泰式鄰家餐廳BAAN BAAN於2月3日至3月31日期間快閃登陸上環蘇豪區，由人氣餐廳口利福和Fukuro的烹飪團隊擔任是次快閃餐廳的主廚，主打地道泰式家常料理。餐廳更設有五道菜套餐，只需$288，如果二人以上同行即可試到更多菜式，CP值好高！
Click圖睇完整Menu：
BAAN BAAN由主廚Eak 和 Art 分別是口利福和 Fukuro 的烹飪團隊之一，在口利福的行政總廚ArChan Chan 帶領下，共同設計了菜單，主打一系列泰式家常菜。餐廳設有抵食五道菜套餐（$288/二人起），可以自選五款料理，越多人則可試到越多道菜。
推介煙燻鴨肉碎生菜包，鴨肉碎有淡淡煙燻香味，搭配脆豬皮、烤米碎以及爽口生菜，口感豐富。食肉獸一定要試脆炸雞翼，外層非常酥脆，咬口軟嫩多汁，魚露汁調味酸甜開胃，配酒一流！
主菜可以試試香辣羅勒炒牛肉以及椰汁黃咖喱，絕對是白飯小偷！酸辣排骨湯調味偏鹹及酸，適合重口味人士。
BAAN BAAN
地址：中環士丹頓街 52-56 號
營業時間：2月3日至3月31日，每日下午5時起
訂座：按此
同場加映：【識食攻略】最新影片
人氣餐廳排名
-
泰國菜
超推介性價比高泰菜•仲可以包房開派對🩷
Add Some Thai Restaurant 🍽開源道62號駱駝漆大廈第一座9樓D室 好彩友人推介， 試到間喺駱駝漆大廈既性價比高泰式餐廳❣️ 入到嚟位置好大， 枱與枱之間都有距離， 好有空間感， 唔怕隔離枱偷聽😆 傾計都傾得舒服。 中間位置仲有個飄浮彩光波波河流仔咁， 好有格調。 燈光微微暗，播住泰文歌， 猶如去左泰國渡假🥰 多人既話，唔使諗叫套餐都好豐富好不錯！ 有齊頭盤、湯、小食、主食、蔬菜同埋甜品🥳 2 人套餐 $388 🔸️沙律 我地揀左：泰式鮮蝦青木瓜沙律 unexpected !佢係一大jar咁上， 份量好多，成jar滿架！ 好可愛仲有個唧唧俾你落沙律汁。 🔸️餐湯 除左冬蔭公，仲可以揀椰皇椰青雞湯。 椰皇椰青雞湯超級清甜！ 亦好足料，都幾多雞髀肉， 亦有椰青同菇食下， 佢一路下面點住火，一路滾住， 唔怕飲凍湯。 🔸️小食拼盤 佢個小食拼盤好精彩！ 有齊經典炭燒豬頸肉、蝦餅、沙嗲雞肉串、沙爹豬肉串 好鐘意個蝦餅，夠彈牙架！ 🔸️A.S.T. 招牌火山骨(辣) 加錢upgrade左呢個。 超推介要upgrade呢個❣️ 超級誇張，勁大份！ 份量多到一個點，我好懷疑2個人有無可能食得晒！😆 排骨肉淋， 個汁可以要求另上， 自己隨喜好控制好辣度。 🔸️好正，個餐仲有碟自選蔬菜。 可以揀蒜蓉/馬拉盞/薑汁炒/泰皇椰青雞湯。 蒜蓉炒椰菜苗炒得超超超香。 個餐除左沙律仲有碟炒菜， 夠菜食，I love it! 🔸️甜品 又係upgrade左， 要左三色芒果糯米飯。 如果唔upgrade既係有椰汁膏。 最後食埋甜品真係感覺超滿足🥰 餐廳有水提供，不過套餐加野飲都抵。 🍹冰鎮卡通泰檸檬茶 呢個勁得意！ 有隻冰熊，仲係爬緊出杯既造型🤣 overall黎講，呢間餐廳個套餐性價比超高！好味又抵！ 服務都好細心！ 上菜時會主動配埋公筷同碗仔呀咁，唔使叫架。 環境又寬躺舒適！ 位置好大！ 仲有2間廂房可以book場開party架！ 想開個泰式嘅party， 邊食泰菜邊唱K打牌玩switch， 應該會好正❣️ #addsomethairestaurant#觀塘美食#觀塘 #香港必吃#香港美食#泰國菜#泰國美食#泰國#觀塘駱駝漆大廈 #泰菜 #泰國美食 #UCreator #打卡美食 #美食推介 #Foodie #倒數聖誕 #我一定要飲咖啡 #賞楓暢飲 #快閃打卡賞 #快閃打卡賞 #ok即刻有
閱讀更多
-
打卡熱點
白咖哩天花板，想食白咖哩一定要去沙嗲王，配埋香茅豬排真係好好味，禁耐無食仍然保持到水準，同埋發現晚餐都好抵，198已經包湯，飯，甜品和飲品，下次要試埋蟹肉豆腐煲😊 #社群三月快閃送
閱讀更多
-
多國菜
中環窄巷藏馬來西亞Fusion 菜 Happy Hour都啱去﹗
位於中環嘅一間越式餐廳Brick by Brick 位置有少少神秘，因為個入口唔完全係喺大街 兜咗個圈先搵到個入口，店𥚃面嘅環境座位都唔錯 除咗有高枱高櫈，都有梳化椅，應該都坐到6-7枱左右～ 因為平時返工都係做Social Media 同寫稿，電腦幾乎「機不離手」 呢度嘅店員一上菜竟然好親切咁話做咗咁耐嘢快啲襯熱食啦～ 有種意外嘅親切感～ 秘製馬來西亞咖喱喇沙湯麵 配 脆炸梅子一口雞 ＄118 喇沙賣相唔錯，湯底又香又濃郁 唔會太咸之餘，摻摻（油麵同米粉都好掛湯） 一口炸雞炸到金黃色，皮脆肉質熱辣辣又嫩 應該係潵咗梅子粉食落酸酸甜甜幾開胃 玫瑰酒煮卜卜大蜆配蒜蓉包 ＄218 卜卜大蜆非常大隻，煮得啱啱算係幾Juicy且嫩滑 咀嚼時品嚐得酒精淡淡香味 蒜蓉包蒜蓉味非常重，點埋汁好索酒味同蜆嘅鮮味﹗幾得意嘅食法～ 墨西哥肉米脆片配牛油果醬 莎莎醬及酸忌廉 ＄92 份量非常多，幾種醬汁淋上後睇落似甜品 好啱配啤酒食，作為餐前小食都唔錯，醬落得夠多好開胃﹗ 日本三得利黑啤雞翼＄92 賣相同味道個感覺有啲似可樂雞翼 黑啤味酸中帶甜 好得意 雞肉整得好入味 ————————— 環境🔮：4/5 整體🔅：4/5 食物🥗：4/5 Brick by Brick 人均：$100-$200 中環士丹頓街21號地庫 ————————— #中環 #啤酒 #西餐 #小店 #happyhour #新加坡菜 #馬來西亞菜 #新餐廳 #Fusion (此文章由U Blog 同步發佈至社群)
閱讀更多
