記者發現旺角有間新開張主打海鮮自助任食火鍋店，100 分鐘午市火鍋餐每位 $168 起，120 分鐘的晚市火鍋餐每位 $268 起，開張期間 7:30pm 前及 8:30pm 後入座及結帳還有 82 折優惠，其他時段有 88 折，勁抵食。
text│kathryn photo│kei
晚市套餐都幾豐富，可選美國肥牛、安格斯牛板腱或 SRF 黑和牛肩胛套餐，牛肉都是無限追加。套餐仲包埋每人一隻蠔皇鮑魚扣百花菇以及波士頓龍蝦海鮮盤一份，套餐有新鮮波士頓龍蝦、鮑魚及生蠔等，真的抵食。鍾意食海鮮的話，介紹大家食 $388 一位的長腳蟹火鍋放題，客人可自選足 2 斤阿拉斯加長腳蟹，蟹隻多肉鮮美。
任食火鍋供應 40 款自助食材，海鮮超過 20 款，包括新鮮帶子、韓國生蠔、鯪魚滑以及手打墨魚滑等。包埋飲品、丸類、蔬菜、前菜小食以及甜品烚下海鮮加牛肉，大滿足！
100 分鐘午市海鮮自助火鍋餐 $168 - $228 位、120 分鐘晚市海鮮自助火鍋餐 $268 - $328 位
任食套餐價錢相當抵食，食材選擇多又新鮮，加上位處旺角區相當方便，適合一大班人聚會。
波士頓龍蝦海鮮盤
晚市火鍋餐包括豐富的海鮮盤一份，海鮮按人頭上，每人有半隻波士頓龍蝦、1 隻鮮鮑魚、2 隻海蝦、2 件海斑片、2 隻小紅魷、1 隻生蠔、1 隻蝦丸及墨丸。
波士頓龍
蝦口感彈牙軟嫩，鮮味十足，以任食打火鍋來講真係超高質。
蠔皇鮑魚扣百花菇
晚市火鍋餐送一份，鮑魚燜得入味，口感彈滑。
特級肩胛肉眼
晚市所有套餐都可無限追加，肉味香濃，打邊爐一流。
任食火鍋材料
超過 20 款，包括新鮮帶子、韓國生蠔、鯪魚滑以及手打墨魚滑等。
自助食材
超過 40 款，包埋飲品、丸類、蔬菜、前菜小食以及甜品。
長腳蟹火鍋放題 $388 位
這款最是華麗，客人自選足 ２ 斤的阿拉斯加長腳蟹，由師傅處理後用原隻打邊爐，肉質鮮嫩彈牙，這個價位認直超值。
SRF 黑和牛肩胛、安格斯牛小排晚市套餐 $328 位
黑和牛肩胛來自美國，口感軟嫩；安格斯牛小排肉質鮮美滑嫩。
SRF 黑和牛肩胛
油花細緻豐富，肉味香濃。
火鍋店環境闊落，同層另一邊還有點心店，夜市供應小炒。
【info】
壹號漁船
地址：旺角彌敦道 610 號荷李活商業中心 2 樓 A 及 B 號舖
電話：8300 8142
營業時間：11am-4pm、5pm-12mn（自助火鍋區 11am - 12mn，點心小菜區 7am - 10pm）
