辣王辣妹聽住！尖沙咀新開川婆婆姊妹烤魚店—烤魚叔叔，供應四款口味烤魚，例如鮮青椒爽麻味烤魚、毛血旺烤魚、蒜香酸菜金湯味烤魚等。即日起更設120分鐘放題，$288任飲任食烤魚／雞煲、串燒、串串火鍋、燒肉，每枱更送海鮮拼盤，各位大胃王一於去勁食一波～
同場加映：U Food【開箱速遞】最新影片！
川婆婆姊妹店「烤魚叔叔」今年9月進駐尖沙咀，開業不久就坐無虛席。餐廳主打四款口味烤魚，包括鮮青椒爽麻味、蒜香酸菜金湯味、毛血旺味和香辣口味，近日更由單點轉型為火鍋放題。
120分鐘放題可以選擇烤魚或者雞煲，想同時食烤魚和雞煲就要4人同行。烤魚以江團魚入饌，大條厚肉少骨，肉質紮實而不失嫩滑，魚事先煎過所以更好地鎖住湯汁，雞煲則份量澎湃而且入味。另外每枱會送海鮮拼盤，送完即止。
食完烤魚和雞煲後，店員會換上鴛鴦火鍋湯底（麻辣鍋＆菌皇雞鍋），大家可以到凍櫃拿火鍋配料和串串「打邊爐」，牛肉、羊肉、長豆卜、響鈴、鵝腸、魷魚、肥腸等應有盡有～
放題還包括串燒和燒烤，一開始會有燒好的串燒拼盤，分別為燒牛肉、羊肉、厚切牛舌、翠玉瓜和冬菇，惹味又邪惡～之後再加點就要自己動手燒，想濃味些可以加桌上就有的孜然粉，生蠔、元貝、蜆和蝦等海鮮都有得燒！
雪櫃內的飲品也任飲，相信各位大胃王都能「飲飽食醉」～
烤魚叔叔120分鐘放題
價錢：$288／人（星期五六日、公眾假期及假期前夕每位＋$20）
地址：尖沙咀寶勒巷26-36號華寶大廈5.7及8號舖
營業時間：中午1時至下午4時│下午5時至晚上10時
訂座電話：2369 8616
*授權轉載：IG @poorjjfoodie @foodie.sharkkkkk
人氣餐廳排名
-
擦餐勁
麻甩爐海鮮雞煲私房菜
🇭🇰【油麻地麻甩酒鬼打邊爐專區】
📅2025-03-20 🥢麻甩爐海鮮雞煲私房菜 📍香港旺角彌敦道565-567號銀座廣場LG樓 - 🤤味道評分:8/10 📷賣相評分:8.5/10 🏞環境評分:7.5/10 🤵🏻服務評分:8/10 😍回頭指數:8/10 💰人均價錢:$376 - 🌖四川麻辣烤魚 $248/位 烤魚上枱時煙霧彌漫,煮滾時大量氣泡湧現,氣勢磅礡,視覺效果滿分｡烤魚外皮煎香,放入四川麻辣湯底吸滿麻辣香氣,肉質嫩滑,就算煮耐左都唔會好鞋｡ 烤魚餐附送刺身拼盤,拼盤包括蝦､八爪魚､北寄貝､油甘魚及三文魚,當中三文魚仲可以無限refill!刺身整體質素唔錯,北寄貝非常鮮甜｡ 食完刺身同烤魚仲可以變身火鍋放題,各款餃類丸類可以自助提取,蔬菜嘅選擇都唔少,西洋菜娃娃菜皇帝菜西洋菜豆苗任君挑選｡ 飲品方面真係超誇張,絕對要推介俾酒鬼!啤酒任飲之餘仲要清酒白酒都係任飲😮,啤酒就有得揀青島金裝､生力､Budweiser､Hoegaarden rosée,任飲黎講真係算有盛意!至於非酒精類飲品,都係例牌汽水､檸檬茶､中式茶果啲啦,無謂嘥口水｡ 最後梗係唔少得甜品啦!兩大櫃雪條隨便任食,味道大概有六款,我就一定係食榴槤雪糕☺️｡ 🌖牛肉盛宴圈 加購價$188 呢個圈圈真係超啱打卡,成張相勁colorful!拼盤共有六個部位,分別係牛頸脊､封門柳､牛小排､薄切牛舌､牛肉粒､金錢𨫀,個人最喜愛牛小排,貪佢夠嫩滑柔軟｡份量都確實唔少,兩個人食有點over,建議四個人share 會比較好｡ - #soso_foodie2025 #soso_hk2025 #soso_200至400元 #打邊爐#烤魚#酒精放題 想睇同區食店介紹?可以參考👇🏻👇🏻 #soso_九龍 #soso_旺角 #soso_油麻地 想睇同類食物介紹?可以參考👇🏻👇🏻 #soso_港式 #soso_中式 #soso_火鍋 #soso_海鮮
閱讀更多
-
香港攻略
上海新大眾大閘蟹專門店
$98任食雞煲、烤魚、羊腩煲、串燒
最近發現黃大仙有間寶藏餐廳,真係抵到要尖叫😱!$98就食到放題,仲要係雞煲､烤魚､羊腩煲､串燒一次過滿足晒,仲要連汽水啤酒都任飲🥤🍻,呢個價錢係咪癲先?! 今次我哋直接揀咗 C餐 $168/位,兩個鐘頭瘋狂喪食,真心飽到上心口🥹 🧀 熔岩芝士雞煲——邪惡到唔敢望 一上枱已經 overwhelming!滿滿嘅芝士鋪滿雞件,熱辣辣仲係半溶狀態,夾起仲會拉絲🧀🔥 雞肉嫩滑入晒芝士香,濃郁到每一啖都覺得自己好放肆,但真係忍唔住一舊接一舊,芝士控必試! 🐟 烤魚､雞煲､羊腩煲一次過食晒 烤魚我哋揀咗蕃茄味,魚肉好新鮮,吸晒湯汁精華,每一啖都入味,食到停唔到口 雞煲揀咗小辣,啖啖肉量多又嫩,香辣惹味; 羊腩煲仲可以無限追加,炆得軟腍入味 🦀 蟹粉系列真係不得了 瀑布蟹粉黃金撈麵一上枱已經流晒口水,蟹黃香氣撲鼻,撈勻每一條麵都掛滿濃濃蟹粉,超邪惡! 爆汁蟹粉小籠包皮薄餡多,一咬開真係會爆汁,湯汁鮮甜到唔捨得吞💦 仲有蟹粉墨魚餅､蟹粉扒時蔬,全部蟹味超濃,完全唔馬虎! 🍢 串燒任食配啤酒真係爽 牛肉串､羊肉串､五花腩､雞腎､雞皮……燒得香口又唔乾,邊食邊飲啤酒,氣氛即時升級🍻 🥩 火鍋肉類質素都唔錯 有安格斯牛板腱､澳洲和牛牛胸爽､美國特級肥牛､西班牙黑豚腩片､紐西蘭羊肉卷都幾有質素 最驚喜係店員會俾多個新清湯底你打邊爐,入面仲有菜､菇､粟米,好足料!你可以照用雞煲個底打,又或者轉清湯,兩種玩法自己揀,幾爽~ 🍟 炸物小食都幾有誠意 炸饅頭配煉奶､黑松露薯條､香芋地瓜丸,全部即炸香脆唔油膩,啱晒邊傾邊食 🦞 4人同行仲送海鮮拼盤 我哋今次4個人嚟食C餐,仲送咗個超豪華海鮮拼盤,有龍蝦､鮑魚､帶子､蜆,真心勁有誠意,打卡都贏晒📸 店內裝潢係地道大眾食堂風格,光猛企理,平日夜晚9點幾仲爆晒場,唔講仲以為去咗旺角咁熱鬧🔥 原來呢間係 上海新大眾大閘蟹專門店,主打大閘蟹同蟹粉菜式,難怪蟹粉系列咁出色! ❤ 喜歡的話 記得Share ❤ ❤ 記得Like & Follow 我IG: 🌟@foodie.sindy 🌟 ❤ ❤ 齊齊去搵食😎 ❤ ◦ ---------------------------------- ◦ 🍽餐廳:上海新大眾大閘蟹專門店 📍 黃大仙鳳德道13號地舖 📍 黃大仙飛鳳街46號地舖(總店) 📞 訂座熱線:24191208 💬 WhatsApp:95673964 ◦ ---------------------------------- ◦ #黃大仙美食#香港放題#雞煲烤魚串燒放題#蟹粉撈麵#任食放題
閱讀更多
-
港式美食
上海新大眾大閘蟹專門店
黃大仙$98起任飲任食放題 蟹粉鵝肝菜/送海鮮拼盤
係黃大仙竟然有間大閘蟹專門店推出$98起任飲任食放題，烤魚、雞煲、串燒、羊腩煲同汽水啤酒等無限追加，最低$98起就可以食到近百款美食同飲品 七款煲類包括麻辣烤魚、老壇酸菜烤魚、香濃番茄烤魚、四川麻辣雞煲、奇味雞煲、熔岩芝士雞煲 (每位+$18）同雙冬羊腩煲🐏 食完就可以打邊爐，自助區有火鍋配料同肉類選擇，配埋多款炸物、熟食同勁回本蟹粉同鵝肝菜式，抵食。想食埋超豪華の龍蝦鮑魚海鮮拼盤，只須四位或以上 提前至少一天WhatsApp訂座C餐就可以享用到 上海新大眾大閘蟹專門店 總店📍黃大仙飛鳳街46號地舖（近鳳凰新村） 分店📍黃大仙鳳德道13號地舖 營業時間:中午12時正-凌晨2時正 電話訂座：2419 1208 圖片來源：IG@上海新大眾大閘蟹專門店 #美食 #美食推介 #放題推介 #大閘蟹推介 #任食放題
閱讀更多
