韓籍大廚主理！韓國菜餐廳期間限定插旗西灣河　韓式炸雞／芝士漢堡脆卷／慢煮牛肋骨／啤酒醉生蝦

delish_hk

韓國菜

大角咀大排檔風韓食

黎咗呢間位於大角咀嘅人氣韓國菜，店面裝修充滿韓國地道大排檔風格，嘢食同樣有韓國街邊風味。 甜薯芝士條 $58 我哋叫咗個炸芝士條小食過吓口癮，芝士條炸到脆身唔油膩，用手搣開就見到長長嘅拉芝，夠哂滋味，而且加咗甜薯喺入面，食落帶甜甜哋，非常特別。 沙洞炸雞半份(柚子味) $88 食韓國菜當然唔少得炸雞，呢到有唔同口味可以揀，我哋揀咗柚子味，外脆內嫩嘅冇骨炸雞件淋滿濃郁嘅柚子蜜，味道香甜。 宮廷燉牛肋骨鍋(2-3人份) $288 叫咗個燉牛肋骨鍋圍爐，2-3人份量入面有好多牛肋肉，仲有蘿蔔、栗子等材料。牛肋肉燉到好腍嫩，牛筋已經軟化到好似啫喱咁，入口即化嘅口感好正，仲帶有湯底嘅清甜味。 韓式辣豬肉炒粉絲 $108 另外叫咗個辣豬肉炒粉絲，粉絲口感煙靭，加上唔同嘅蔬菜同豬腩肉片一齊炒。最正當然係個韓式辣醬，香辣惹味好開胃。 草莓牛奶配蜂巢特飲(2人份) $88 飲品方面叫咗樽草莓牛奶口味嘅蜂巢特飲，將牛奶倒落杯到再同蜂巢攪勻，入口奶滑，好香士多啤梨味之餘又有淡淡蜂蜜香。 宇治金時抹茶紅豆刨冰 $78 最後唔少得食個甜品，叫咗個抹茶紅豆刨冰，最好食係面頭嘅粒粒紅豆蓉，綿密香甜，同抹茶味好夾，不過個冰底就相對唔夠綿。 記得如果想打卡就唔好好似我地咁😂坐正係紫色燈下面喇，如果唔係d相就全部影出黎都好迷幻咁😂😂😂 。 。 新沙洞大排檔 (大角咀) 大角咀大政街10號地舖 。 。 #韓國菜 #大角咀 #新沙洞大排檔 (此文章由U Blog 同步發佈至社群)

rbylife

韓國菜

Bingo&Cook

超長海鮮鍋🦀🇰🇷

🇭🇰Bingo & Cook · 呢間韓國餐廳超多韓國人幫襯 口味真係幾正宗 而且佢份量好大 嘢食都好好食🤤 · 海鮮煎餅$148 l 燉煮豬腳$320 我自己好鍾意佢個海鮮煎餅 佢入邊係超多海鮮 而且海鮮口感好好🦑🐚佢個煎餅係煎到出面好脆身 入邊煙煙韌韌 質感好好😌🤤另外個燉煮豬腳都好食 佢炆到好腍 完全唔乾 配埋佢個酸酸辣辣嘅汁超級好食🐷而且佢比嘅生菜份量都勁多 我覺得完全係夠三四個人食 我哋最後食唔晒 第二日再焗返熱都一樣咁好食🥬 · 50cm韓式海鮮鍋$380 之後呢個海鮮鍋好吸睛 佢入邊好多海鮮 有帶子鮑魚蟹青口 好大隻嘅魷魚好多蜆同蝦🦑🦐🦀佢個湯都好濃 放個拉麵落去一定勁正 不過因為我哋太飽 所以就冇嗌到🍜 · #rbyeat #rby韓國菜 #rby尖沙咀#rby銅鑼灣#rby旺角 · 📍銅鑼灣駱克道491-499號京都廣場2樓 📍尖沙咀麼地道37-41號港匯廣場地下17-20 & 31-34號舖 📍旺角亞皆老街8號朗豪坊10樓21-26號舖 #韓式料理#韓國美食#韓國#UCreator#九龍美食#假期推介#Foodie#我想食buffet #旅行手信推介#浪漫旅人祭

HiroLai

韓國菜

加寧街3號

好好味嘅炸雞😋

朋友之前食過呢間餐廳要求同我再去，佢話呢間由韓國當地大廚主理研發菜式，仲用濟州新鮮食材，我地嚟到時室內已經滿座，因為天氣不似預期，所以我哋都等左一陣先有位享受食物! ⭐海膽紫菜包飯 $380 - 除咗海膽有生牛肉同魚子醬，材料豐富，原來好夾飯卷入面啲黃瓜 ⭐清燉牛肋骨 $358 - 牛肋骨得入味，燉完都好有咬口，完全唔會散晒，功夫一流 ⭐半半炸雞 $178 - 店員推介原味炸雞會配上明太子沙律汁，所以我地就揀左原味同醬油。 - 雞嫩肉汁多，醬汁味道很豐富 ⭐薯仔雞蛋煎餅 $168 - 估唔到薯仔煎餅可以咁香薯仔味，煎到脆脆嘅外皮加上入面軟滑嘅薯蓉，少少嘅辣粉點綴，好惹味食唔停，記住要趁熱食。 韓式cocktail用燒酒加果汁調配，食住重口味嘅食物飲啖真係好 🍸The Night Begins $108 菠蘿汁配燒酒，酒香較特出，仲有啲青檸汁解膩一流 🍹See You $108 西柚汁加蘋果梳打配燒酒，果汁味濃，唔覺唔覺已經成杯飲晒，女士們要小心 GYOJASANG 교자상 📍 地址: 銅鑼灣加寧街1-3號 Fashion Walk地下C號舖 ☎️ 28809868 #GYOJASANG#韓國菜#韓國餐廳#韓國燒烤#韓國料理#韓牛#elegant#highclass#gathering#銅鑼灣 #香港美食 #hirohappylife##hkig#hkiger#冇骨炸雞#hkfoodie#隨影📷💕 #跟住hiro去揾食#foodphotography #hkgirlstyle #enjoylife💯 #lifequotes#hiro眼中的世界#foodie#生活隨手拍 #相機食先 #foodblogger