尖沙咀凱悅酒店點心放題買二送二優惠！$240兩小時任食逾20款點心：蝦餃燒賣／蜜汁叉燒

daydaygoodfood

中式料理

龍逸軒

九龍酒店點心任食6折！鮑魚燒賣皇😋！$236起！🤤

🔥官網預訂 6折嘆九龍酒店中菜廳 龍逸軒點心任食!! 最平$236任食多達30款點心, 除咗有黑毛豬叉燒､金箔蝦餃等, 仲送每人一客原隻南非鮑魚燒賣皇, 加$18仲可以任食埋隔離倚窗閣自助餐甜品同咖啡, 真係勁爆抵! 💰任點任食點心Brunch 🍽️ 前菜小碟 必食蜜汁黑毛豬叉燒! 肉質鬆化, 表面微脆, 忍唔住叫咗幾轉嚟食. 其他仲有鎮江肴肉､椒鹽魷魚鬚等共7款前菜, 都好好食. 🍽️ 蒸點 叉燒包､腸粉都用上黑毛豬, 絕對係回本之選! 仲有松露石榴球, 入面勁足料, 松露野菌味香濃. 其他仲有蒸鳳爪､三文魚籽燒賣等8款蒸點. 🍽️ 煎炸 甜梅菜和牛包絕對係重點, 用上和牛所以肉味特別濃郁, 仲有蝦多士､芝士海鮮春卷都炸得好酥脆. 🍽️ 湯羹､飯麵 有是日中湯､雞蓉粟米羹, 飯麵就有海皇泡飯､皮蛋瘦肉粥､豉油皇炒麵 🍽️甜品 本身已經有中､西式甜品共8款, 但加$18可以任食埋倚窗閣自助餐區既甜品同咖啡任飲, 真係勁抵. 💡 龍逸軒 尖沙咀彌敦道19-21號九龍酒店2樓 #中菜餐廳#美食推介#香港美食#九龍美食#飲茶#點心#點心放題#任食#放題#尖沙咀美食#美食

maggie mok

打卡熱點

凱悅軒

實現中菜自由@凱悅軒

星期三你們有什麼節目啊!除了要去做善事之外有冇想過去實現中菜自由,如有興趣便要繼續看下去我的好介紹喇｡ 上星期三約了一圍朋友去尖沙咀凱悅酒店的凱悅軒,因為大家也非常期待酒店首推的中菜放題盛宴｡ 餐廳剛剛推出放題盛宴龍蝦､和牛及珍饈的內容非常豐盛!包括有位上的蜜汁叉燒及涼拌川味羊肚耳菌､菜膽燉雞,位上甜品有薑茶黑芝麻湯圓或黑芝麻雪糕豆奶泡沫選擇,而無限享用菜式包括有陳年花雕蒸波士頓龍蝦伴粉皮､椒鹽鮑魚､秘製剁椒蒸斑腩､山椒汁野菌澳洲和牛及蔬菜雞蛋炒絲苗｡ 這個放題吸引的地方除了有勁多美食之外還有紅､白餐酒及汽水任飲!對於我這個酒鬼來說吸引度直達200倍｡ 蜜汁叉燒!肥瘦均勻的叉燒口感很軟嫩,鹹甜味道不溫不火吃得非常舒服,碰到燶邊位置就更加香口惹味｡ 涼拌川味羊肚耳菌!這道菜用上珍貴的羊肚耳菌來炮製,入口啖啖爽脆配搭香辣惹味的醬汁實在非常醒胃｡ 菜膽燉雞湯濃郁清甜而且口感清爽好喝喔｡ 前菜和燉湯助我打開了無限胃口!可以進入實現中菜自由的時刻了,五款精彩的菜式可於晚飯時段任點任吃,就要看看我們的肚皮可以放得下多少了｡ 椒鹽鮑魚!外層炸得夠乾身好酥香,內裏是口感煙靭的新鮮鮑魚,這道菜絕對是矜貴版的佐酒恩物｡ 陳年花雕蒸波士頓龍蝦伴粉皮!坦白說外貌協會的我見到這龍蝦賣相感覺麻麻,但我錯了大廚調的花雕汁幽香到不行,加上爽口彈牙又新鮮的龍蝦肉打造成沒法輸的組合,墊底的粉皮沾滿花雕汁即成為了人間美味｡ 秘製剁椒蒸斑腩!鹹香帶辣惹味剁椒為新鮮斑腩帶來畫龍點睛的味道,加上斑腩鮮甜嫩滑愛吃魚我實在淪陷了｡ 山椒汁野菌澳洲和牛!嗜牛的朋友大讚和牛味道出色,如果您也是牛魔王記得要來試試,吃不了牛的我可以品嚐配菜一樣惹味可口｡ 單尾可以來碗蔬菜雞蛋炒絲苗!簡單的菜式就最能表現到大廚的功架和手藝,這個炒飯粒粒企身乾爽不油膩又夠香口,絕對能滿足飯桶對澱粉質的慾望｡ 我跟靚女好友各點一款來分享!黑芝麻湯圓口感煙韌軟熟,內裏的黑芝麻餡幼滑不過甜,配搭微辣的薑茶為冬日帶來點點暖意｡ 這個創新的黑芝麻雪糕配豆奶泡沫非常有驚喜!豆奶泡沫口輕柔帶上濃郁的豆香,配搭香濃滑溜的黑芝麻雪糕帶出甜美的化學作用｡ 星期三放題盛宴收費為$688/位､小童$348/位(兩位起､另加+10%),可以於晚飯時段全程享用慢慢吃慢慢飲,CP值很高但不知會供應至何年何月想吃趁早喇｡ #中國菜 #凱悅軒 #戀吃車媽媽 #Hyatt Regency Tsim Sha Tsui #放題~尖沙咀 #星期三放題盛宴 (此文章由U Blog 同步發佈至社群)

Fabrice 嚐味

打卡熱點

凱悅軒

凱悅軒 - 週三中式放題夜

有人收到風，我哋經常光顧的凱悅軒，逢週三做中式放題，問大家有無興趣。 早上/中午點心放題食得多，晚上都做任食就比較少見，再上網睇睇，連龍蝦和牛都係食過夠，一於舉手報名。 正確啲講，呢個玩法，頭盤、湯品及甜點是每人一份，主菜才是可無限追加的項目，但都已經相當吸引。 最估唔到既係，連紅、白酒都是任喝，聽見都開心。 頭盤有涼拌川味羊肚耳菌及蜜汁叉燒兩款，前者清爽，辣度只是點到即止，作開胃菜很合適。 是夜人夠多，叉燒一大碟的端過來，頗震撼的。燶邊，入口鬆化，有蜜香，絕對是受大眾歡迎的版本，合心。 每人一盅的菜膽燉雞，湯頭清甜得很，在寒天下喝幾口，暖和舒服。 飲完湯，就到無限添加的項目出場，先說椒鹽鮑魚，彈牙而不韌，這個做法也夠晒惹味。 再來，就是主角的陳年花雕蒸波士頓龍蝦伴粉皮。又係果句，是夜人強馬壯，龍蝦是兩大碟的奉上，睇見都流口水。火侯控制得宜，龍蝦肉沒半點韌，花雕香氣突出，龍蝦鉗更加鮮甜，好吃。當然，墊底的粉皮，索盡汁醬的精華，也是不可錯過。 另一主角要數到山椒汁野菌澳洲和牛，牛肉質素無庸置疑，野菌香氣突出，汁醬令牛肉更出色，大家要再「安哥」。 兩大主角贏到掌聲，刴椒蒸斑腩亦唔輸蝕，其實刴椒並不會太辣，襯托著魚腩絕不會喧賓奪主，個人是蠻喜歡的。 蛋炒飯乾身爽口，粒粒分明，但吃至此時已很飽，一碗夠晒數。 甜品二選一，薑茶黑芝麻湯圓經常有機會吃，所以我挑了黑芝麻雪糕、豆奶泡沫。以精緻的玻璃杯作盛器，黑芝麻雪糕連埋輕盈的奶泡一次過放入口，層次幾特別，估唔到中菜依家都玩到咁出神入化。 大家都吃得相當滿足，單是龍蝦和牛及紅白酒任吃任喝，已經值回票價吧~ 餐廳資料: 凱悅軒 尖沙咀河內道18號香港尖沙咀凱悅酒店3樓 #自助餐 #食飽過馬年 (此文章由U Blog 同步發佈至社群)