粵菜食府明閣推出大閘蟹盛宴　五両大閘蟹／蟹粉小籠包／燕窩羹／龍蝦

Jannis

香港攻略

帝京軒

期間限定 ♥ 金秋。蟹悅宴 ♥ 帝京軒

秋風起～ 是時候食大閘蟹～ 旺角帝京酒店帝京軒推出期間限定「秋風蟹宴」, 共八道菜,  有蝦、蟹、鮑魚、魚唇及花膠, 食完大閘蟹再喝驅寒薑茶, 夠晒暖身.  先來藝粹：醬香大麴溏心鮑．生拆蟹粉小籠包．蟹油元貝千絲酥.  鮑魚以特製醬油及大麴酒冰鎮入味, 口感軟糯. 小籠包皮薄餡鮮, 湯汁充滿蟹粉香. 千絲酥外脆內軟, 以蟹油伴元貝做餡料, 不油膩而且鮮味十足. 鮮姬松茸蟹皇虎蝦球 - 肉厚彈牙，醬汁拌了蟹粉，配合得宜. 蟹肉花膠燴燕窩，梳梳蟹肉, 非常足料, 鮮味又滋陰～ 不喜燕窩的話, 可以選菊花五蛇燴花膠，同樣適合秋天享用, 湯底以竹蔗茅根等火熬製, 每匙都充滿手撕蛇肉、花膠絲、木耳絲、果皮絲, 好多料! 清蒸江蘇大閘蟹(每位公蟹乙隻 / 每隻約六兩)- 傳統清蒸大閘蟹, 最能保持蟹的精華, 蟹膏澄黃香濃，而公蟹獨有的白蟹膏好軟滑. 我們另加了花雕酒, 加入話梅, 添入微酸甜更加好飲，是配大閘蟹的佳物❣   蝦籽魚唇軟骨伴鮮鹿茸菌, 以薑蔥、冰糖等燉煮的魚唇, 口感有點像海參, 骨膠原滿滿.  鹿茸菌以鮑魚汁香煎, 又有蝦籽點綴, 整道菜式好誘人~ 龍蝦湯蟹餅五穀苗 , 香濃龍蝦湯混了蝦米辣椒醬，好特別！以為蟹餅是軟腍，誰知是彈牙，幾有驚喜! 薑茶金薯芋圓小丸子 - 吃過大閘蟹，一定要喝薑～ 這份糖水薑味十足，感到即時驅寒.  金粉流星可可脆脆 - 薑味夠辣，辣完再吃這甜點，味蕾立即來個平衡. 秋風蟹宴供應期：2025 年 10 月 13 日至 12 月 18 日 18:00–22:00 每位 HK$838 (兩位起) , 記得要訂位 ~ 帝京軒 地址: 旺角太子道西193號帝京酒店3樓  歡迎與我聯絡: jannis_tang174@hotmail.com Facebook Fanpage: Jannis Tang Through the looking glass  IG: JannisTang #帝京酒店 #大閘蟹 #hairy crab #季節限定 #royal plaza hotel #Di King Heen #帝京軒 #seasonal edition (此文章由U Blog 同步發佈至社群)

Missy Frugal

香港攻略

念月樓

大閘蟹宴開餐啦！🦀 爆膏到暈🤤！

大閘蟹季🦀同屋企人黎餐大閘蟹宴! 今餐大家講得最多既野🤭嘩!嘩!嘩!• 好香 • 爆膏 • 好多蟹粉 • 好足料🤤 整體真係幾出色😋食完幾日皇太后仲講緊,值回票價啦😌 店員們服務好好,又坐得舒服,朋友 / 家庭聚餐都好岩🤗 ~•~•~•~•~•~•~•~•~•~•~•~•~•~•~•~•~•~•~• 🦀 大閘蟹宴 ($688/位) 🦀 ▪清蒸大閘蟹 (5両) 爆膏爆膏爆膏!簡單清蒸,食番原汁原味 • 啖啖精華🧡 . ▪生拆蟹粉花膠羹 好足料🤩湯羹濃稠 • 滿滿膠原蛋白,滑滑彈彈花膠,配蟹粉鮮味,滿足滿足🍲 . ▪蟹粉扒豆苗 清新配鮮美,超足份量既蟹粉🧡淋左係嫩綠豆苗🌱表面(遮左8-9成),就黎睇唔到綠色🤣 . ▪蟹粉撈飯 飯底加左蔥粒 • 雞蛋...炒香,再加蟹粉撈埋,超夠味😋 . ▪薑茶湯圓 糯糯湯圓 • 驅寒微辣薑茶🫚圓滿收尾❤️‍🔥 . 🈹套餐優惠🈹 想更滿足,可追加🦀清蒸大閘蟹 • 5両 ($120/1隻) . ~•~•~•~•~•~•~•~•~•~•~•~•~•~•~•~•~•~•~• 🔺以上價錢 💁🏻‍♀️需另加𝟏𝟎% 服務費 ~•~•~•~•~•~•~•~•~•~•~•~•~•~•~•~•~•~•~• #中菜餐廳#打卡美食#美食推介#UCreator #香港美食#圍方#大閘蟹#季節美食#時令美食#家庭聚餐#FamilyDay @

A美食焚化爐

香港攻略

帝京軒

秋風蟹宴 @ 帝京軒 ( 旺角帝京酒店 )

 秋冬起，係羊、蛇、鵝同大閘蟹既惡夢開始，因為實在太肥美，老饗都幾難忍口，總有一款啱心水，而旺角帝京酒店內的帝京軒，就有齊上述菜色，大家可以過一個“暖昱昱”既秋天。   「秋風蟹宴」   醬香大麵溏心鮑 滷得入味，又Q彈的口感，食之前用香水瓶噴上酒，多了一份芳香。   生拆蟹粉小籠包 食大閘蟹除了原隻享用外，蟹粉小籠包當然是其中一位主角，仲要係生拆，蟹味更濃，肉汁混和了蟹粉是真的夠鮮，下點陳醋就更妙。  蟹粉元貝千絲酥 驟眼睇以為是蘿蔔絲酥，但餡料卻是元貝粒及蟹粉，很豐腴的口感，有驚喜。   鮮姬松茸蟹皇虎蝦球 虎蝦球汆水做得很足，蝦肉爽彈而不失神韻，大有玻璃蝦球的氛圍，沾上了蟹粉更加滋味。   菊花五蛇燴花膠 或 蟹肉花膠會燕窩 客人可以在蛇羹與花膠中作選擇，論時令當然是蛇羹，但因體質問題，近年已減少食蛇羹了。 花膠燕窩以保溫盅上，保持了溫度，下點胡椒粉多了微辛，玻璃茨推得恰到好處，每口滑溜的質感，吃得很滿足。   清蒸江蘇大閘蟹（六兩） 侍應會先代為拆開，好讓客人慢慢品嚐，很欣賞餐廳提供的手套，並非薄如襌翼的一種，蟹膏很綿滑，入口帶黏性，六兩一隻已很好，年紀大，吃太多身體承受不了，遑論坊間有放題大閘蟹，還是享受的好，唯一要挑剔的，也許是薑茶略淡。  蝦籽魚唇軟骨伴鮮鹿茸菌 魚唇其實並非魚的嘴唇，而是鯊魚尾巴兩端魚鰭之間的肉膜，又稱「翅裙」，膠原蛋白非常豐富，但不易處理，今次卻是遇上了高手，扣煮得稔身又入味，灑上蝦籽更有提鮮的作用，伴以鮮鹿茸菌，增添了陣陣幽香。   龍蝦湯蟹餅五穀苗 揉合了中餐及西餐的精髓，龍蝦湯很濃郁，中間的蟹餅大可抽開當作另一道菜，肥大肉厚的帶子略為煎過，仍保持嫩滑的肉質，五穀苗做成脆米，拌和龍蝦湯一齊，人間美味。   薑茶金薯芋圓小丸子 很奇怪，甜品的薑茶比起配大閘蟹的更澎湃，相比之下，我反而更喜歡辣度與甜度同樣強勁的薑茶，金薯咬落粉嫩，我鐘意。   金粉流星可可脆脆 其實是朱古力，脆卜卜的口感本身不錯，但個人覺得不妨來一件燕窩蛋撻或白糖糕也挺好的。   砂鍋古法雙冬扣羊腩 （$588） 將價就貨但煮出高水平先厲害，用的是中國冰鮮羊，但滿有油香，肉質細嫩，蘸點腐乳更是吃不停口，冬菇肥大肉厚、馬碲爽甜，即場淥生菜食，更是絕配。 陳皮欖角照燒金沙骨 （$288） 金沙骨以鐵板上，同樣是熱氣騰騰，先炆後煮的方法，令肉質份外軟熟，濃稠的陳皮欖角汁，緊扣著金沙骨，尤其是骨膜位的油香，更是令人回味  鐵板胡椒豉汁煎釀鯪魚 (壹條) （$268） 像是順德菜中煎釀鯪魚的進化版，加入胡椒既可僻除腥味，又可令魚肉提鮮，佐酒一流。   幾年沒來，食物的確有進步，看來行政總廚江師傅下了不少功夫。 地址 : 旺角太子道西193號帝京酒店3樓   電話 : 2622 6161   味道 : 4  環境 : 4 服務 : 5  衛生 : 5  抵食 : 4  位置 : 5   如果喜歡這篇文章,請在我的專頁上剔"LIKE",當是給我小小的鼓勵吧!謝謝!   http://www.facebook.com/foodiephilip #旺角 #帝京酒店 #大閘蟹 #羊腩煲 #帝京軒 #美食焚化爐 #大灣區吃喝玩樂齊分享 (此文章由U Blog 同步發佈至社群)