澳門戶外星球主題酒吧餐廳 雞尾酒瓶裝酒買1送1／唱K房／佔地超過10000呎！

NicoleHeiTong

澳門攻略

澳門新濠影滙W酒店

嘆住澳門景🤩！40樓摩登復古下午茶☕️。

Blind Tiger 是位於澳門新濠影滙 W 酒店 40 樓的頂樓特色酒吧,坐擁路環迷人景色,將傳統設計元素與澳門特色雞尾酒和佳餚融為一體,設計風格結合了澳門殖民歷史背景,呈現中葡文化融合的摩登復古氛圍,對澳門的歷史風情進行現代詮釋｡ ✨特色下午茶:最受歡迎的是 W T Time 下午茶(約 15:00 - 18:00),常推出特色主題,如全黑主題或黑金色系餐點,包含鹹甜點與特調飲品｡ 🍸特調雞尾酒:提供以地區特色為靈感的雞尾酒及精選威士忌套餐｡ 📍地址:澳門新濠影滙 W 酒店 40 樓 ⏰ 下午茶 (W T Time):每日 15:00 – 18:00 晚市 ⏰晚間酒吧:週日至週四:18:00 – 00:00週五及週六:18:00 – 01:00 #澳門新濠影滙#特色下午茶#頂樓酒吧{{hket:campaign display="夢幻聚會好去處"}}{{/hket:campaign}}#澳門

兔小白MissTou

首爾攻略

清潭洞

首爾江南清潭2間必去hidden bar

我以為hidden bar係噱頭,去到先知係真係要你｢搵｣｡ 呢兩間喺狎鷗亭羅得奧(Apgujeong Rodeo)4號出口步行即達,係隔籬,一晚連刷兩間,氣氛截然不同,反差剛好｡ 🐰 Alice 청담 我最怕啲地方｢靚喺照片度｣——入到去悶,飲嘢一般,全靠打卡撐住｡Alice唔係咁｡ 佢要你穿過一間花店,行到最入面先見到暗門｡入去之後係暗紅色皮梳化､深木色調,燈光迷幻,有啲似跌咗入兔仔洞｡成間店係Alice in Wonderland主題,但唔係嗰種糖果色卡通感——係真係黑暗系､正經大人版｡ 我對呢類cocktail bar一向有個標準:酒要好飲､演出要有理由存在｡唔係為搞噱頭而噱頭,係個表演配合個味､令你更想飲多啖｡Alice做到｡ 一定要坐吧枱｡ 坐返枱係睇唔到啲酒係點沖嘅｡我一坐低,就見到調酒師準備5號酒(ALC-8420)——sloe gin配white port､血橙､依蘭花同山竹,沖出嚟有個大泡泡,剛沖好嗰一刻最靚,遲少少就散｡就係呢種｢你要在場先睇得到｣嘅瞬間,係我覺得一間bar有無靈魂嘅分別｡ 我飲過嘅: 🍹 Zolla ggul(藍芝士風味蜂蜜vodka) 聽落怪,入口係鹹香同蜜甜嘅拉鋸,唔係諧和感,係tension感——估唔到但唔奇怪,係複雜得令你想細味｡ 🍄 Foggy Fongo(Mario蘑菇造型,mushroom sherry) 一打開噴晒煙｡靚係靚,但我飲完之後覺得:個煙唔係裝飾,係令你先聞到蘑菇香氣先入口——係功能性嘅表演,唔係純粹噱頭｡ 🫧 ALC-8420(sloe gin, white port, blood orange, ylang-ylang, mangosteen) 頭先講嗰杯｡血橙同山竹嘅酸帶住依蘭嘅花香,尾段有股微微草本感｡賣相同味道我都收｡ 💡 小Tips 認住花店外面嘅白兔仔指示牌,唔係真係搵唔到 週末建議預訂,場細位唔多 每杯約₩22,000–40,000 📚 Le Chamber 行出Alice､行幾步,就係Le Chamber｡ 入口係地下層一整幅書架｡要推啱指定本書,暗門先會滑開｡係,真係要你試書架｡ 我去咗幾個hidden bar,開始有個感覺:好嘅speakeasy,入口設計唔係噱頭,係替你cut走外面個世界｡推開書架入去,高樓底､水晶吊燈､下沉式皮梳化､遠遠傳嚟現場鋼琴聲——成個氛圍係另一個時空,同外面狎鷗亭嘅霓虹完全唔同｡ Alice係迷幻,Le Chamber係儀式感｡ 我喺呢度有一種偏好:鍾意酒保願意同你講每杯酒背後嘅邏輯｡Le Chamber識英文嘅酒保係會主動介紹——唔係背menu,係真係解畀你聽｡對我嚟講,呢種conversation係一間bar嘅水準象徵｡ 我飲過嘅: 🍸 Sling Italiano(amaro, olive, fresh fruits) Bright､complex､有層次——最尾嗰層苦甜泡沫收得好優雅,唔係苦到突兀,係苦得有禮貌｡我認為amaro-based cocktail最難拿捏係收尾,呢杯做到｡ 😂 大笑佛陀 Laughing Buddha(菠蘿味特式調酒) 上嚟配乾冰,煙霧散開､佛陀浮咗出嚟,同枱嘩一聲係必然嘅｡菠蘿甜香係主調,輕鬆易飲,係｢全枱第一杯｣嘅料｡ 🍑 Fortune Bellini(pink peach crunch ice, top layer) 面頭一層粉紅色碎蜜桃冰,慢慢融落杯,令杯酒愈飲愈清甜｡比起普通Bellini更細膩,有種懷舊感,似係某個夏天嘅記憶版本｡ 🍚 Baekhwaban(白拌飯靈感,韓國食材) 呢杯係我意料之外嘅驚喜｡乾淨､細緻,唔強搶,但飲到最後有一絲若隱若現嘅辣尾——唔係烈,係有性格｡用韓國食材落cocktail,靈感很在地,執行好克制｡ 💡 小Tips 週五六最旺,強烈建議預訂 酒保識英文,唔知揀咩就直接問,佢哋會問返你口味先建議 每杯約₩25,000–45,000 我的建議走法 先Alice,後Le Chamber｡ Alice熱鬧､表演感強,適合開場預熱;Le Chamber鋼琴聲､皮梳化,適合夜深坐低嘆｡一動一靜,一晚飲完兩種完全不同嘅首爾夜晚｡ 兩間都係同一條街,從4號出口出來步行幾分鐘搞掂｡ 📍 Alice 청담 — B1, 47 Dosan-daero 55-gil, Gangnam-gu 丨每日7pm–3am 📍 Le Chamber — B1, 42 Dosan-daero 55-gil, Gangnam-gu 丨週一至六7pm–3am,週日7pm–2am 🚇 地鐵:狎鷗亭羅得奧站(水仁盆唐線, 黃色線唔好搭錯! )4號出口 #特色調酒酒吧#首爾狎鷗亭酒吧#韓國#韓國旅行#韓國攻略#首爾攻略

leewengii

打卡熱點

大龍鳳

🐉大龍鳳酒吧位於灣仔藍屋旁邊，顧客多數係外國人，傳統紅色霓虹光管招牌加紅燈籠好搶眼🏮，走六七十年代港式懷舊路線，牆上有舊式嘅海報，餐牌係仿舊報紙📰。happy hour至到九點🕘，🍸cocktail都係三十幾蚊，🍻多款啤酒買一送一，仲有自家釀製梅酒🥃唔會太嘈嘅音樂好適合傾計。 #UCreator#打卡美食#隱世打卡點#打卡#chill賞遊世界#港玩港食#中秋想您愈食愈圓2024#夏日肌膚急救法寶#ucreatorhk #bestfoodwithucreator