Lokman@MIRROR 合資開設波鞋主題啡吧「SOLEBREW」！MIRROR隊長Lokman（楊樂文）與友人合資開設結合街頭文化、波鞋及潮流主題咖啡吧，店內不但可以飲到由飲 Lokman 精選的咖啡，更可打卡店內100對珍藏波鞋。愛啡之人以及頭巾兵團萬勿錯過！
同場加映：U Food【開箱速遞】最新影片！
「SOLEBREW」啡吧設集合街頭文化、潮流、波鞋等元素，店內分別設地面及地庫兩層，地面層可 walk-in 堂食及外賣，而地庫同樣設堂食座位並加添 VIP 專區。啡吧整體以藍色為主調，揉合灰色水泥工業風，而店舖地面有一道由約 100 對珍藏波鞋所拼砌的「波鞋牆」，會展示「Air Jordan 1 OG 1985 Chicago」、「Louis Vuitton Don Kanye Patchwork」等絕版、話題波鞋，不論是朝聖打卡都一流！
啡吧以朝啡夕酒為概念，地面的咖啡吧提供堂食及外賣，由早上7時30分至下午4時為Cafe Time，提供咖啡、Bagel等輕食，下午5點至半夜2時改為 Bar Time，特製原創調酒及佐酒小食。
在下午5點後的Bar Time時光，啡吧會提供多款以「SOLEBREW」及藍色為主題的原創特調Cocktail。在眾Cocktail中，Lokman就特別推介「SOLEBREW」中的點題之作「Blue Soul」了。Lokman親自介紹，Blue Soul的第一口會嚐到自釀菊花糖漿的甜味同柑橘的酸味，慢慢嚐到回甘，味道特別。
而另一款特調酒「Smokin’ Jazzman」則以帶有燻製木香的茶系威士忌調製，層次鮮明豐富，若搭配惹味佐酒小食，則完滿味蕾享受。
在特選咖啡豆中，更有由Lokman親自挑選、並以「SOLEBREW」命名之威士忌酒桶發酵處理咖啡豆。「SOLEBREW」咖啡豆來自洪都拉斯莫卡莊園，由於它經過威士忌酒桶的發酵處理，未磨豆前便已散發著威士忌的香味，入口時咖啡與威士忌融合，又加上雲呢拿香味的餘韻，令人一試難忘，推薦以Latte、Dirty等奶啡入口可更顯風味。愛啡之人以及頭巾兵團萬勿錯過！
由Lokman@MIRROR 合資開設波鞋主題的「SOLEBREW」啡吧將開設於中環蘇豪士丹頓街，並在於3月7日公開營業，有興趣的朋友不妨一試！
（2025年2月19日更新:「SOLEBREW」已結業）
「SOLEBREW」啡吧地址：香港中環士丹頓街23號地面及地庫
「SOLEBREW」啡吧公開營業日期：2024年3月7日
「SOLEBREW」啡吧營業時間：【Cafe】 7:30am - 4pm｜【Bar】5pm-2am｜4pm-5pm 休息時間
人氣餐廳排名
-
咖啡
SOLEBREW - CAFE
So Blue嘅 Cafe & Bar
組合Mirror嘅Lokman係呢間咖啡店其中一位合夥人｡由於現時與Levi’s 為合作夥伴嘅關係,店內擺設及環境勁有夏日feel｡藍色元素俾人一種好cool嘅感覺｡ 晚上呢度搖身一變成為酒吧,提供多款酒精飲品,營業時間去到凌晨2點呢! 📍 SOLEBREW 中環士丹頓街23號舖及地庫 #CAFE#UCreator#Coffeeoftheday#咖啡#相機食先#中環#cafehopping
閱讀更多
-
西式美食
中環酒吧懶人包🍷🍾
📍The green door (地址:G/F, 97 Wellington St, Central) 呢一間一定係被甜品耽誤嘅酒吧🤣必點係蘋果批,但其實佢嘅cocktails 都唔錯㗎~ 佢嘅門口都幾難搵,名副其實係一間speakeasy bar!😎 入到去就好似地下水庫嘅感覺,裝修簡約得來又有啲西式風情😗 佢嘅American Pie 好大份,但食得出蘋果好新鮮､仲要好爽口🫶🏻 其實都要等差唔多半個鐘先上到菜,一上菜嘅時候店員就會為你淋上焦糖醬 焦糖醬唔會話係好假嘅嗰個甜味,反而更加帶出蘋果批蘋果嘅鮮味🫡配埋上邊嘅雲呢拿雪糕,味道就更加多層次!🥰 佢嘅批邊偏硬身,但個人嚟講我就係鍾意呢啲🤣 有啲敗筆嘅,就係佢又唔熱又唔凍🤣如果可以再熱啲嘅話就好啲🫣 佢嘅送走小食係辣味嘅Popcorn,呢一盤嘢越食越起勁🤣🤣🤣好容易食到上癮辣辣地又甜甜地仲要勁香口,但Popcorn嚟講就唔一啲都唔脆,係冧身嘅🙈 呢一間間酒吧最值得讚賞嘅係酒嘅濃度都偏高😗,飲落去酒味同本身佢材料嘅味道都幾balance🫶🏻🫶🏻 三杯酒飲落去都好有驚喜,最特別係Elizabeth嗰杯飲到落底嘅時候真係好有Wasabi嘅味道🤣🤣 📍Quinary (地址:中環蘇豪荷李活道56-58號地舖) 呢一間係Asia best 50 bars嘅常客!之前都入過世界前50,果然品質有保證❗️ 入面嘅酒靚得嚟仲要酒味足,調酒有新意🫶🏻 今次叫咗杯Glass ,呢杯係gin base嘅cocktail,整體嘅酒精感都比較重㗎! 再加埋無花果campari同西柚,令杯酒更加fresh😗 上面係酒精做嘅啫喱!bartender就建議我哋一啖啫喱一啖酒咁,唔講笑,啲jelly嘅酒精濃度都幾高🤣🤣但甜甜地苦苦地咁,幾有新意🫡 📍The opposites(地址:LG/F, Hilltop Plaza, 49 Hollywood Rd, Central) 呢間係Quinary嘅姊妹店~上次其實都介紹過,今次試吓menu上面其他cocktails 先🤤 呢間玩創意調酒同傳統調酒做一個對比,bartender 話必點Soya Sour❗️啟發於香港經典甜品—腐竹糖水,將經典Pisco Sour進行創新改良~ 一飲落去真係好有腐竹糖水嘅感覺🤣酒感就唔係好重,但上面層soya foam好似食緊甜品緊😗尾尾帶有百香果嘅酸甜🤤🤤 而soya sour嘅twist就係Scoop Me Up,頂層會有煙燻泡泡!戳破後會散發白茶香氣🥹 打卡一流㗎!同時呢杯酒都好啱女仔飲㗎,係少女甜酒🫶🏻佢用粉紅番石榴pisco 同山茶花syrup ,都好refreshing 😝 想講呢度嘅Hot Wave” Fries 超出名!🫡happy hour時段會送一份細嘅,微辣香濃､酥脆剛好!好完美嘅佐酒小食🥺🥺令人想一食再食❗️ 📍COA (地址:Shop A, LG/F, 華善樓6-10 Shin Hing St, Central) COA曾經蟬聯三年Asia 50 Best Bars榜首,大名鼎鼎,主打墨西哥風情同亞洲元素融合😌 排隊就一定㗎啦,但拎完位之後可以周圍行吓,到有位就會wts返你😗 呢度嘅酒都偏清爽,酒感唔會好淡!超中意呢一種balance嘅感覺🙈 今次叫咗三杯! 1️⃣Bitter Melon Collins 呢一杯用龍舌蘭做base,加埋白苦瓜､椰子🥥 酸酸地,但好清新! 2️⃣Ancho Highball 最輕柔度數最低的一杯,超超超清爽,好重嘅青瓜味🤣🤣🤣如果好驚中伏嘅人,飲呢一杯就最保守啦😎 3️⃣Three Salt Matgarita 佢係柑橘調嘅威士忌做base,只有一點點橘子果肉的酸甜,一啲都唔刺鼻🥃 但佢杯邊嘅鹽圈係用咗三種唔同鹽,完全俾咸味搶左focus🤣🤣🤣 但因為係咁佢飲落去每一啖都唔同味道🫡 #蘋果批#調酒#香港酒吧#旅行美食#打卡美食#港島美食#假期推介#Foodie#中環美食#中環好去處#中環酒吧#中環食乜好
閱讀更多
-
西式美食
中環蘇豪新蒲點！懷舊風廣東Cocktail 🍸✨
📍 Kinsman (中環蘇豪卑利街65號地舖) 呢間位於中環鬧市中嘅酒吧,利用廣東百年烈酒融入創意調酒,定時就會換酒單~ 一入到去就好似去70､80年代嘅香港,店內裝潢充滿老上海灘嘅復古風情 今期嘅cocktail 係利用廣東風味酒加入酒單,創作出各地唐人街嘅華僑風味cocktails🙂↔️ 呢度嘅酒行創意風,唔會就有太多classic cocktails 同埋有奶蓋嘅酒偏多,中意少女啲嘅酒嘅人就啱啦😝 🍸奶蜜共嚐 Base就選用左香港最古老嘅酒廠自家釀製嘅｢冰玉燒｣ 我第一次飲呢一款酒,佢真係有冰糖味,好似糖冬瓜嘅感覺!酒body輕盈,入口順滑🥰🥰🥰 加埋蜜糖,成杯酒甜而不膩,酒感唔會話太重😌 仲加埋斑斕嘅香味,層次好多元化😭 仲要杯酒跟埋顆牛奶糖,俾大家清清口🤣🤣 🍸卓錦小姐 呢杯偏花香酒,都好清爽! 仲用咗NIP嘅Gin同桂花酒,順滑得嚟又易入口😛😛上面嘅foam一開始會以為好唔夾,點知飲落又幾match🙂↔️🙂↔️🙂↔️ #中環酒吧#創意調酒#廣東烈酒#香港美食#香港好去處#香港酒吧#建民號
閱讀更多
