尖沙咀火鍋店推出$8蠔任點任食！主打生猛海鮮/手切潮汕牛肉/潮汕牛肉丸

Man Ling

旅遊攻略

倫敦

跟🐤去食: vol.4 寧記潮汕牛肉火鍋 🥩

👼🏻👼🏻👼🏻👼🏻👼🏻/5 呢間火鍋店係佢未開始做任食之前 有來食過 係好食但每人30幾磅食唔飽 個陣仲諗應該會要有閒錢先再來食 😂 但無見佢一排 原來開始攪任食 而且都係£30.95/人 認真講係超抵食 平日中午來食 環境乾淨好加分 肉供應有:匙仁﹑三花趾﹑匙柄﹑胸口油 仲有海鮮蝦﹑蟹同青口 菜種都好多 全部食材都好新鮮唔係講笑 絕對可以有下次兼推介俾朋友 🐤💡正宗既潮汕火鍋極度挑剔，一隻牛只有大約 37% 嘅肉（好似吊龍、匙仁）夠資格被切片上枱。剩低嗰啲唔夠嫩嘅位，通通會被拎去打成牛丸 #出遊零煩惱 #法式科學護膚 #去新酒店Staycation #321開始想像

Asura Queen

香港攻略

牛大帥天天鮮牛肉火鍋

$328食勻十款潮汕牛部位放題

近年身邊不少朋友都鍾意北上覓食，尤其潮汕牛肉火鍋大家都讚好。不過諗到要花時間排隊過關再加來回交通，我真係寧願留港消費。今晚行開旺角T.O.P商場，發現原來深圳人氣品牌「牛大帥」已經靜靜進駐，開設香港第一間分店。門口大大個標語「新鮮不隔夜，美味不過時」，$328就有120分鐘任食十款不同部位的牛肉，咁就入去食下啦。 入座後店員就送上新張期間限定嘅刺身頭盤，有三文魚、北寄貝同甜蝦。刺身水準中規中矩，以跟餐附送嘅質素嚟講收貨有餘，畢竟今晚嘅主角好明顯係檯上嗰一碟碟鮮紅色的牛肉。 最欣賞佢哋係一人一鍋設計，自己食自己嘅節奏，唔使就住朋友嘅進度。湯底選擇方面有麻辣、沙嗲、蕃茄薯仔同皮蛋芫荽，唔算太多，如果店家將來可以增加多些湯底選擇就更好。 牛肉款式方面，最鍾意嘅係吊龍，食落又香又滑；匙仁都唔錯，肉香同油香兼備；五花趾同極品雪花呢兩個頂級部位，極品雪花比較肥，口感滑嫩；五花趾就爽滑有嚼勁；仲有口感豐富嘅雙層肉，同入口爽滑嘅匙柄。其他仲有嫩牛肉、牛鍵子、牛胸油、牛舌，整體肉質都唔錯，新鮮現切，每片有一定厚度，真係日日新鮮直送嘅質素。一次過食勻十款牛肉，任飲任食都算幾抵。 除咗牛肉，仲有其他小食選擇。必試嘅一定係牛丸，一咬落去肉汁噴出，牛味超濃。墨魚滑同蝦滑都唔錯，熟食方面嘅牛坑腩、牛爽腩同牛雜都幾好。 蔬菜區選擇好多，而且眼見全部都新鮮，食咁多肉之後一定要淥返啲菜平衡吓。自助小食區仲有炸丸、薯條等，麵食就有出前一丁、刀削麵、辛辣麵同烏冬。飲品方面真係花多眼亂，汽水、紙包飲品樣樣齊，最驚喜係連啤酒都係任飲唔使額外加錢，呢點可加分。 牛大帥天天鮮牛肉火鍋：旺角彌敦道700號T.O.P This is Our Place地庫R1號舖 #放題 #火鍋 #牛肉控 #潮汕牛 (此文章由U Blog 同步發佈至社群)

tszhong915

香港攻略

創興廣場

性價比高，椰子雞煲任食火鍋

香港人真係好鍾意打邊爐😂 今日去試吓性價比好高既椰子雞煲😍 夏天食清甜椰子雞煲消暑,無甘熱氣又啱Aidan,椰子雞湯夠晒清甜 😂 大人小朋友都岩食 椰子雞湯滾起 陣陣香味 🍽️雞件又嫩又滑 食到停唔到口😋食完雞 梗係試吓其他材料啦 ,特上牛小排,牛肩肉肉眼,廣島蠔,沙白好鮮甜 重有好多丸類選擇 全部都好食😳 而且仲有多款飲品同啤酒選擇 而1664同Sapporo 生啤任飲 啱晒同朋友 屋企人黎傾吓偈👫🧑‍🤝‍🧑 👍 二百零蚊一位 呢個質素值回票價! 食完雞煲飲番啖椰子雞湯,真係好正🫢 ⁉️夜晚任食2.5小時 ‼️Lunch Time 無限時任食😲 下次一定要試埋經典重慶雞煲或者芝士雞煲😂