開業不到半年的荃灣湘菜館「辣湘湘」晚晚見人龍，據悉其為辣媽集團副線餐廳，主打湖南湘菜，必食推介有剁椒魚頭、酸辣雞雜、爆炒雪花牛肉、辣椒炒肉、蒜香花甲、湖南臭豆腐等，皆惹味正宗、送飯一流，辣王辣妹不妨一試呀～
<<按細圖查看辣湘湘Menu>>
同場加映：【識食攻略】最新影片
位於荃灣的「辣湘湘」是辣媽集團旗下副線餐廳，主打正宗湖南湘菜，開業不到半年幾乎晚晚見排隊人龍，可謂人氣十足！餐廳光線充足、座位闊落舒適，離遠已經看見一個個醒目綠色辣椒裝飾。
湖南剁椒魚頭（$89）是餐廳的招牌菜式，魚肉肉質細嫩，肥而不膩，味道香辣而不嗆喉，附帶的麵條的吸汁能力也不錯～小編就推薦酸辣雞雜（$79），內有雞腎、雞腸、雞肝及酸蘿蔔，口感爽脆，辛香惹味，送飯一流！
無肉不歡的朋友可以試試8秒爆炒牛肉（$139），以牛頭火爐奉上，賣相打卡之餘也令牛肉保持溫熱狀態，配菜竹筍亦豐牛油香。還有辣椒炒肉（$99），採用辣度溫和的辣椒，所以能拌着豬肉片享用，附帶的白木耳亦令口感層次更豐富。
餐廳還供應多款特色小食，例如湖南臭豆腐（$49）和白糖桂花糕（$49），臭豆腐外脆內嫩，建議咬開一小口再沾醬，會更「索汁」；白糖糕則口感軟糯，散發淡淡桂花清香。
解辣之選有山楂楊梅汁特飲（$39），味道酸甜清爽，面頭的立體熊仔冰幾得意～另有牛油果甘露（$39），牛油果蓉為楊枝甘露帶來綿密醇厚的感覺，想喝熱飲也有暖胃的蓮藕龍骨湯（$89）。
惹味小炒當然要配飯，餐廳的白飯原煲上，霸氣之餘價錢實惠，只需$30就夠4人享用，喜歡這款東北五常大米更可以直接購買1公升米（$29）。
<<按細圖查看辣湘湘其他菜式>>
辣湘湘
地址：荃灣大河道99號99廣場地下1A-1E號舖
營業時間：每日上午11時至下午11時（晚上10時截單）
電話：2838 8832
人氣餐廳排名
【夏日芝味】U Community 社群 請您食 LUNA Cafe 雙層芝士蛋糕！
↓ 立即留言／填表登記！免費歎蛋糕 ↓
Buffet 導「嚐」員招募計畫 🍴✨
↓ 召集Foodies！Buffet 導「嚐」員招募計畫🍴正式開始啦！↓
-
香港攻略
農耕記 湖南土菜 (AIRSIDE)
啟德分店的農耕記
之前已經喺香港其他分店食過幾次農耕記, 覺得幾正幾鍾意｡今次去埋佢哋啟 德分店,環境真係唔錯,乾淨企理又好坐! 部分食材還是精選湖南當季食材 直運香港-佢哋最近出咗夏季新菜式,夏天食好清爽開胃,完全打破刻板印象! ,今次試咗呢幾樣: 樟樹港辣椒炒肉 🌶️ 一年一季限時上新!喺香港好少見,大火快炒好夠鑊氣｡ 花菇燒豬手 🐷 【強烈推薦!】燜到超入味､口感Q彈,滿滿膠原蛋白｡重點係連我未來老爺奶奶食完都大讚,長輩完全被征服! 五穀雜糧 + 家常炒絲瓜 🌽 好清甜､超解辣,怕辣又愛食湘菜嘅朋友同全家老少都啱食 青椒炒苦瓜 🥒 入口回甘,夏天食好消暑 仲有經典嘅鮮炒黃牛肉 同埋 擂辣椒皮蛋 每道菜都好惹味🥳 喺香港食到咁正宗嘅時令湖南菜,埋單真係幾抵食, 性價比好高｡真正做到『一口湖南當季鮮,滿鑊煙火過夏天』! 快啲約埋屋企人同朋友去啟德店試吓啦💕 📍農耕記:湖南土菜 (啓德AIRSIDE店) 地址:香港特別行政區九龍城區啓德協調道2號AIRSIDE 7樓L702號鋪“ #農耕記夏季好食節#農耕記香港#不油腻湘菜#時令鮮蔬#農耕記夏季菜單
閱讀更多
-
香港攻略
湘上湘
🐟 米芝蓮認證高級湘菜 五種辣椒剁椒魚頭 🌶️
2025年底,內地人氣高級湘菜品牌湘上湘終於衝出内地 🇨🇳,首間香港分店登陸尖沙咀海港城!品牌2021年創立,北京同成都分店都獲得米芝蓮指南認可 🌟,實力有保證｡湘上湘以湘味24椒為概念 🫑,精選湖南24種辣椒,配合四季發酵工藝,再用蒸､炒､熏､煮四大傳統技法,做出五重層次｡ 🍅 啫喱荔枝小番茄 清新開胃前菜,小番茄去皮後浸入荔枝啫喱,酸甜清爽,仲帶淡淡荔枝香氣 🤤｡ 🐟 湘上湘鴻運當頭 選用洞庭鐵山水庫大魚頭 🐟,鋪滿五種湖南辣椒:牛角紅辣椒將､一年老壇剁椒 🌶️､三年老壇剁椒 🫑､三樟黃貢椒 💛､野山椒 🌿｡師傅根據季節同辣度喜好調整比例,辣味層層遞進,將魚肉鮮味完全帶出! 🦆 北京宴酥皮烤鴨 🥢 鴨皮酥薄脆口,咬落有油脂香,配青瓜､京蔥､甜麵醬､蒜蓉醬,非常唔錯 👍｡ 🥬 經典桃江萵筍絲 湖南地道家常菜,萵筍絲切得幼細,清炒後保留爽脆口感 🥗｡簡單以蒜蓉同辣椒調味,清爽解膩｡ 🥣 鮮土豬排燉洞庭湖藕湯 一人一盅嘅滋補湯品 🫖,用鮮土豬排同洞庭湖蓮藕慢火燉煮,湯色清澈,味道清甜醇厚 😋｡蓮藕粉糯,豬排軟腍｡ 🍵 湖南安化天尖黑茶 茶色橙黃明亮,入口醇厚順滑,帶淡淡陳香,消滯解膩 🌿｡
閱讀更多
-
打卡熱點
長沙
長沙必試｜地道湖南菜圍湘記砂鍋湘菜
去咗食地道嘅湖南菜啦,怕人多我就無係五一廣場果邊食,搵呢間都算近酒店,由我哋酒店行去大約15分鐘嘅｢圍湘記砂鍋湘菜｣,去到先知原來係美團嘅上榜餐廳,果刻好驚食飯時間樓上要排隊等位,好彩無咩人姐,無咩人又驚好唔好食😅(咩都要驚一餐) 一坐低服務員就送上西瓜~餐前食生果🤔係長沙係咁樣定係佢呢間係咁呢🤷🏻♀️兩個人Order咗3個餸,都幾大份,應該都食唔哂｡ 蒜香生燜蝦 Order呢個係因為晏晝食咗個粉絲蝦滑好好味,一見到咁似就立即點!似蒜蓉開邊蝦但係又唔駛自己拆殼,蝦夠新鮮,爽口又彈牙,啲粉絲嗦哂啲汁,但又唔會太淋,加埋佢係辣辣地,好惹味,真心好味｡ 小炒黃牛肉 雖然我無食過費大廚,我和陳生都覺得呢個小炒黃牛肉好好食,不過陳生覺得有啲辣,但我就覺得剛剛好,餸飯食一流｡ 清炒油麥菜 食完兩個濃味餸,點都要叫返個菜,所以清清地炒個油麥菜｡不過我略嫌多油咗少少,又有可能我哋已經飽飽哋啦｡ 如果平時食得比較清啖嘅人,會覺得味道好重,又多油｡但本身湘菜辣味就比較豐富,所以好味道都係因人而異｡ #長沙#長沙美食#自由行#湖南菜#湘菜#chill賞遊世界#chill歎旅遊#相機食先 地址:湖南省長沙市開福區蔡鍔北路154號中醫附二對面(原江南公社) 培元橋站4號出口
閱讀更多
