米芝蓮中菜館夜上海推出大閘蟹套餐 蟹粉釀蟹蓋／蟹粉蔥油拌麵／花膠／醉蟹

maggie mok

打卡熱點

夜上海 (尖沙咀)

初秋之「蟹」逅@夜上海

昨天終於感受到陣陣秋意來臨!這個時候正是品嚐大閘蟹的好時機,所以就跟好友們走到擁有維港美景的餐廳品嚐初秋第一蟹大快朵頤｡ 我們來到位於K11 MUSEA的夜上海,於典雅的裝潢及靚景下品嚐一系列星級的蟹味盛宴｡ 這夜我們品嚐到的是江蘇雄蟹,每隻大約五両半至六両重份量十足｡ 有大閘蟹當然少不了靚花雕酒!夜上海陳年花雕分別有八年跟二十年的選擇,懂喝當然選擇二十年陳太雕皇$680吧｡ 餐廳更貼心送上一盤有不同味道的酒杯,大家可以各自選取喜歡的杯款來品酒｡ 我選了最傳統的萬壽無疆高腳杯,用它來品嚐陳年花雕簡直是絕配,二十年陳太雕皇呈澄澈琥珀色,酒香馥郁芬芳喝下味道甘香醇厚好正喔｡ 嘆過靚花雕之後蟹宴亦蓄勢待發,大家也磨拳擦掌期待擦蟹的一刻｡ 率先品嚐經典的上海前菜!江南脆鱔$128炸得非常酥脆,裹上鹹甜醬汁吃下香口不膩越嚼越香｡ 花雕醉雞$118賣相工整好吸睛,雞件皮爽肉嫩還滲出陣陣酒香芳香美味｡ 腌篤鮮$88/位以雲腿､雞湯､百頁､竹筍來煨煮,再加上鹹肉來提鮮煮至成乳白色的湯頭,鹹鮮味道非常吸引味蕾要喝光沒難度啦｡ 江蘇大閘蟹五兩半至六兩重$380/隻!橙黃耀眼的大閘蟹賣相夠雄赳,餐廳非常貼心附拆蟹服務就算不太懂吃的朋友亦可以舒服地品嚐｡ 不過我從來喜歡自己親手炮製大閘蟹!所以就選擇了全隻上檯跟它慢慢談心｡ 拆開後大閘蟹羔尚算豐滿蟹肉非常鮮甜,相信過多一個月大閘蟹會更加肥美滋味,吃罷切記嘆杯奉送的薑茶暖胃啊｡ 繼續品嚐一系列蟹粉美味菜式!蟹粉花膠$550以甘香蟹粉包裹著口感煙靭的養顏花膠,味道跟食療功效也是一絕尤其受女士們的歡迎｡ 蟹粉扒海釣黃魚$800選用以出產上等黃魚品牌｢閩東壹魚｣的優質黃魚來炮製!黃魚口感鮮嫩而且彈性十足,加上濃香蟹粉的襯托下更見鮮味出眾｡ 蟹粉銀鱈魚蒸肉餅$600這道菜非常特別!以銀鱈魚､肉餅加蟹粉來炮製肉餅真的坊間少有,但這組合吃下完全沒有違和感,更好味得想點個｢靚仔｣來伴吃呢｡ 蟹粉小籠包$200/4隻絕對不能錯過!可以筷子夾起蕩漾不穿手工合格,小籠包皮厚薄適中吃得舒服,內裏肉球鬆化加上甘香蟹粉吃罷齒頰留香｡ 單尾來一客砂鍋鹹肉菜飯$220!香甜的菜飯弄得可口絕對不難清碗｡ 甜品我品嚐了滋補紅棗糕$68/4件!煙靭軟糯的口感配上紅棗的香甜,紅棗糕這款甜品總輕易令人傾心｡ 不過我更喜歡木桶豆腐花$168/4位用!喜歡這兒的豆腐花很有質感不是盲目追求滑溜口感,擁有濃郁豆香加少許黃糖已經非常好吃了｡ 喜歡嘆大閘蟹的朋友真的要趁著這兩個月好好品嚐喔｡ #大閘蟹 #夜上海 #人間美食~尖沙咀 #戀吃車媽媽 #肥師奶是這樣練成 (此文章由U Blog 同步發佈至社群)

車爸爸

打卡熱點

夜上海 (尖沙咀)

今年第一蟹

九月圓臍十月尖係時候陪老婆大人去食大閘蟹go go go! 呢晚約咗朋友去到K11 MUSEA有靚景嘅夜上海食今年第一蟹!上次嚟呢度嘆酒食靚火腿已經俾個無敵維港靚景吸引住,今次再嚟食晚飯覺得室內嘅老上海裝修一樣咁正呀｡ 餐廳連隻碟都靚過人聽聞呢隻蟹仔係搵名師畫㗎!開餐嘅時候仲可以好好欣賞食嘅藝術｡ 我哋今日食江蘇嘅大隻仔隻隻有成五両半至六両咁重㗎｡ 嘆大閘蟹又點可以冇靚花雕啊!大家先揀隻靚杯嚟欣賞夜上海20年陳太雕皇｡ 果然係陳年花雕睇顏色已經好濃郁吸引,飲落去非常順喉酒味芳香我飲咗勁多杯呀｡ 美酒當前當然唔好辜負先嚟兩個前菜送酒!江南脆鱔香香甜甜卜卜脆,用佢嚟送花雕酒真係好夾喎｡ 不過我就好鍾意呢個花雕醉雞!雞味好鮮香皮又清爽唔會肥淋淋,加埋啲花雕酒浸得好入味堅好食｡ 鍾意食上海嘢都冇理由唔知呢碗腌篤鮮幾好飲啦啩!奶白嘅鹹鮮濃湯好夠火候,入面嘅雲腿仲非常鹹香有味,加埋啲吸味嘅百頁同爽甜嘅竹筍呢碗湯真係好正呀｡ 等到頸都長嘅大閘蟹終於蒸好上枱喇!平時就要老婆大人服侍我,但嚟到都夜上海就有專人幫我擦蟹,所以呢晚老婆大人可以食得舒服好多｡ 天氣仲係好熱好彩我呢隻蟹都算肥美應有嘅紅､白羔都有齊,將啲蟹肉拆晒放落蟹蓋道一次過食先至夠過癮｡ 除咗原隻嘅大閘蟹我哋仲試咗好多蟹粉菜!呢碟係充滿骨膠原嘅蟹粉花膠,花膠煮得煙靭又彈牙加埋甘香嘅蟹粉足以令女士們瘋狂愛上｡ 鍾意食魚嘅我特別推介呢碟蟹粉扒海釣黃魚!用上等黃魚品牌｢閩東壹魚｣嚟煮,魚肉好嫩滑而且鮮味十足,絕對唔會比蟹粉蓋過鮮味超正斗呀｡ 跟住仲有呢個好搞鬼嘅蟹粉銀鱈魚蒸肉餅,一碟肉餅入面有齊咁多樣好似風馬牛不相及嘅食材!但係夾起上嚟又鬼死咁好味喎,蟹有魚味魚有豬味真係好鬼特別㗎｡ 食大閘蟹同小籠包好似係掛咗鉤咁!所以我哋都叫咗蟹粉小籠包嚟嘆｡ 夾起唔會好易穿底手工ok啊!小籠包個皮唔會太厚入面嚿肉好有鮮味,我覺得唔使點醋食都一樣咁正｡ 食咗咁多大閘蟹梗係要飲返杯薑茶暖胃啦｡ 大家意猶未盡仲叫咗個好惹味嘅孜然羊肋骨嚟嘆!香辣惹味嘅羊肋骨煮到外脆內嫩,一定要用手攞住嚟食咁先至風味十足｡ 最後嚟一窩鹹肉菜飯餵飽個肚!鹹肉､菜加飯呢個組合好簡單,但係食落就有屋企嘅味道我鍾意呀｡ 飯後再整多兩款甜品嘆吓咁就非常圓滿喇!呢個係老婆大人最鍾意食嘅紅棗糕,食落去好香甜煙煙韌韌咁幾得人鍾意㗎｡ 仲有嗌咗一桶豆腐花同大家一齊食!唔係滑到跣落喉嚨嗰種,但豆味好濃好香就算唔落糖我都覺得好好食｡

麵包超人的尋味玩樂之旅

中式料理

K11人文購物藝術館

大閘蟹宴！

米芝蓮一星，果然不同凡響！ #K11 Musea #大閘蟹 #江南脆鱔 #花雕醉雞 #夜上海二十年陳太雕 #蟹粉扒海釣黃魚 #蟹粉花膠 #蟹粉銀鱈魚蒸肉餅 #蟹粉小籠包 #砂鍋鹹肉菜飯 #孜然羊肋骨 #米芝蓮一星 #夜上海 地址: 尖沙咀梳士巴利道18號維港文化匯K11 Musea 7樓702號舖 電話: 23763322 #K11 #大閘蟹 #花雕醉雞 #蟹粉小籠包 #夜上海 #米芝蓮一星 #江南脆鱔 #夜上海二十年陳太雕 #蟹粉扒海釣黃魚 #蟹粉花膠 #蟹粉銀鱈魚蒸肉餅 #砂鍋鹹肉菜飯 #孜然羊肋骨 (此文章由U Blog 同步發佈至社群)