位於尖沙咀圓方商場天台的「District 8」以巴黎第八區為靈感，主打法式美食，最近更全新推出多款來自澳洲牧場的頂級牛扒，包括200日穀飼安格斯Barcoo牛腹扒、封門牛柳、西冷牛扒、牛柳、帶骨肉眼扒等，食肉獸點可以錯過！而且餐廳設有露天座位，氣氛環境悠閑浪漫，快約上朋友或另一半一齊chill吓啦！
同場加映：【開箱速遞】最新影片
「District 8」位於尖沙咀圓方商場演薈廣場，裝潢簡約時尚，設有吧臺和開揚露天座位，環境悠閑。
Click圖睇Menu：
餐廳主打多款法式美食，四月更集結來自澳洲牧場的頂級牛款推出全新牛扒Menu，所有牛扒均會配上經典巴黎牛油汁、烤洋蔥及三炸自家手切薯條。喜歡口感緊實肉味濃郁的朋友可以試試200日穀飼安格斯Barcoo牛腹扒（$290/350g）、O’Connor牛柳扒（$420/300g）；牛柳扒更會以香脆煙肉伴碟，增添一份鹹香。
牧場200日穀飼4+級肉眼牛扒（$420/300g）則油花分佈更豐富，外層微微焦香，中間肉質軟腍；想多啲人share更可以選擇O’Connor帶骨肉眼（$950/1200g），分量十足。大家也可以試到較為稀少的封門牛柳（$380/280g），位於牛腹部兩側且靠近前腿之間，肉汁較重，入口軟嫩。
「District 8」另外也有提供多款精緻法式美食以及早午餐等，紅白酒、調酒也有不少選擇，絕對是約會的好選擇。
District 8
地址：尖沙咀柯士甸道西1號圓方3樓平台R009號舖
營業時間：星期一至日08:00-00:00
電話：2537 7555
人氣餐廳排名
-
西式美食
The Grill Room TST
## 尖沙咀法澳扒房🥩 精緻晚餐😋
今天享用的晚餐比較精緻，來到尖沙咀的《The Grill Room》，餐廳是結合法國和澳洲兩地菜式的扒房西餐廳，講到賣相和用料，都非常講究。 「香煎慢煮牛柳配新鮮黑松露片牛肉原汁」 慢煮牛柳，可以準確地控制牛柳內部達至半生熟的程度，再大火煎烤表面，做成脆面，牛肉原汁，味道配合得天衣無縫，再加上矜貴新鮮的黑松露片，增加不少進食趣味啊！😌 「牛肝菌蘑菇意大利飯」 經典百吃不厭的意大利飯，與味道濃郁的牛肝菌配搭最合，米飯口感結實彈牙，做得相當出色。 甜品選上最為浪漫代表作的「心太軟」，用上78%黑朱古力制作，是苦也是甜，外脆內軟，一羹切下，暖呼呼的半液態狀朱古力流出，對甜品控來說，絕對是無懈可擊。 最後還有胃口到IKEA吃番個熱狗及新出的香芒椰子新地筒😉 #西餐廳 #UCreator #旅行美食 #打卡美食 #Foodie
閱讀更多
-
打卡熱點
呢間餐廳喺尖沙咀站A2出口格離，超級方便，叫Library！有室內室內座位，室內可以望住清真寺，好有feel，而我就揀咗室內座位坐啦！叫咗個牛扒嚟食，非常嫩滑，個醬調得好好味，啲薯條都炸得好脆好香，推介～ #成為您的最佳旅伴
閱讀更多
-
打卡熱點
The Musicbox Grill House & Bar
音樂🎛️主題👍高質🥩扒房
朋友仔話想食靚扒🥩，所以就一齊嚟咗銅鑼灣🚇呢間好有特色嘅樓上扒房🍽️「The Musicbox Grill House & Bar」。餐廳以音樂🎵為主題，角落頭仲有個DJ打碟區🎧，真係幾有feel✨。 Truffle Mushroom Ravioli 黑松露意大利雲吞🥟一上枱就聞到好香濃嘅🍄黑松露味，個醬汁好creamy💦，但又唔會太膩。每一粒雲吞都好飽滿🤩，入面嘅蘑菇同埋芝士餡料好足🧀，食落啖啖都係菇菌嘅鮮味同松露嘅甘香😋。 嚟到扒房，主角當然係牛扒啦🥩！我哋叫咗一份12安士嘅 Grass-Fed Australian Beef Ribeye 草飼澳洲肉眼牛扒🍽️。我哋叫咗五成熟🔥，切開之後見到入面嘅肉質呈粉紅色💗，肉汁滿滿💦，真係睇見都流口水🤤。食落去牛味好濃郁🐂，肉質軟腍得嚟又有少少嚼口😌，邊邊位有啲焦香，真係幾好味👍。 Philly Cheesesteak Burger 費城芝士牛肉漢堡🍔份量十足😍，塊牛肉漢堡扒好厚身👏，燒得啱啱好🔥，鎖住晒肉汁💦。入面有半溶嘅Provolone芝士🧀、焦糖化咗嘅洋蔥🧅同埋甜椒🫑，成個配搭好夾✨。一啖咬落去😋，牛肉嘅油香、芝士嘅鹹香同埋蔬菜嘅甜味喺口入面爆發💥，口感好豐富。 跟埋嘅薯條🍟都炸得好香脆🔥，真係好滿足🥰！ 呢期星期三佢哋仲有 Ladies' Night🎉，叫咗主食之後飲品🍹可以無限添飲🔄，正呀🥂！ 總括嚟講，The Musicbox Grill House & Bar 無論係環境、食物🍽️定係氣氛🎶都好有水準👍。如果你都係鍾意音樂🎧同美食🍴，尤其係鍾情靚牛扒🥩嘅朋友，呢度絕對值得一試💯！ The Musicbox Grill House & Bar (銅鑼灣) 地址：銅鑼灣駱克道459-461號The L. Square8樓 #TheMusicboxGrillHouse#銅鑼灣美食#香港美食#扒房#牛扒#音樂主題餐廳#樓上扒房#香港探店#美食博主#黑松露#意大利雲吞#肉眼扒#漢堡#費城芝士牛肉漢堡#香港好去處#食在銅鑼灣#hkfoodie#hkfoodblogger#causewaybayfood#steakhouse
閱讀更多
