尖沙咀居酒屋推超值半放題 10吋⼤頭蝦／A4和⽜／帝王蟹腳／任食壽司 送民豐糯米糍！

chingchingjaiii

日式料理

和道屋 Wado Izakaya

《尖沙咀$388午市半放題任吃到飽》

之前跟朋友一起和道屋用餐，覺得這裡環境舒適，而且食物可以的，所以再來吃東西啦。店舖就在加連威老道，日式居酒屋裝修挺美的，還有日式擺設和打卡位欵📸。 這次來到看到有半放題，午市和晚市也有欵。午市HKD$388、晚市HKD$698，這個價錢吃得到性格比高🙈。 - 巨型10吋大頭蝦×宮崎A4和牛壽喜燒半放題⁠ 套餐食物一次食物包括：牛油果醬凍豆腐沙律、日本真鯛薄切6件及特選生燒5款串燒。 串燒有5款選擇，包括：焦糖菠蘿、燒鮮冬菇、明太子雞腿串、鹽燒和牛粒及千歲米豚腩。以大頭蝦和串燒為主的套餐，大頭蝦巨大隻🤣，蝦膏滿滿吃得到的是鮮味，拆開後啖啖肉真香。串燒也很吸引要趁熱吃的，肉燒香過後帶點油脂味，火喉剛好不會感到韌。 - 浜燒日本帝王蟹腳×宮崎A4和牛壽喜燒半放題⁠題⁠ 套餐食物一次食物包括：黑松露燒牡蠣、鹽燒牡蠣、金蒜芝麻燒帆立貝及鹽燒大蝦。這個以燒物為主，現點現燒味道真香，熱辣辣吃的質感較好。蟹腳大件肉質鮮甜，不用放醬油直接吃也可以欵。翩牡蠣肉質大隻鮮味，較喜歡吃黑松露味，提升了蠔肉鮮味。海鮮食材用料新鮮，帆立貝和大蝦爽口鮮味，用鹽燒味道挺香的。 - 任食食物 包括：即做手握壽司 11款、溫泉蛋紫菜飯及鍋物。鍋物有2款湯底，我們點了壽喜燒鍋底，滾起後的味道濃郁，咸咸甜甜的挺惹味。肉肉有宮崎A4和牛、北海道米豚及廣島牡蠣，這個是午市每款兩碟的，肉肉色澤紅潤賣相新鮮，和牛油脂均勻肉質軟腍，豚肉質嫰滑，不會感到韌。雖然午市的肉肉和壽司不是任吃的，但吃完已經飽了。 - 甜品 套餐還有甜品附送的，當天的有芝麻雪糕選擇。濃郁的芝麻質感軟滑，感覺奶味挺重的。想吃多份也可以再點的，這個也是任吃欵。 - 📍和道屋 尖沙咀加連威老道46-48號恆隆銀行大廈地舖及閣樓 (此文章由U Blog 同步發佈至社群)

eatistruelove.hk

打卡熱點

尖沙咀半放題居酒屋🏮🇯🇵 @wado_izakaya 超正北海帝王蟹腳、巨型爆膏大頭蝦🦐🦀 居酒屋環境好有Feel，特別係一上樓梯有個無臉男裝飾，加上牆上海報同掛燈，好似置身於日本咁🇯🇵 半放題午市90分鐘晚市120分鐘，主食有兩個餐可以揀，而壽司、鍋物、烏冬、紫菜飯可以任食‼️我哋每個餐叫一份，可以share食👯‍♀️ 1️⃣帝王蟹腳大漁浜燒拼盤 前菜有和風沙律、日本A級海膽蟹肉甜筒，海膽好鮮甜😍另外有5款大漁浜燒： 最正一定係北海帝王蟹腳，啖啖肉，食蟹食到飽🤣仲有鹽燒牡蠣、黑松露燒牡蠣、金蒜芝麻燒帆立貝、鹽燒大蝦，即叫即燒🔥 2️⃣巨型爆膏大頭蝦串燒拼盤 ⭐️前菜有牛油果醬凍豆腐沙律、日本真鯛薄切，刺身好新鮮！ 🦐10寸巨型爆膏大頭蝦配海膽黃金蟹膏醬 好少餐廳食到咁大隻大頭蝦，蟹膏醬都係重點，配上鍋巴食好好味😋 呢個餐仲有串燒5串: 焦糖菠蘿，千歲米豚腩，明太子雞腿串，鹽燒和牛粒，燒鮮冬菇，燒得唔錯，和牛粒大大粒😍 📣任食即做手握壽司 油甘魚、三文魚、火炙三文魚、火炙左口魚邊、香蔥吞拿魚蓉、八爪魚、飛魚籽、海膽魷魚、青芥辣八爪魚、明太子沙律、加州卷 雖然係任食，不過都食唔到好多，叫一Round每樣試下，都好高質，用上赤醋飯，最愛左口魚邊，油鮨滿滿。 📣任食鍋物（可選壽喜燒/日式豆乳豚骨湯） 宮崎A4和牛、北海道米豚、廣島牡蠣（午市以上每款2碟,晚市任食）鍋物都好豐富，和牛油脂分布平均，質感軟腍，廣島蠔脹卜卜😋 📣任食溫泉蛋紫菜飯，溫泉蛋稻庭烏冬，野菜盤🥗 我哋都食唔落冇叫🤣 午市90分鐘$388/位 晚市120分鐘$498/位 📍#和道屋 (#尖沙咀美食) #尖沙咀 加連威老道46-48號恆隆銀行大廈地舖及閣樓 #EstherBunny

fionne

打卡熱點

和道屋 Wado Izakaya

尖沙咀居酒屋半放題🤩 $388食到停唔到🤤

最近見到好多人介紹尖沙咀呢間居酒屋嘅半放題,午市$388就食到沙律､刺身､巨型大頭蝦､串燒､壽司､壽喜燒､宮崎A4和牛､北海道米豚､廣島牡蠣同雪糕(每款限兩碟),性價比極高! ✨巨型大頭蝦×宮崎和牛 半放題90分鐘✨ ☀️午市12:00-13:30 HK$388一位 🌙晚市18:00-21:00 HK498一位 🍻任飲啤酒､無酒精飲品 加$68一位 🥗牛油果醬凍豆腐沙律 牛油果醬豆腐滑嫩配上胡麻醬,食起上嚟好開胃｡ 🐟日本真鯛薄切 6切 薄切嘅真鯛刺身晶瑩剔透,肉質細緻甜美,配上蘿蔔泥､蔥花同特製柑橘醋醬食,令真鯛鮮味更突出! 🦐10吋巨型爆膏大頭蝦 配海膽黃金爆膏醬 大頭蝦有成10吋咁長,真係有我手板咁大😆!搣開蝦頭見到爆哂膏,要用隻匙羹仔潷晒出嚟食😋!蝦肉厚身肥美,非常爽口彈牙,蝦膏甘香鮮甜,店員教我哋落少少海膽黃金爆膏醬一齊食,鮮味即刻翻倍啊😍!旁邊嘅鍋巴配海膽黃金爆膏醬,脆卜卜好啱用嚟做佐酒小食｡ 🍢特選生燒串燒5串 包括焦糖菠蘿､千歲米豚腩､明太子雞腿串､鹽燒和牛粒同燒鮮冬菇｡明太子雞肉燒到外層焦香微脆,肉質豐富,加埋上面嘅明太子醬,令味道鹹鮮惹味!千歲米豚腩肉味濃郁,肉質滑嫩有彈性!食咗咁多肉類,食返串酸酸甜甜嘅焦糖菠蘿,好味又可以解膩｡ 🍣任食 即做手握壽司 分別有油甘魚､三文魚､火炙三文魚､火炙左口魚邊､香蔥吞拿魚蓉､八爪魚､飛魚籽､海膽魷魚､青芥辣八爪魚､明太子沙律同加州卷｡我哋最鍾意火炙三文魚同火炙左口魚,火炙後令魚生嘅魚油出晒嚟,油香超級豐富! 🍲鍋物(可選壽喜燒/日式豆乳豚骨湯) 我地揀咗壽喜燒,每人會有兩碟宮崎A4和牛､北海道米豚同廣島牡蠣｡宮崎A4和牛雪花分布細密,油花豐富,入口即溶｡北海道米豚肉質柔軟,肉味濃郁,食落唔會好油膩｡廣島牡蠣好肥美,咬落去爆汁鮮甜! 🍚任食 溫泉蛋紫菜飯,溫泉蛋稻庭烏冬,野菜盤 食完以上食物已經好飽,所以無嗌到嚟食啦🤣~ 🍨 甜品 紅豆雪糕 最後有紅豆雪糕做呢餐嘅結尾,雪糕綿密帶有香甜紅豆味🫘,唔會好甜,冰涼又清新! @wado_izakaya 📍 和道屋 WADO Izakaya 尖沙咀加連威老道46-48號恆隆銀行大廈地舖及閣樓 #UCreator#打卡美食#好去處#全新景點#chill#隱世打卡點#打卡#半放題#尖沙咀#居酒屋