銅鑼灣「富山麵家」將於8月打造為期間限定的打卡大口仔主題拉麵店，餐廳會佈置成藍色系的大口仔主題，加上大口仔造型美食，啱晒相機食先打卡～銅鑼灣富山麵家拉麵、甜品和梳打特飲都換上大口仔主題，Fans還可入手大口仔公仔精品，可愛爆燈！
銅鑼灣富山麵家 X 大口仔主題拉麵店提供多款聯乘大口仔 Minna No Tabo卡通的主題美食，包括大口仔造型黑醬油拉麵、牛奶拉麵、軟殼蟹烏冬沾麵、章魚燒、宇冶抹茶白桃布甸。
飲品方面就有大口仔 X 巨峰可爾必思梳打、蜜桃可爾必思梳打，每款賣相都好可愛，融合了大口仔 Minna No Tabo 造型，影相打卡夠晒吸引！
除了大口仔主題美食外，粉絲必入手各款Minna No Tabo 大口仔主題精品，包括拉麵造型的大口仔精美公仔掛飾，還有大口仔珍藏拉麵碗及湯匙套裝、大口仔 X 可摺式環保袋，每款限量發售，售完即止。為了感謝各位大口仔粉絲的支持，凡購買紀念品滿$250，即送大口仔精美電話座1個，滿$500送2個，如此類推。
大口仔 x 富山麵家期間限定店
日期：2024年8月19日 至 2024年11月19日
地址：銅鑼灣希雲街7號地下
營業時間：星期一至日12:00 - 22:00
電話：3110 1860
人氣餐廳排名
-
日式料理
富山麵家
富山麵家丨期間限定丨大口仔主題拉麵店
今期《富山麵家》又推出新主題了，繼上次黎食過Kuromi主題後，就一直keep住留意這家店🙈。 今次搖身一變，換成「MINNA NO TABO 大口仔」主題，餐廳由內至外， 以致筷子套及牙籤套，每個角落都充滿著大口仔的蹤影，今次餐廳背景選用上藍色系，我也著番件藍衫來襯一下打卡吧！😂 一向樂天笑容滿面的大口仔確實擁有不少忠實粉絲，估唔到排左差不多40分鐘才能進去。🙈 即點一系列大口仔造型美食，瘋狂打卡📸 主食選了湯底比較濃郁的「黑醬油拉麵」，帶有大口仔印花的星星造型玉子蛋，實在太可愛了😍 「軟殼蟹烏冬沾麵」以大口仔樣貌擺盤，頭髮及眼耳口鼻均是可吃的魚蛋，湯底選了北海道花咲蟹濃熱湯，味道非常香濃惹味😋 小食「章魚燒」也帶上超細小星星玉子蛋 甜品是啖啖抹茶香的「宇治抹茶白桃布甸」 飲品分別有兩個口味，巨峰及蜜桃可爾必思梳打，我覺得兩個味道都唔錯哦！😉 #日本菜 #拉麵 #日本
閱讀更多
-
日式料理
富山麵家
🇭🇰銅鑼灣人氣打卡拉麵店
🙋🏻♂️餓底探員去咗銅鑼灣調查呢間拉麵店,餐廳過往聯乘不同嘅卡通人物,推出一系列期間限定主題餐飲,近日餐廳又有新搞作,適逢大口仔40周年,今次聯乘以大口仔為主題,期間限定由即日起到11月19日,仲等咩呀,快啲去打卡啦 📍富山麵家 銅鑼灣希雲街7號地舖 🐙章魚燒 $48 🙋🏻♂️表示個章魚燒配上木魚乾同沙律醬,每粒章魚燒上面都星形玉子,章魚燒口感軟糯,食落章魚粒爽彈,香口惹味 🍜黑醬油拉麵 $98 🙋🏻♂️表示個拉麵有大口仔嘅魚板,星形玉子,日式叉燒,筍乾同紫菜,拉麵口感爽彈,日式叉燒軟腍,湯頭用上黑醬油,味道清甜 🍜牛奶拉麵 $98 🙋🏻♂️表示個拉麵有大口仔嘅魚板,星形玉子,日式叉燒,蟹棒,粟米等配料,配上奶白色嘅牛奶湯頭,飲落充滿濃厚奶香,味道鮮甜 🦀軟殼蟹烏冬沾麵 $138 🙋🏻♂️表示大口仔造型烏冬配上軟殼蟹,星形玉子,半熟卵等配料,沾麵湯可選烏冬凍湯或熱北海道花咲蟹濃湯烏冬口感滑順有嚼勁,凍湯係冷麵汁,味道清甜,熱湯係蟹濃湯,食落充滿蟹鮮 ***大口仔造型烏冬只供打卡用 🍮宇治抹茶白桃布甸 $48 🙋🏻♂️表示個布甸係抹茶味,面頭配上香甜嘅白桃果肉,布甸口感軟滑,食落充滿抹茶甘香,味道香濃 🍇巨峰可爾必思梳打 $38 🍑蜜桃可爾必思梳打 $38 🙋🏻♂️表示兩杯梳打用上可爾必思調配,面頭唧滿忌廉,配上酥脆嘅大口仔造型小圓餅,梳打飲落充滿乳酸味,巨峰提子味清甜,蜜桃味香甜,各有特色 ⚠️另外餐廳有以下幾款大口仔紀念品限量發售,數量有限,欲購從速 🛍️可摺式購物袋 $78 🧸精美掛飾公仔 $178 🥣珍藏垃麵碗及湯匙 $198 凡購買紀念品滿$250即送精美電話座一個 📈吃貨指數 😋好味度 8.5/10 🔙返啅度 8.5/10 #章魚燒#黑醬油拉麵#牛奶拉麵 #軟殼蟹烏冬沾麵 #宇治抹茶白桃布甸 #巨峰可爾必思梳打#蜜桃可爾必思梳打 #拉麵#卡通人物拉麵 #大口仔主題#大口仔#minnanotabo#40周年慶 #富山拉麵#銅鑼灣美食#香港探店#香港美食
閱讀更多
-
香港攻略
富山麵家
大口仔40周年！🍜🎉 富山麵家變身慶生主場！
為慶祝MINNA NO TABO40周年,8月19日開始,銅鑼灣富山麵家化身慶生主場,特別設計以 MINNANO TABO 為造型嘅拉麵,仲有各款特色小食,包括章魚燒､抹茶白桃布甸､巨峰及蜜桃味可爾必思飲品｡除咗食品,店舖內外都有特色裝飾,連提供嘅餐具都可以搵到 MINNA NO TABO 嘅身影｡MINNA NO TABO 迷呼朋喚友食完未夠喉,仲可以入手期間限定獨家新精品:拉麵碗匙套裝､環保袋､掛飾公仔,買滿$250仲送電話座,送完即止,唔好等到斷市先嚟後悔呀! - 誠實豆沙包 •特製黑醬油拉麵 /特製牛奶拉麵🍜 彈牙嘅拉麵配上濃郁不鹹膩嘅黑醬油湯底/幼滑香濃嘅牛奶豬骨湯,再加肥美叉燒､蟹柳､玉子､粟米等,當然唔少得主角大口仔嘅鳴門片念思! * �特製章魚燒🐙 熱辣辣嘅章魚燒,外脆內軟,唔好睇佢細細粒,每粒都放左章魚,真系好足料,超正🤩 •🍸特製巨峰🍇可爾必思梳打/特製蜜桃🍑可爾必思梳打 可爾必思梳打放咗厚厚嘅忌廉及大口仔餅,簡直卡路里邪惡嘅化身,但整體味道幾搭｡ * 特製宇治抹茶🍵蜜桃布甸 布甸質感幼滑又散發住宇治抹茶嘅香氣,再加埋蜜桃及哈密瓜嘅鮮甜,個感覺幾fresh ｡ - 富山麵家 × MINNA NO TABO @ramenirohahk 舉辦日期:2024年8月19日至11月19日 時間:星期一至日,12:00-22:00 地點:銅鑼灣希雲街地下7號(鄰近聖保祿幼稚園) - 溫馨提示: •只有walk in ,不要大晏去｡可以避免繁忙時間去｡ - 想知道更多香港影相打卡好去處 記得follow我 💕 - #富山麵家#大口仔主題#富山麵家x大口仔40週年祭#香港拉麵關注組#銅鑼灣拉麵#大口仔#期間限定#香港朝聖必到餐廳#sanrio#UCreator#打卡美食#好去處#全新景點#chill#隱世打卡點#打卡
閱讀更多
