荔枝角中菜廳大公館春日菜單！米芝蓮星級大廚主理／花椒蟶子皇／龍蝦球／花膠水鴨湯

yukie_kiekie

港式美食

湯戶方 (大圍店)

晴晴好鍾意的靚湯蒸飯😋

晴晴做乜食飯都表情多多,咁開心?😆 因為有佢好鍾意嘅靚湯同蒸飯! 佢食得好滋味呀!😋 今晚我哋外賣了【湯戶方】的3款靚湯､2款蒸飯及3款糖水, 好味又豐富! 我哋叫了呢3款湯: 澳洲青邊鮑魚花膠螺肉燉湯 — 呢款湯有滋陰作用｡ 好香, 好重螺頭味! 味道清甜, 晴晴最鍾意飲呢款🩷 雲腿菜乾雞爪燉豬肺湯 — 有止咳作用, 好啱而家呢個天氣飲｡ 好香菜乾味､鮮甜, 幾好飲｡ 羊肚菌茶樹菇螺肉燉瘦肉湯 — 有強健腸胃功效, 啱晒我｡ 好濃羊肚菌味, 好足料👍🏻 另外, 我哋叫了2款蒸飯: 金針雲耳蒸雞飯 — 有5大舊雞件, 雞肉嫩滑, 好入味; 配料都有唔少金針同雲耳; 醬汁充滿雞油香味, 晴晴好鍾意食🥰 梅菜蒸肉餅飯 — 肉餅夠淋, 梅菜幾香; 配甜豉油幾好味｡ 每盒飯都配有幾件生菜, 夠健康｡ 最後當然唔少得飲返碗糖水啦! 我哋叫了3款: 桂圓紅棗杞子燉桃膠 — 超多料, 有好多桃膠! 好滋潤好飲｡ 百合腐竹雞蛋糖水 — 好多腐竹好滑溜, 配埋大大隻雞蛋好滿足😋 椰汁海底椰西米露 — 海底椰煲到幾腍, 份量都唔少; 唔太甜幾好味👍🏻 ————————————————————— #湯戶方#燉湯#蒸飯#糖水#滋補湯水#香港美食#大圍美食#美食推介#香港foodie#周圍食好西#餐廳推介#親子#親子美食#親子好介紹#食評

A美食焚化爐

中式料理

獅房菜

獅房發辦～春跡～九道 @ 獅房菜 ( 旺角帝京酒店 )

雖然說香港人愛北上，其實香港仲有好多地方可以行下。 旺角金魚街我就經常去買魚糧同龜糧，望下小動物，睇下盆栽，再可以去花墟行下，又真係好治癒。 自從帝京酒店 Lion Rock 改名獅房菜後，環境依然坐擁獅子山及火車穿梭的景致，但食物種類是以中式私房菜為主，走的是精緻路線。 今次就試了獅房發辦～春跡～九道。 [Appetizer • 序幕］ 花蟹茶碗蒸 花蟹肉本身清甜，蛋漿更是以蟹湯去蒸，加入少許薑米，令味道更鮮。 普洱海參凍 賣相一絕，完全似一朶綻放中的玫瑰花，有著淡淡的普洱及龍井香氣，入口滑溜，正。 鬈毛豬叉燒 近年匈牙利鬈毛豬已經常在中菜出現，今次炮製成叉燒，當然不會令人失望。 ［Lobster • 焰 舞 ］ 青花椒、龍蝦球、炒牛乳 龍蝦球肉質自然爽彈，每口都有輕盈的青花椒，少少辛勁令人挑起了食慾。 置底的北海道牛乳加入了薑米、洋蔥及竹笙，令口感更具層次。 至於米盞亦可以一齊享用。 ［Soup • 虹 彩］ 蘭州蜜瓜、瑤柱、響螺湯 湯底是以赤肉、老雞、筒骨及螺頭熬成，老實講，自己係家中都可以熬煮到，但實在太花時間，所以好鍾意飲，更何況加埋蜜瓜同瑤柱，自是鮮甜到一個點。 ［Abalone • 妃 玄］ 古越龍山、蔥香、鮑魚 五頭鮑魚經慢煮5小時，再以薑蔥、杞子、桂圓、冰糖及花雕酒去燴，肉質軟稔而入味，喜歡蔥香的朋友更加不能錯過。 ［Wagyu Beef • 土 飼］ 韓國泡菜～黑毛和牛酥 望落好萌，又圓碌碌非常可愛，敲開曲奇牛油外層，其實內裡是以荷葉包裹甘筍、泡菜、洋蔥及和牛絲炒香後再一齊焗，帶來了濃郁的韓國風味，不錯。 酸梅啫哩 重口味過後，當然是要清清味蕾，今次是中式的酸梅Jelly，夾有絲絲煙燻氣息，甜酸夾雜，口感清新怡人。 ［Fish Maw • 旨 味］ 鮮機松茸、花膠、黃湯 同樣是以高湯底來泡浸花膠及新鮮機松茸，鮮甜又健康，尤其是花膠非常滋補。 ［Bird'Nest • 養 生］ 金腿燕窩、野生竹笙、菜苗 豆苗及竹笙蘸滿了上湯，拌和了金華火腿和燕窩，清爽惹味兼而有之。 ［Noodle • 絕 品］ 澄海老鵝、淮山麵 單尾是淮山麵，果然夠養生，鵝肉是選自澄海獅頭鵝，肉質有保證，最過癮係加上苦瓜，有種甘爽的口感，對於愛吃苦瓜的我，當然來者不拒。 ［Dessert •  港 甜］ 鴛鴦茶、奶凍 帝京酒店餅房經常帶給人驚喜，今次亦不例外，充滿了本土風味，奶茶杯係朱古力，而鴛鴦茶其實係奶凍，充滿了玩味的感覺。  餐廳專頁 : Lion Rock   酒店專頁 : 帝京酒店   地址 : 旺角太子道西193號帝京酒店3樓   電話 : 2622 6167   味道 : 4  環境 : 4  服務 : 4  衛生 : 5  抵食 : 4  位置 : 5   IG : foodiephilip   小紅書 : 美食焚化爐   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #中菜 #旺角 #帝京酒店 #美食焚化爐 (此文章由U Blog 同步發佈至社群)

Glóriafoodailyhk

中式料理

美麗華酒店

高CP值優質中菜·米芝蓮之星國金軒

近日發現The Mir 國金軒依家做緊期間限定晚市套餐$688 一位,喜歡飲酒另外可加錢配美酒,絕對超值｡ 朋友間都對法國乳羊腩讚不絕口,自己較喜歡百花釀乳豬及花膠雪蓮子燉白肺湯,乳豬有口感｡花膠白肺湯屬於手工菜式,又帶養顏功效｡養生棗皇糕係女士至愛｡😉#中菜餐廳#香港美食#美食推介#九龍美食