端午節就嚟到，過節令為食鬼最興奮當然係有靚糉食。今年各大餐廳都落足心思推出水準靚糉，靚糉數量唔少，編輯部就分上下兩篇介紹畀大家。這篇就介紹各家酒店靚糉
【龍景軒│桂花紅薯鹼水糉】
榮獲米芝蓮三星的四季酒店龍景軒，出品絕對在香港數一數二，中菜行政總廚兼中菜界老行尊陳恩德將鹼水糉做得出神入化，他創作的桂花紅薯鹼水糉，用紅薯加上糯米做，黐軟又比傳統的少飽滯感，加桂花蜜吃，相當高級。以禮盒配雞樅菌銀魚元貝糉及英德紅茶 9 號，一鹹一甜，高檔精緻。（$488 盒，一套兩隻 300g 糉子）
鮑魚瑤柱有機五穀糉配英德紅茶 9 號 $568 盒
非常有份量，每隻糉子重 750g，用料非常名貴，裏面有 2 隻南非鮑魚，配、燒鵝、豬肉、冬菇和鹹蛋黃，用有機十穀米製，大火慢火足足煮 14 小時，擔擔心機又美味。
info
地址：中環金融街 8 號香港四季酒店 4 樓
購買網址：https://shopfourseasonshk.com/collections/dragon-boat-rice-dumplings
電話： 3196 8708
【萬豪金殿│85 折買金殿福建糭】
福建菜家就食得多，但福建糉你哋食過未？今年香港 JW 萬豪酒店米芝蓮星級中菜廳萬豪金殿就有提供，風味非常地道，糯米先以醬油、五香粉及葱頭炒至色澤油亮，配頂級日本花菇、栗子、蝦米碎，以及燜至軟腍入味的關刀豬腩肉，糉子風味有層次，仲可以配甜辣醬。（禮品盒包裝 $448 兩隻、保溫袋包裝 $388 兩隻）
糭子禮盒 $598 盒、糉子保溫袋包裝 $538
包括金殿乾鮑瑤柱裹蒸糭及金殿日本紅豆鹹肉糭各一隻，由中餐行政總廚鄧家濠師傅主理，裹蒸糉內有南非吉品乾鮑魚、頂級日本瑤柱、上等日本花菇等，大隻名貴；日本紅豆鹹肉糭則用日本紅豆配搭油心鹹蛋黃、以頤和園醬油調味得宜的關刀豬腩肉及軟熟做，高檔得體。
info
地址：金鐘金鐘道 88 號太古廣場香港JW萬豪酒店3樓
購買網址：https://jwmarriotthkoffers.com/zh/Man-Ho-Hokkien-Glutinous-Rice-Dumpling-Gift-Set-Early-Bird-2024?utm_source=other&utm_campaign=jwmarriotthkeshop&utm_medium=media
電話：2810 8366
備註：1. 5 月 31 日或之前於 JW 網上商店預訂享 85 折
- 可於 6 月 1 日至 10 日期間到萬豪金殿提取
【彤福軒│一星匠心糉子套裝】
彤福軒榮獲米芝蓮一星，糉子當然匠心製作，今年推出手工精製端午糭子套裝，包括鮑魚金腿裹蒸糭及二十四年陳皮貴妃豆沙糉。前者用配上綠豆、白糯米、豬肉、冬菇、鹹蛋黃、瑤柱、蓮子和栗子等，後者配 24 年陳皮，陳皮香氣馥郁。（＄598，一套兩件）
info
地址：尖沙咀梳士巴利道 18 號香港瑰麗酒店 5 樓
購買網址：https://www.rosewoodhkshop.com/zh/products/rice-dumpling-set
電話：3891 8732
備註：自取或送貨日期為 6 月 1 日至 10 日
【半島精品店與咖啡廳│XO 醬五花腩肉糉】
半島酒店的 XO 醬很馳名，今年的糉子也以它來炮製五花腩肉糉，香惹微辣，一盒兩隻，送禮自用也很得宜。今年更設計了造型漂亮的糉子形保溫袋，送禮更加分。（$460）
黑糖陳皮蛋卷蝴蝶酥禮盒 $388
端午期間，精品店也推出了端午版的蝴蝶酥、曲奇禮盒。最特別是黑糖陳皮蛋卷，溫潤香甜夾雜陳皮幽香，風格很是雅緻，搭配 fans 極多的半島蝴蝶酥做禮盒，一定個個鍾意食。
info
地址：尖沙咀梳士巴利道半島酒店商場
購買網址：peninsulaboutique.com
電話：2696 6969
備註：半島精品店香港國際機場店及期間限定店亦有發售
【香宮│台灣奶黃流沙糉】
九龍香格里拉的中式食府香宮是唔少富豪開餐之選，今年的端午糉頗有台灣特色，今年焦點有台北遠東香格里拉紫米奶黃流沙糭，食譜來自台北經典酒店台北遠東香格里拉，紫米、糯裏有甜甜的流心奶黃餡，甜糉特別適合炎熱的端午品嘗。（$148 隻）
香宮台灣冰晶甜糭禮盒 六件裝 $298
出水晶糉嘅酒店不多，難得香宮推出，3 款水晶糉餡料充滿台灣特色，包括花生、豆沙及香橙熱情果口味，雪凍吃，透心涼。每款口味兩隻。
info
地址：尖沙咀東麼地道 64 號九龍香格里拉大堂節日櫃檯
購買網址：https://boutique.shangri-la.com/shop.php?cat=Dragon%20Boat%20Festival®ion=hk
電話：2733 8836
備註：5 月 27 日至 6 月 8 日供應
【龍苑│花式裹蒸糉打孖嚟】
這間老牌酒店中菜廳，出品有口碑，今年更加添創意，為裹蒸糉加添新元素，包括鮑魚黑蒜東坡肉及鮑魚梅菜扣肉 2 款裹蒸糭。前者，裹蒸糉內的豬肉以東坡肉方法炮製，再加上健康又抗氧化的黑蒜，裏面仲有鮑魚，豪華與創意俱備。另一款則包入五花肉及梅菜，梅菜肉汁香甜惹味，令裹蒸糉更有看頭，配龍苑自家製 XO 醬發售。（一套兩隻，原價 $468、早鳥價 $327.6）
info
地址：尖沙嘴彌敦道 50 號金域假日酒店低層一樓
購買網址：https://eshop.holidayinngoldenmile.com/zh/festive-delicacies
電話：2315 1118
備註：即日起至 2024 年 6 月 1 日前，通過 e-shop 網上訂購可獲早鳥 7 折
【8 度海逸酒店│83 折花膠鮑魚海味糉】
份量十足，又有花膠、又有鮑魚、北海道瑤柱及刺參，材料矜貴，糉子裏還有原個蛋黃、燜五花腩肉、鴨肉、蝦乾及爽滑花菇等，最開心是經 eShop 買有 83 折，省返唔少。（原價 $158、eShop $138）
古法鹹肉糉 原價 $118、eShop $98
用料十足，糯米裏有以雞油、五香粉及玫瑰露醃製豬腩肉、日本花菇，瑤柱、油心鴨蛋黃、原隻蝦米、栗子及綠豆。
info
購買網址：https://bit.ly/3TvdGoO
電話：2126 1960
備註：1. 5 月 20 日至 6 月 10 日期間於 8 度餐廳換領
- 須於換領日最少 2 日前致電 2126 1960 預約
【紅糖│端午糉三重奏】
有選擇困難嘅，不妨考慮嘉里酒店這個紅糖品味三重奏禮盒，三款口味包括黑毛豬瑤柱鹹肉糭、鹹蛋黃紫米鹹肉糭及紅豆沙鹼水糭，鹹甜兼備。（$338）
紅糖金華火腿瑤柱裹蒸糭 $328
金華火腿瑤柱裹蒸糭足料大隻，一家人分享最為完美。
info
地址：紅磡灣紅鸞道 38 號香港嘉里酒店大堂節日櫃檯
購買網址：https://bit.ly/KHHKDBF2024
電話：2252 5320
備註：產品由即日起至 2024 年 6 月 9 日期間接受預訂
【南坊│端陽糉手工醬套裝】
香港數碼港艾美酒店的粵菜館今年出綠豆蛋黃鮮肉糭、黑毛豬金腿裹蒸糉、冬葉鹹肉糉、豆沙甜糉、黑芝麻甜糉，配搭手工製蒜蓉醬作端陽套裝。非常潮氣，以特別設計的束口收納袋包裝，吃完糉，仲可以用來作便當袋或環保袋。（尊貴端陽糉四重奏及手工醬套裝 原價 $308、八折 $246.4（5 月 26 日前）、八五折 $261.8（5 月 27 日至 6 月 2 日）
綠豆蛋黃鮮肉糭 原價 $198、八折 $158.4（5 月 26 日前）、八五折 $168.3（5 月 27 日至 6 月 2 日）
鮮肉糉足料，可加了不少綠豆，美味好吃。
info
地址：薄扶林數碼港道 100 號香港數碼港艾美酒店 3 樓
電話：2980 7410
購買網址：https://lemeridienhkshop.com/tc/nf_rice_dumplings_2024/
備註：可於即日至 6 月 9 日於餐廳換領
【明閣│遠年陳皮豆沙蓮子紫米糭 】
由點心部主管謝新福師傅精選上等紫米、白糯米及紅豆及遠年陳皮製成，陳皮豆沙非常有水準，黏滑唔死甜，裏面仲有飽滿的白蓮子，吃完口腔內還餘下陳皮幽香。（原價 $128 隻，350g）
原隻鮑魚裹蒸糉 原價 $368
明閣鮑製鮑參翅肚等海味，中菜界人人稱頌，鮑魚裹蒸糉當然也匠心製作，每隻約 750g，裏面有 12 頭原隻南非鮑魚，加埋日本瑤柱、天白花菇、燒鴨肉、鹹蛋黃及金華火腿等，矜貴有實力。
info
地址：旺角上海街 555 號香港康得思酒店 6 樓
購買網址：http://enews.langhamhotels.com/LPH/Festive/CDHKG_GlutinousRiceDumpling2024_OrderForm.pdf
電話：3552 3301
備註：可於即日至 6 月 9 日接受訂購
【逸東軒│八寶薈萃新豬肉裹蒸糉】
愈來愈多人吃素，但好味的素糉都幾難搵，想搵的話不如試試米芝蓮星級中菜逸東軒的出品，今年餐廳製作素肉八寶糉，以植物性肉新豬肉 OmniPork 配以八寶食材，包括花菇、紅腰豆、栗子、花生、蓮子等，比傳統八寶糉低卡又高纖，值得一試。（$298 隻）
至尊鮑魚瑤柱裹蒸糭 $328 隻
吃葷的朋友，也可一併買埋逸東軒總廚譚棟師傅的裹蒸糉，每隻重達 600g，內有原隻鮑魚、原隻鹹蛋黃、頂級瑤柱、燒鵝及上等爽滑花菇等，最正係綠豆的比例掌握得好，軟糯不散，鹹香好味。
info
地址：九龍彌敦道 380 號 Eaton HK B2 樓層
購買網址：https://www.yattungheen.com/
電話：2710 1093
備註：6 月 3 至 9 日可取貨
【如│蛋黃鮑魚裹蒸糉】
如心酒店旗下的中菜廳推出蛋黃鮑魚金華火腿瑤柱裹蒸糉，採用原隻鮑魚、金華火腿和瑤柱等製作，大隻又足料。5 月 26 日前訂購可享 8 折。（原價 $308 隻，早鳥價 $248）
陳皮豆沙鹼水糉 原價 $98 隻、早鳥價 $78 隻
鹼水糉以陳皮與頂級豆沙做餡，口感細膩幼滑，價錢也相當實惠。5 月 26 日前訂購可享 8 折。
info
地址：荃灣楊屋道 8 號荃灣西如心酒店大堂
購買網址：https://ninaboutique.com/en/deluxe-rice-dumpling
電話：2280 2923
備註：1. 5 月 23 日至 6 月 9 日可換購
2. 中環街市及旺角雅蘭中心 Nina Patisserie、觀塘 I-O-N 及九龍東如心酒店亦有供應，供應期為 5 月 23 日至 6 月 6 日
