沛公甜品：堅持手工製作 本地班戟專家

hk.good.food

香港攻略

甜 852 Homie

二訪屯門852 Homie甜品店🍨

上次食完已經心思思想再嚟 今次二訪都冇失望 款式多､味道正 . 《榴槤梳乎厘班戟配軟雪糕》 動L的梳乎厘班戟口感綿密 榴槤肉香甜🧇 配埋軟雪糕一冷一熱 口感豐富 榴槤控必試 · 《滑蛋蒲燒鰻魚窩夫》 鹹甜配搭第一次嘗試 味道都幾特別 滑蛋嫩滑加埋鰻魚燒汁入味 窩夫外脆內軟 意外地夾 · 《嘉義綠豆沙冰》 嚴重被低估既綠豆沙冰 配料超豐富 揀左綠茶麻糬､仙草､奶凍､芋圓 綠豆沙冰底清甜 成碗嘢好有咬口 夏天食消暑一流 · 《香辣雞翼》 辣度屬於bb級唔會好嗆喉 雞翼炸得香脆 送西瓜汁一流 清甜解渴🍉 食完濃味嘢飲返杯就岩岩好 . 超多甜品款式選擇 次次嚟都發掘到正嘢 零伏味 已經諗定下次要試埋tiramisu 梳乎厘班戟 #hkdessert#hkdessertshop#hkdesserts#甜品店#852homie

xjeminix

打卡熱點

銅鑼灣復古甜品台

銅鑼灣開咗間復古甜品店,十分打卡able之餘,甜品都夠特別,主打結合中式茅台酒嘅朱古力布甸､同蛋糕外型嘅冰酥! 店面唔大但裝潢精緻,木藤椅､紙皮石地磚､港式懷舊綠燈罩,連小擺設都係真古董! 即刻好想着件旗袍去襯返😆 🍮《 茅台抹茶朱古力布丁 💲58 》 香濃嘅朱古力味中有微微茅台酒香,好特別! 布丁好滑,上面塊朱古力唔係糖霜片,都幾好味架~ 🍊《 蜜柑桂花酒釀雪燕冰酥 💲118 》 外型同蛋糕無分別,但一拉起圍邊膠片,就會好似瀑布咁澎湃嘅韓式刨冰🍧打卡一流! 呢個配咗西米､脆米同柑桔醬,冰酥口感介乎雪花冰同雪糕之間咁,好綿滑~~ 味道甘甜帶微酸,仲有桂花香,好好味~~ 最後再買個外賣返屋企今晚食先! 🍵《 蘇三大滿貫 💲62 》 有雪燕､桃膠､芋圓､蓮子､紅豆､香芋､仙草~ *每人最低消費$38* 📍蘇三甜蜜 銅鑼灣加路連山道15號地舖 #UCreator#好去處#打卡美食#chill#全新景點#隱世打卡點#打卡

U Lifestyle

甜品

Asok Thai Cake

像真度超高！創新精緻泰式甜品～

Asok Thai Cake 創意十足，有多款泰式食品造型嘅蛋糕，包括泰國必食的「芒果糯米飯」、「榴槤」、「冬蔭功」、「泰式奶茶」及「椰青」等等，全部蛋糕睇落都同真嘅一樣！每個款式都設有原個及件裝出售，無論一大班人開Party定係同知己歎下午茶都可以食到精緻可愛嘅蛋糕，全部蛋糕外型夠晒特別，味道亦非常有驚喜！ 「榴槤」未食已經聞到陣陣香氣，榴槤愛好者一定唔可以錯過！慕絲食落去有香濃榴槤味，蛋糕內更有榴槤果肉及煙韌麻糬，睇得又食得！ 「冬蔭功」為味蕾帶來全新感覺～蛋糕竟然出現冬蔭功嘅味道，酸酸甜甜之餘仲帶點辣，非常創新。蛋糕嘅細緻位同樣做得好足，以餅乾作為「筷子」、白朱古力做「碗」及「蝦」，非常過癮～ 「芒果糯米飯」睇落同真嘅芒果一樣！除咗有芒果肉，蛋糕裡面仲有椰汁慕絲、海綿蛋糕及煙韌麻糬～口感極滿足！ 「泰式奶茶」嘅「杯」以朱古力製成、「冰」則由啫喱製成，外型超可愛！裡面仲有海綿蛋糕及泰式奶茶慕絲。除咗膠蓋唔食得之外，其餘部分全部可食用，就連個「杯」都食得，好得意！ 「椰青」蛋糕由新鮮椰肉、 椰子蛋白慕絲及海綿蛋糕組成，食落非常有層次。 食完咁多件蛋糕後，有種去完泰國嘅感覺！除咗得意蛋糕外，仲有唔同口味嘅軟麵包及糯米糍可供選購～現時店內設有多個打卡位，放假一於約埋朋友去「度假」啦！～ －－－－－－－－－－－－－－－ 📍Asok Thai Cake 中環皇后大道中93號中環街市1樓121號舖 尖沙咀河內道18號K11購物藝術館B2樓Kiosk 32 #香港人氣打卡蛋糕地圖