沙田凱悅酒店推出自助餐半價優惠 最平$270起／長蟹腳／燒牛肉／烤羊架／刺身

A美食焚化爐

擦餐勁

任食兩款生蠔 X 即煮海鮮窩 X 醬燒鮑魚 X 和牛刺身 夠回本 @ Cafe 8 Degrees ( 土瓜灣8度海逸酒店 )

自從上次食過土瓜灣8度海逸自助餐後，覺得真係好啱自己食，心思思下不足一個月又去多次，意想不到已經又改動了食物陣容，比上次更吸引，講多無謂，一於同大家分享下。 生蠔 因為衛生與成本問題，香港好多自助餐已經無生蠔供應，除非收得好貴，又或者用平價蠔頂住，但意想不到，竟然有法國 Fine De Claire 以及美國 Taylor Pacific Rock兩款供應，實在有點令人喜出望外。 兩款蠔都係即開，而且食到離場都仲有，確實係一個回本位。 即煮海鮮 魚湯煮鮑魚、東風螺、鮮蝦、青口、鮮魷及沙白，夠晒鮮味。 值得一提係醬燒鮑魚，用上新鮮鮑魚即烤，塗上醬汁好香口，而且口感Q彈。 另外有上次食過既蒜蓉辣椒焗蠔及芝士焗蠔，兩款 refill 得都好快，個人就鍾意蒜蓉辣椒，因為辣辣地夠惹味。 海鮮 因為有即開生蠔，所以海鮮類只有長腳蟹爪、青口、翡翠螺及海蝦，但質素一點都不差，所以見好多人拎大盤蟹爪慢慢嘆。 刺身 係Buffet有和牛刺身真係好少見，尤其是放係刺身吧旁邊，知道既人不多，論油份又真的不多，反而帶肉香。 至於刺身有成五吋長赤蝦，仲有赤貝、魷魚、三文魚、吞拿魚、鯖魚、油甘魚、玉子及蟹柳，種類是出奇地多，而且質素不錯。 壽司 必食一定係燒炙牛肉卷，雖然並非即炙，但食落又有油香。 其他壽司仲有鮭魚壽司、燒炙鮭魚壽司、鮪魚蔥軍艦及加洲卷。 Carving Station 有燒肉眼及脆皮豬腩。 湯 西湯是南瓜忌廉湯，入口幾甜滑，而中湯就係蟲草花螺頭燉雞湯，好有家常湯的感覺。 熱葷 種類好多，同埋可能顧客都係家庭街坊客為主，所以菜色都偏向亞洲菜。 燒羊扒比較熟，但羊味輕，易於比客人接受。 泰式咖喱大頭蝦 食落幾惹味，個汁仲可以拌白飯。 川辣炒雞球 辣辣地又幾啱送飯。 其他有黑椒咸菜炒金錢肚、香烤泰式豬頸肉、泰式香茅燒春雞、韓式泡菜芝士煮藍青口、小籠包、日式牛腩配香辣海藻、紅酒燴牛尾、黑椒花蜜牛仔骨、XO醬時菜炒蝦球、南乳花生豬手、蔥花蟹籽三文魚炒飯、避風塘椒鹽荷蘭比目魚、雜菜關東煮、蒜蓉炒雜菜、椒鹽軟殼蟹同埋香煎海盲鰽配菠蘿沙沙。 雖然無咖喱專區，但都有咖喱雞、咖喱牛腩及雜菜。 回本位同大路菜色分享過，又到其他菜色。 前菜 想過下口癮，有韓式雜錦前菜、日式雜錦前菜、海蜇、特色醉雞翼及酸雜菜配燻蹄。 Cold Cut 及芝士 至於怕食得太多肉類，想來點輕食，當然有好選擇，不妨在雜錦芝士碟、凍肉盤、鮮蕃茄水牛芝士沙律配香草汁、煙三文魚、秋葵沙律、意大利雜菌沙律配扒南瓜、日式蟹籽沙律、風味海鮮沙律及DIY沙律之中，慢慢揀。 甜品 主打Movenpick雪糕，口味有瑞士朱古力、草莓、Espresso Croquant、雲呢拿及 Panna Cotta Raspberry，獨立細杯夠衛生，仲可以食多幾款。 特色甜品有即製榴槤班戟同格仔鬆餅配雪糕，但榴槤要趁熱食，會香好多。 上次沒遇上的芒果拿破崙，今次再度出現，當然成了受圍剿的對象，出得快，消失得亦快，芒果是預期中的香甜，夾層的酥脆口感，滋味無窮。 Tiramisu是原個上，不減個人對佢鍾愛，濕潤的口感，可可粉的甘甜，非常出色。 其他甜品仲有北海道3.6牛乳布甸、迷你雜錦法式蛋糕、日式芝士蛋糕、榴槤慕絲餅、雜果香檳Jelly、牛油麵包布甸配雲呢拿汁、奧利奧曲奇芝士餅、班蘭雪坊蛋糕、栗子忌廉蛋糕、紐約芝士蛋糕、法式焦糖燉蛋、果汁Jelly以及葡撻，其實水準好好，但好多都係原個上，經常給客人弄得一塌糊塗，影響了感觀，如果可以改成迷你版會好好多。 至於水果就有菠蘿、哈蜜瓜及西瓜，食得太飽都要幫助消化。 Facebook 酒店專頁 : Cafe 8 Degrees 餐廳專頁 : 8度餐廳 地址 : 土瓜灣九龍城道199號8度海逸酒店地下   電話 : 21261960   味道 : 4  環境 : 4  服務 : 4  衛生 : 4  抵食 : 4  位置 : 4   希望各位喜歡這篇文章的朋友，請在我的專頁上剔"LIKE"，當作小小的鼓勵吧!謝謝!   http://www.facebook.com/foodiephilip #酒店 #自助餐 #酒店餐廳 #土瓜灣 #8度餐廳 #美食焚化爐 #BUFFET (此文章由U Blog 同步發佈至社群)

為食羊

西式美食

萬麗咖啡室 (Cafe Renaissance)

萬麗海景酒店萬麗咖啡室-西班牙自助盛宴

西班牙嘅美食令人相當懷念 總係有舖癮咁! 最近萬麗海景酒店萬麗咖啡室推出咗全新主題buffet- 西班牙漫味「豐」情自助餐盛會 一次過可以嘆盡十幾款西班牙美食 見咁抵食 咁點都要試下啦🙌🏻 ***************************** 嚟得呢度 西班牙美食自然係主角❣️ 🐖原隻西班牙烤乳豬 由專人即點即切 外皮烤得香脆 乳豬肉質嫩滑 充滿油脂香味😋 🥘經典嘅西班牙海鮮燉飯 亦不容錯過 海鮮份量非常多 面上嘅青口同魷魚堆砌得好靚😍 西班牙米飯粒索滿醬汁 充分吸收海鮮嘅精華 咁啱係星期五、六晚 可以試埋Joselito原隻西班牙火腿❣️ 由侍肉師即場切出 片片都切得均勻 工整地排喺碟上 真係少啲功夫都唔得 同場仲有提供好多款精選西班牙醃肉及芝士 鐘意食肉肉嘅朋友仔一定會好滿足 叫得西班牙主題當然唔少得西班牙Tapas❣️ 呢度有好多款 完全滿足晒為食嘅我哋 最先食嘅係我最愛嘅西班牙番茄麵包🍅 面包上舖滿蕃茄 大滿足呀😝 馬鈴薯蛋餅亦係我嘅心頭好 香口又美味😋 另外仲有特色嘅西班牙凍盤醋漬鯷魚、西班牙沙甸魚、醃製鮭魚、Fish Carving 等 仲有平時較少見到嘅西班牙番茄凍湯、西班牙香菇炸丸子、西班牙欖油蒜香蝦等 除咗西班牙特食美食外 回本區當然首選靚海鮮😍 有凍蟹腳、麵包蟹等各款時令冰鎮海鮮🦀 全部大大隻 整齊咁排列好 新鮮美味 而想熱食嘅亦有香口嘅炒蜆肉等 龍蝦喇沙亦值得一試🦞 湯底充滿海鮮嘅鮮甜味 另外仲有多款日式刺身、壽司、雜錦魚生丼🍣 有少見嘅和牛壽司 一定要試下呀😋 最後當然唔少得要食埋甜品 餵埋第二個胃嘛~ 有西班牙炸油條🥨、巴斯克焦香芝士蛋糕、聖地牙哥杏仁蛋糕、香橙米布甸🍮同Tiramisu等 仲有Galato雪糕呀🍨 ***************************** 見到咁多美食 每一款都好想試少少 結果我哋都食到爆晒肚先走🤣 同行朋友都大讚好高質 又唔洗就住食🙌🏻 我哋係喺萬麗網上商店預訂架 會有7️⃣5️⃣折 超抵玩呢❣️ 🔗萬麗網上商店: https://bit.ly/3UUGeZW 💃西班牙漫味「豐」情自助餐盛會 📍 萬麗咖啡室 🗓️ 即日起至2024年4月30日，12 p.m. – 2:30 p.m. 及 6:30 p.m. – 9:30 p.m. 🛒 自助午餐：成人港幣$ 536.8 （優惠價港幣$ 414.5）； 🛒 自助晚餐：成人港幣$ 888.8 （優惠價港幣$ 686.8） *已包括加一服務費 #西餐廳 #UCreator #港島美食 #打卡美食 #Foodie #假期推介 #自助餐優惠 #hkfoodie #西班牙菜

Jannis

擦餐勁

香港尖沙咀凱悅酒店

海鮮自助餐。凱悅酒店咖啡廳

Happy Friday 與好友相約到尖沙咀凱悅酒店的咖啡廳吃自助晚餐, 因為大家都掛住即烚波士頓龍蝦, 再有分享了我成都之行的點滴, 一個豐富的晚上.  星期五、六日的菜式相對較平日多, 一分錢一分貨嘛~ 星期五晚的蟹菜式, 有即點即製的燒皇帝蟹腳, 好大隻厚肉兼鮮甜. 也有軟殼蟹天婦羅、炸蟹餅、黑胡椒炒蟹、印度咖喱蟹肉餃子、香辣蟹肉湯、蟹肉蘆筍烤薄餅、軟殼蟹壽司及蟹肉沙律等.  冰鎮海鮮有越南海蝦、加拿大海螺、新西蘭青口、鮮甜冰鎮皇帝蟹腳等.  要食即烚可持續發展波士頓龍蝦就要耐心等待, 因為烚需要時間, 大概15分鐘一輪, 即烚是認真的鮮甜, 肉質彈牙而且多膏, 最回本的必定是這項!  當晚中湯及西湯都很好, 例如番茄湯, 熱熱的一碗很香濃, 而中湯是花膠日月魚燉雞, 湯頭清澈而清甜. 刺身有黃鰭吞拿魚, 一出即時排長龍, 喜歡吃魚的話, 這刺身就必吃啦.  加拿大帶子刺身極厚身、蝦刺身夠甜, 我都很喜歡, 另外亦有八爪魚、三文魚、象拔蚌等.  即炸天婦羅有軟殼蟹, 漿夠薄, 不夠油膩, 也有紫薯、南瓜、蝦; 而在旁的火焰大蝦配牛油柚子豉油汁則十分惹味.   中式熱葷有薑醋, 豬腳軟稔入味、大大隻的豉椒青口、很搶手的蒸龍躉、上湯龍蝦鉗、辣酒煮海鮮及豉油皇大蝦.  麵區就在燉湯旁, 湯麵選擇種類適中.  西式方面, 羊架、燒有骨肉眼、即煮芝士蟹肉意大利飯、燒茄子、香煎龍脷柳、汁煮海鮮等.  喜歡吃印度咖喱的話, 這裏有一區專營的, 一定能滿足你.  一系列自選沙律、雜錦冷盤及芝士. 甜品也吸引, 最愛伯爵茶戚風蛋糕, 夠茶味兼蛋糕軟熟. 黑森林蛋糕、招牌千層酥、紐約芝士蛋糕、芒果糯米飯, 全部都吸引.  豆腐花、六款口味雪糕、窩夫、伯爵茶曲奇、蝴蝶酥, 總會找到喜歡的.  聽說咖啡廳於星期六至日晚上呈獻海鮮盛宴，重點推介有可持續發展威靈頓三文魚、焗蒜蓉牛油生蠔、香烤蝦串、龍蝦濃湯、黑胡椒蒸蜆、大蝦凱撒沙律等，而即製美食有新鮮彈牙的火焰虎蝦和即炸大蝦天婦羅。 滋味蟹饌自助晚餐原價每位HK$978.8, 只有訂座及加入凱悅天地會員便可享高達65折優惠: https://bit.ly/48ALrth  香港尖沙咀凱悅酒店咖啡廳 地址: 尖沙咀河內道18號尖沙咀凱悅酒店大堂層 #龍蝦 #dinner buffet #tsim sha tsui buffet #hyatt tst #lobster buffet (此文章由U Blog 同步發佈至社群)