殺入「叱咤樂壇我最喜愛男歌手」最後五強的張敬軒，近日除了積極落區派傳單、寫揮春拉票，更殺入廚房玩煮飯仔！張敬軒主理的綜藝節目《軒公敲碗》最新一集邀請MC張天賦擔任嘉賓，分2個回合對決廚藝。節目更請來識飲識食識煮的李司棋擔任評判，品評兩位的廚藝，內容精彩爆笑。
- ▶立即下載U Lifestyle App： https://onelink.to/ulapp2
同場加映：U Food【開箱速遞】最新影片！
張敬軒主理的綜藝節目《軒公敲碗》最新一集邀請MC張天賦擔任嘉賓進行地獄廚藝大對決，比賽分為兩個回合，第一回合熱身賽指定菜式是酸菜魚，二人在過程中不得查看食譜，最後成品要交給司棋姐盲測試味，勝出者可優先揀選下一回合食材及烹調方法。
第一回合熱身賽期間兩人已經烏龍百出，軒仔將魚處理好後，想將砧板上的垃圾掉進垃圾桶時，竟然順手將砧板一同掉進垃圾桶內，嚇到他立即大叫；而MC在處理魚時表示「好好呀，佢哋事先幫我哋刮咗啲鱗。」但軒仔之後就發現根本未刮魚鱗，十分搞笑。司棋姐見到手忙腳亂的MC後發出會心微笑，「原來睇小朋友唔識煮飯係好好笑。」
六十分鐘後，二人將煮好的酸菜魚給司棋姐盲試，司棋姐表示第一碗適合香港人口味，「因為唔係好酸好鹹或者好辣，其實真係唔差，就算冇飯都好好食喎。」而第二碗則哽少少，然後便問MC：「你係唔係……」軒仔立即突破盲腸，「一食就知係佢啦係嘛？都無謂再演落去啦我覺得。」眾人立即大笑，最後司棋姐給出評語：「喺溫柔方面，呢個（MC）一百分，喺合味道方面，呢個（軒仔）有一百分。」二人都順利過關。
第二個回合是創意料理，限時九十分鐘。司棋姐為軒仔選的食材是雞、MC則是象拔蚌；而烹調方法，軒仔抽到中式、MC抽到法式，全場都為MC抽到法式煮法而爆笑，這時軒仔邊笑邊向司棋姐請教，「司棋姐，法式象拔蚌想到用乜嘢方法烹調呢？」司棋姐「語重深長」地望着MC說：「法唔法式唔駛理佢啦，總之你求其煮熟咗食得就得啦。」至於軒仔中式的烹調方法，司棋姐則建議煮豉油雞。
MC表示想給象拔蚌起一個名字，「不如叫佢『軒仔』啦，好唔好呀？因為『軒仔』呢個名好親切。」司棋姐聽到後立即失笑。之後MC又覺得軒仔的豉油雞都應該要有名字，難得MC自投羅網，軒仔立即腦筋急轉彎，「『天賦』啦就叫，好唔好呀？」他又反建議MC，「你可以幫佢（象拔蚌）改過第二個名，其實可以叫『嘉豪』。」MC立即叫好！
九十分鐘過去，試食時間除了司棋姐，軒仔又建議「冤枉娛樂」主理人枉阿姐及「華納高層」一同試食，二人先食「嘉豪」再食「天賦」。經過兩輪對決，輸家的懲罰是要清洗現場所有碗碟，司棋姐認為兩味菜都煮得出色，但要她決定誰勝誰負非常殘忍，所以便着二人猜包剪揼一決勝負，最後由MC勝出，軒仔只好願賭服輸立即洗碗。
