甜食控注意啦～銅鑼灣Fusion韓式Cafe「UNNIE」近期大搞蛋糕放題，升級套餐即可加$1無限量任食蛋糕甜品，包括抹茶芝士蛋糕、Tira、柚子乳酪慕絲蛋糕等，甜品吃到飽超幸福！UNNIE的招牌菜式同樣吸引，例如魚糕串辛辣麵卡邦尼意粉、火炙北海道帶子配海鮮炸醬意粉，邪惡又打卡able，大家不妨一試。
同場加映：【開箱速遞】最新影片
<<按細圖查看UNNIE Menu>>
位於銅鑼灣的韓式Cafe「UNNIE」今年3月開業，其主打Fusion韓國菜，是咖啡店Undici的姊妹店。餐廳空間寛敝，室內設計簡約，加上柔和的光線，整體感覺愜意舒適，可以在這裡渡過悠閒的下午。
Cafe近日更推出蛋糕放題，升級套餐即可加$1任食4小時是日蛋糕甜品，例如Tiramisu、柚子乳酪慕絲蛋糕、奶茶海綿蛋糕、伯爵茶慕絲蛋糕、抹茶芝士蛋糕、朱古力芝士蛋糕等。
<<按細圖查看蛋糕放題活動細則>>
UNNIE的招牌餐點同樣吸引，其中必試魚糕串辛辣麵卡邦尼意粉（$128），大大串的魚糕橫跨整隻碟，意粉亦裹滿Creamy又酸辣的醬汁，面頭更灑滿脆卜卜的麵碎，口感層次十分豐富～火炙北海道帶子配海鮮炸醬意粉（$148）也值得一試，帶子串鮮甜軟嫩，韓式炸醬與海鮮忌廉汁出奇地夾。另外還有多款Fusion韓國美食，例如醬燒頂級牛肉拌意大利飯、辣炒八爪魚意大利飯、青陽辣酒煮青口等。
UNNIE
蛋糕放題供應期：即日起的逢星期一至四
蛋糕放題供應時段：中午12時至下午4時（午餐）｜晚上6時至8時（晚餐時段一）｜ 晚上8時至10時（晚餐時段二）
地址：銅鑼灣富明街2-6號寶明大廈1樓L號舖
營業時間：每日中午12時至下午4時｜晚上6時至10時
訂座：8403 8748（WhatsApp）
人氣餐廳排名
-
咖啡
寶明大廈
銅鑼灣樓上餐廳新發現🤩 韓式西餐 fusion 勁抵食！
位於銅鑼灣發現了不少樓上餐廳, 今日去了一家主要食韓式美食的café - Unnie 這是一家價格平實又美味的咖啡廳, 地理位置方便,距離地鐵站~4分鐘路程, 我們一入到去,看到水泥裝修風格, 空間感很大,還有些抽像擺設｡ 他們的意粉､飯､漢堡､小食等菜式, 都融合了韓式和西式的元素,非常有創意, 而且價格大多相宜,只需一百多港元起, 連套餐每人也不必花費超過兩百港元｡ 有七款主菜可以選擇, 他們主打韓國fusion菜,加入了西餐元素, 光是聽名字就讓人有期待的感覺｡ 主菜可分別加不同套餐: +$48 粟米濃湯+精選蛋糕+檸檬茶/美式咖啡 or +$66 粟米濃湯+精選蛋糕+自選飲品 🥤 🍽️ 醬燒頂級牛肉拌意大利飯 $138 個碗用上韓式不鏽鋼飯碗, 對於不吃辣的人士而言, 這個辣度是適中, 而且能提出整碗飯的香味, 牛肉很滑,醬汁香濃,,配搭養生配菜｡ 🍽️ 魚糕串辛辣麵卡邦尼意粉 $128 賣相非常吸引,蛋汁與意粉混合, 令到整體醬汁味道提升另一個層次｡ 像是一個韓式混西式的配搭, 有少許辣,魚串爽口彈牙, 跟餐飲品則選取了: 🍓草莓鮮奶 ,有很多草莓肉粒! 🍵 抹茶豆腐拿鐵,豆腐+抹茶配搭口感濃厚! 餐廳有多款蛋糕可供選擇 🍮 甜品則選取了抹茶芝士&Tiramisu 賣相精緻吸引 最後值得一讚的是他們的服務非常好, 侍應的態度超級友善! 令整個用餐經驗,非常愉快｡ —— 🍽️ Unnie (銅鑼灣) 📍銅鑼灣富明街2-6號寶明大廈1樓L號舖 #銅鑼灣#銅鑼灣cafe#樓上Cafe#cafe#cwb#foodie#chansiufo#假日好去處#假日聚會#抹茶#韓式美食#fusion#unnie#udc#CAFE#手沖#Coffeeoftheday#UCreator#假期推介#打卡美食#港島美食
閱讀更多
-
韓國菜
Unnie
銅鑼灣人氣Cafe姊妹店❤️🔥創意爆燈韓式fusion料理😋
韓式fusion樓上Cafe,口味好啱香港,辣度調整咗,更加適合本土口味,有好多創意料理出面冇見過,但見到又唔會覺得出奇會想試吓🤣 —— 魚糕串辛辣麵卡邦尼意粉 $128 暫時都好似冇喺出面見過呢個組合😂幾有創意,但夾埋又好食喎!係溫和嘅粉紅色辣雞麵版咁,好惹味,加咗辣個醬冇咁膩,仲有超多魚糕!特別值得一讚個意粉煮得啱啱好!!!唔會太腍或者太硬! —— 蒜香辣椒蜆肉意大利粉配軟殼蟹 $138 超大隻軟殼蟹😂食落都幾有肉,呢個醬汁比起上面嗰個偏泰式,野味得來就更加開胃,有微微酸感,同埋係炒意粉咁幾好食!仲要有埋蜆肉超足料!! —— 肉食者漢堡 $148 漢堡選擇只有依款同另一款牛肉漢堡,一定要叫依款!!!比多$10就有安格斯牛以外,加埋香辣炸雞!牛扒超級厚!!好有肉味,炸雞都好出色,肉質好嫩,好少漢堡嘅雞係咁腍!!薯條炸得夠乾脆,食到最後都仲係脆身👍🏻 —— 韓風粟米 $58 唔知幾時逢見親呢種粟米小食都會叫黎食🤣唔好睇佢咁簡單粟米,但質素可以好參差!依家就整得唔錯,唔會整到個粟米入面乾晒,咬落去仲feel到入面係濕濕地,配埋啲辣粉紫菜好食! —— 金莎朱古力 $42 入面真係落咗金沙😂😂😂杯朱古力好rich好濃厚!飲落好滑唔會太甜 —— 草莓鮮奶 $42 士多啤梨個味道好天然,溝埋好似奶昔咁,好好飲! —— 藍桔新高梨汁 $42 好打卡好靚,一飲就好似真係咬緊個梨入面啲汁咁😂 —— 柚子乳酪蛋糕 好清新,feel到柚子味完全融入咗喺個蛋糕入面,整得幾出色! —— 原味芝士蛋糕 質地細滑,芝士味超級濃郁!! 🌟推薦指數:10/10‼️ ▫️▫️▫️▫️▫️▫️▫️▫️▫️▫️▫️▫️▫️ 📍 Unnie (銅鑼灣) 銅鑼灣富明街2-6號寶明大廈1樓L號舖 🔎分類搜尋:#FTHK_銅鑼灣 #FTHK_cafe #韓式料理#韓國美食#韓國#假期推介#UCreator#Foodie #UCreator#旅行美食#打卡美食#嗚啦吔哈 #旅行手信推介#打卡#浪漫旅人祭#精簡護膚攻略#ucreator#社群共創攻略#UCreatorHK#TRAVELwithUCreator#momentswithucreator#香港美食攻略#香港購物攻略#香港打卡攻略#嗚啦吔哈#偽素顏美肌攻略#輕鬆出遊#銅鑼灣美食#銅鑼灣#銅鑼灣好去處#銅鑼灣cafe#銅鑼灣必食 #沉醉櫻花海
閱讀更多
-
西式美食
Unnie
銅鑼灣高質cafe，仲有+28蚊蛋糕放題
上次食完「汐」呢間餐廳之後，同朋友傾計先至發現原來佢地有幾間姊妹店，唔怪得啲餐牌咁似樣啦。 上次「汐」都幾好食，所以今次就同朋友黎呢間Unnie 試下先☺️有興趣嘅朋友最好book定位先呀，我見呢晚既位都幾full。 到達餐廳之後店員就帶我哋入座，餐廳嘅燈光都幾有氣氛，而且幾安靜好適合同朋友慢慢食飯傾計。坐低之後，店員就好仔細咁介紹佢哋嘅signature，同埋當日嘅廚師發板。原來呢度星期一至四仲有+$28蛋糕放題，當日就有六款蛋糕，全部都好吸引，不過最後我哋都係太飽冇加到😂只係食咗套餐價裏面包埋嘅兩件蛋糕。 +$48/$66都可以升級套餐，包括粟米濃湯，及精選蛋糕，前者送特式檸檬茶/美式咖啡，而後者既餐飲更可以自選飲品🍹 我地就揀選咗： 醬燒頂級牛肉拌意大利飯 + 抹茶豆腐拿鐵 +柚子乳酪慕絲蛋糕 蒜香辣椒蜆肉意大利粉配軟殼蟹 +美式咖啡 +抹茶芝士蛋糕 粟米濃湯有香甜濃郁嘅粟米味，暖胃舒服🥣 🍛醬燒頂級牛肉拌意大利飯，賣相好似座小火山咁，第一啖連埋燒汁入口覺得有啲咸，但原來內有乾坤😜中間有層韓式泡菜再配搭一條條醃漬蘿蔔同筍，一定要撈均先食，中和返啲味道就唔會覺得岩岩好，而且仲有啲爽脆既口感。 🍝蒜香辣椒蜆肉意大利粉配軟殼蟹，大大隻軟殼蟹企係度😂造型好適合打卡。微辣嘅意大利粉食落覺得似泰式口味，又幾開胃架喎，而軟殼蟹就炸得香口又酥脆，唔錯👍 ☕美式咖啡口感順滑，濃淡適中，可以解膩。 抹茶豆腐拿鐵，飲得出抹茶濃厚嘅苦澀味同時又帶有淡淡嘅豆腐香，仲有啲質感，幾夾🍵 甜品方面，食咗2款都覺得幾高質，好滿足呀❤️ 柚子乳酪慕絲蛋糕，淡淡柚子清香，同微酸嘅乳酪味配搭得非常出色✨ 而抹茶芝士蛋糕又同時令我幾驚喜喎（原本飲完抹茶都猶豫過唔好重複口味🤭）口感軟滑，唔會太漏，真心冇揀錯呀！睇到隔離枱食其他款都唔錯，可惜實在太飽，冇辦法食蛋糕放題啦，$28就可以任食真係太吸引🤤（食多一件都回返本啊😆）
閱讀更多
