佐敦泰菜餐廳「泰排檔」人氣十足，門口經常大排長龍！「泰排檔」顧名思義以泰式大排檔為靈感，店面用上霓虹燈，而餐廳內部佈滿復古海報，非常打卡。餐廳主打多款地道泰式美食，必試超濃郁和牛船麵、醉貓虎蝦炒河、蟹肉炒飯、烤豬頸肉、 泰式生蝦等，喜歡泰菜的朋友一次要試試~
「泰排檔」由在灣仔人氣餐廳「Samsen」出身的泰藉主廚主理，炒飯炒麵時功架十足，味道絕對有保證！餐廳環境佈滿復古懷舊海報，枱凳亦完美複刻泰國感覺，好似一秒飛到曼谷！
小編力推和牛船麵（晚市$98），湯底用上牛血熬製，濃郁厚身，和牛片軟腍有肉香，麵條更是入味掛汁。泰國當地人更會添加砂糖，食落又意外地好夾！
虎蝦醉貓炒河（晚市$98）也是招牌菜式，老闆話味道香辣好適合解酒或當作宵夜，故稱作醉貓炒河。河粉口感煙煙韌韌，好有驚喜，而虎蝦更是彈牙新鮮。
另一鑊氣小炒推介有蟹肉炒飯（晚市$108），師傅大火猛炒至粒粒分明，蟹肉飽滿鮮味。
泰式生蝦（晚市$118）同樣用料新鮮，蝦肉彈牙，搭配酸辣泰式汁更加分！烤豬頸肉（$98）熟度恰到好處，口感爽脆。
最後當然要有芒果糯米飯（晚市$78）作完美總結~
泰排檔
地址：佐敦文苑街24號地舖
營業時間：星期一至日12:00-15:00；18:00-22:00
Instagram：thaipaidong.hk
人氣餐廳排名
-
泰國菜
泰排檔
佐敦新開人氣泰菜, 冇得訂位 排左70分鐘
佐敦新開人氣泰菜, 冇得訂位 排左70分鐘 ✅泰式生蝦 $118 醬汁好好食 ✅啖啖蟹肉奄列 $168 有驚喜 多蟹肉熱辣辣, 大推必食好滿足😋 ✅和牛醉貓炒河 $98 牛肉處理得好好 河粉好入味 ✅飛天通菜 $68 ✅象啤 $46 📍泰排檔 佐敦文苑街24號地舖#泰菜 #泰國美食 #泰國 #旅行美食 #UCreator #美食推介 #Foodie #打卡美食
閱讀更多
-
泰國菜
Siaw
泰菜新蒲點！尖咀排長龍🤤🦐🌶️
最近發現尖沙咀開咗一間新嘅泰菜,晚市人流好多,門外已排起長龍,原來係由前Samsen 廚師主理,質素一定有保證👍🏻 🔵泰式生蝦刺身 食泰菜必點嘅菜式之一,蝦肉爽甜鮮美,醬汁中的蒜同辣椒能帶出蝦肉的鮮味,味道香濃鮮甜且非常開胃🥰 🔵醉貓炒河 傳統泰國街頭菜式,以香辣為主調(可以叫小辣),醬汁調味醇厚,每條河粉都能充分沾滿香濃醬汁,炒得有鑊氣,而蝦肉爽口彈牙且新鮮,非常好食😍 🔵淡淡蟹肉奄列 用大量新鮮蟹肉包裹在蓬鬆嘅蛋皮內,外酥內嫩,可以點泰式辣醬食,非常有特色嘅泰菜😋 📍Siaw (尖沙咀) 尖沙咀赫德道8號地舖 #泰菜#泰國美食#UCreator#美食推介#Foodie#歡度中秋佳節
閱讀更多
-
打卡熱點
位於佐敦米芝蓮餐廳泰排檔由泰國人主理，九成食材及香料都是由泰國直接入口，泰式炒河揀了雞肉，有搭配新鮮的芥蘭，炒得有鑊氣口感彈牙。蟹肉炒飯炒得好清爽及有很多蟹肉。而炒芥蘭，就口感比較偏硬。 #雙聚嚐月
閱讀更多
