晒長龍，難得今晚收早冇乜人排隊，即刻入去試下先！ 炸雞芝士瀑布年糕鍋 $293 上檯見到超級足料，開爐煲返熱先食，無骨炸雞金黃酥脆，咬落去啖啖肉，配上超多嘅mozzarella cheese，拉絲感十足。我哋揀咗YDB招牌醬，年糕煙韌超長好特別，食落Q彈，仲有炸餃子、維也納腸、鵪鶉蛋白椰菜、大蔥、拉麵等好多配料，微辣嘅味道好開胃，邊煮邊食，越食越惹味。 濟州蜜柑梳打$148/壺 好抵飲，一壺夠兩三個人飲，入面有好多蜜柑果肉，飲落清爽鮮甜，同年糕鍋一齊食，解辣又解膩。 餐廳環境唔錯，裝修有韓式風格，坐得都舒服。服務員態度好好，下次仲有其他嘢想食，要再encore！ 評分：最高為5分 治癒度：👩⚕️👩⚕️👩⚕️👩⚕️ 抵食度：💉💉💉 翻兜指數：🩺🩺🩺🩺🩺 青年大邦 沙田正街18-19號新城市廣場一期1樓103A號舖 📍港鐵沙田站 A3 出口5分鐘路程 #healingbobo#foodie#hkfoodie#社群共創攻略 #我的打卡地圖#香港美食攻略#香港購物攻略#香港打卡攻略 #100個港人旅遊攻略#100個港人推介親子好去處#香港#美食#香港美食#新城市廣場#打卡美食#香港美食地圖#沙田新熱點#韓國菜#韓國料理#青年大邦
閱讀更多
