適逢21週年，銅鑼灣老字號港式火鍋店「謙記火鍋」推出周年優惠，為各位邊爐控送上日本清酒、手打四寶丸，可以一次試勻手打蝦丸、手打梅菜豚肉丸，手打牛丸、手打芝士墨魚丸。謙記還供應12款高質火鍋湯底，其中就有魚唇雞鍋、椰子雞鍋、松茸野菌雞鍋，火鍋迷必試呀！
同場加映：【簡易廚房】最新影片
*按圖查看謙記火鍋Menu
位於銅鑼灣的港式火鍋店「謙記火鍋」於2003年開業，是不少明星藝人的愛店，面積達4000平方呎，除了大廳位置，也有多達12間VIP房，足夠容納約100人就餐。裝潢方面，謙記的用餐區由著名電影美術指導張叔平設計，沈穩色調的木質陳設，配搭黑色、米色及柔和燈光，營造出了舒適又優雅的用餐環境。
適逢21週年，謙記火鍋推出周年優惠，指定人數入座即送日本清酒，惠顧指定火鍋配料亦送手打四寳丸，可以一次試勻手打蝦丸、手打梅菜豚肉丸，手打牛丸、手打芝士墨魚丸，鮮美又彈牙。
*按圖查看優惠詳情
火鍋湯底方面，多達12款選擇，當中必試魚唇雞鍋，魚唇取自鯊魚尾鰭之間的肉膜，富含骨膠原，具有養顏的功效，搭配金華火腿和鮮雞熬製的上湯，濃郁又滋補。不能錯過的還有柱貝冬瓜豬軟骨鍋，豬軟骨啖啖肉，貝柱亦為湯頭增添咸香，配料冬瓜更是索滿湯汁。另有用上多款藥材熬製的椰子雞鍋、松茸野菌雞鍋等鍋底。
謙記也有多款特色火鍋配料，例如水晶叉燒包，由點心師傅每日新鮮製作，晶瑩剔透外皮口感煙靭，食落幾似包着咸甜叉燒餡的粉果，非常特別。豆腐紙亦值得一試，看著似是廚房用牛油紙，沾上湯汁隨即變成透薄腐皮，掛湯能力十足。
至於小編愛的火鍋配料就有魚皮餃，外皮以全魚肉製作相當足料，大地魚調味的豬肉餡亦鮮味嫩滑。打邊爐必吃的牛肉就推薦本地牛頸脊，選自香港新鮮屠宰的牛肉，油花分佈平均，食落肉味香濃而有嚼勁。
至於小食就推薦黃金臭豆腐，一上桌就已經散發濃烈的發酵香味，口感外脆內軟，搭配豆瓣醬享用風味十足。
*按圖查看謙記其他火鍋配料
謙記火鍋
地址：銅鑼灣謝斐道408-412號華斐商業大廈2-3樓
電話：28386116
周年優惠期限：2024年7月15日至8月15日
人氣餐廳排名
-
擦餐勁
Him Kee Hot Pot
👽 食神大媽《銅鑼灣｜港式打邊爐好地方》
‼️❤️ 記得撳右上角⚡️關注我⚡️以獲得最新優惠 & 美食情報 ❤️‼️ . 🥘 老字號港式打邊爐熱點 @ 🌟 謙記吉祥閣 🌟 . 💁♀️ 圖片展示美食為: 魚唇雞鍋 HKD 268 特選牛頸脊 HKD 228 特級金錢𦟌 HKD 238 四寶丸 HKD 88 皇帝菜 HKD 50 即炸響鈴卷 HKD 75 水晶奶皇包 HKD 52 . 🍂 秋風起,又係不停約人打邊爐嘅時候!揀個位置方便､坐得舒服嘅老字號就一定萬無一失,呢度咁多年都係好選擇! . 🔥 試吓店員推介嘅｢魚唇雞鍋｣,話係特色湯底,用咗魚唇同半隻鮮雞熬足八個鐘,湯底奶白濃稠,魚唇膠質滿滿,飲完碗湯個嘴都黏黏哋,滋補到極! . 🥩 靚湯底,當然要配靚嘅肉肉｡｢特選牛頸脊｣油花似大理石化,牛味濃郁得嚟帶淡淡果木香,絕對優質｡師傅刀功了得嘅｢特級金錢𦟌｣切到透光,淥十秒即食爽脆彈牙,獨特筋膜感令人食上癮! . 🍡 必食｢手打四寶丸｣每粒都充滿驚喜,｢手打蝦丸｣､｢手打牛丸｣爽彈到可以乒乓球,｢芝士墨魚丸｣咬開流心爆漿,｢梅菜豚肉丸｣鹹香惹味,四款丸類各有特色好好味! . 🥠 湯底咁濃郁,當然要整幾份超級索湯嘅配料先唔會辜負,｢即炸響鈴卷｣放入湯底三秒立即撈起,外軟內脆索盡雞湯精華,超滿足｡ . 🌿 因為湯底濃吖嘛,所以呢就一定要叫D非常之索湯嘅翠綠｢皇帝菜｣,吸盡湯底精華後更加清甜,獨特香氣同濃湯出奇地夾,食完肉類嚟份蔬菜平衡吓就最啱! . 🔮 壓軸可以當甜品嘅｢水晶奶皇包｣,皮薄透光,淥完之後一咬開流心奶黃餡如熔岩湧出,鹹甜交織嘅滋味為火鍋盛宴畫上完美句號~ . 🌟 呢間火鍋店位置方便,坐得好闊落舒服,冷氣超級足,放工約齊腳吹水打邊爐就最啱! . 📍 銅鑼灣謝斐道408-412號華斐商業大廈2-3樓 . 👽#foodieauntie . #銅鑼灣#銅鑼灣美食#打邊爐#火鍋 . 😝 一個法律系撈過界做食神嘅90後大媽 👋 . ‼️❤️ 記得撳右上角 ⚡️關注我⚡️以獲得最新優惠 & 美食情報 ❤️‼️ . #UCreatorHK#BESTFOODwithUCreator#MOMENTSwithUCreator#TRAVELwithUCreator#香港美食攻略#香港打卡攻略#hkfoodie #轉季護膚必備#以油養膚締造水光肌#甜品控集合吧#水光肌必備#蚊蟲消失術#滅菌神器#倒數聖誕#玩具開箱時間 .
閱讀更多
-
中式料理
“好”得火鍋@巧得鍋
就算日日都三十幾度，都無阻港人對火鍋嘅鍾愛。接呢區食力組組員放工，齊齊去呢度滾……………… 睇緊食咩時，侍應送上免費前菜，係青藤椒涼伴花膠，酸青瓜及脆片。 新登場椰青鷄鍋，選用泰國椰青及鬍鬚鷄，清清地都唔錯喎。 2-3人叫 ($248/半隻)都夠食呀。上枱後滾返熱就可以先飲碗湯。 咪講笑，真係好香椰清味，飲落清甜，仲有大量椰青肉食; 而鷄件入口帶嚼勁，同埋唔會搞都個湯底勁油。 人地做$1鷄，呢度做$1手切牛頸脊，只要惠顧晚市正價火鍋，加$1就有原價$238嘅本地手切牛頸脊。 絶不欺場，肉色靚仔又夠大碟。 牛頸脊肉中分布著油脂，肉味香濃，口感嫩中帶少少嚼口，一片大細岩岩好。 火鍋食材點少得丸及餃類，呢度可以作雙拼，咁就算少人都可以食多幾款。 我地點咗自家製韮菜安格斯牛肉餃及手打芝心墨魚丸 ($108)。 韮菜安格斯牛肉餃隻隻飽滿，入口有香濃韮菜味道。 而手打芝心墨魚丸口感超彈牙，唯芝士味較淡口。 友人喜歡食魚，少少地點個脆鯇骨腩 ($68) 每件都相當厚身，入口脆彈。 同友人喜歡嘅菜類唔太相同，呢個蔬菜盤 ($68)可以完美解決問題。三款蔬菜，又有菇類，南瓜片，冬瓜及白蘿蔔片，可以各式其色。 仲有雪糕糯米糍送上作甜品，今餐選岩咗。 #ublog #foodie #foodiehk #hotpot #kwuntong #hotpot #foodie #kwuntong #foodiehk #ublog (此文章由U Blog 同步發佈至社群)
閱讀更多
-
擦餐勁
陳儀興玫瑰火鍋小廚 Chan Yee Hing Rose Restaurant
醉雞鍋推介
呢間餐廳環境勁大，門面好似茶餐廳但入面夜晚真係打邊爐好去處，推介建議訂位呢度好抵食，而且呢度既賣點係唔收加一，茶芥，醬油錢都唔收，真係超抵食。 我地今次食呢個花雕醉雞鍋個湯底真係好好飲，濃濃既醉雞香味加上入面用左好多料藥材都落左勁多款好似當歸，川芎，藍棗，紅棗，杞子等等全部都好補身同養顏。酒仲用左我最近好鐘意既花雕酒加玫瑰露酒既香氣一煮就聞到好香。 隻雞仲用左三黃雞食起上黎肉質比較嫩滑好味。呢度主打做港式火鍋，湯底款式創新傳統都有齊。 另外我地叫左一碟安格斯牛頸脊紋理分布平均油脂分布都好平均，食落比較正，而且好大碟肉質juicy推介。 潮式魚麵，竟然係用白魚蛋整成條狀既魚麵比較特別，魚味濃郁又健康。 餐廳：陳儀興玫瑰餐廳 地址: 新蒲崗爵祿街33A-37A號百勝工廠大廈地下 #UCreator #火鍋 #雞煲 #香港美食 #九龍美食 #ucreator #打卡美食 #好去處 #隱世打卡點 #相機食先 #foodie #momentswithucreator
閱讀更多
