銅鑼灣新開高級粵菜食府「棽粵」，佔地12,000呎，設有高空巨型露台茶座，可以環顧維港海景，不論是睇日落、夜景以及煙花也是絕佳位置。棽粵由米芝蓮星級廚師主理，主打精緻點心及菜式，招牌有蜜汁叉燒、燈影煎堆等等。飲品方面，亦有無酒精特飲，以同冷泡中國茶做茶底，造型打卡。
「棽粵」位於銅鑼灣謝斐道535號25樓，設高空巨型露台茶座，可以全視線觀看維港美景。
↓點擊圖片放大↓
「棽粵」室內裝潢甚有氣派，設多間獨立包廂，獨立包廂的落地玻璃可以飽覽熱鬧市區景色以及維港風景，更有獨立洗手間，不論是朋友或商務聚會也十分適合。
「蜜汁叉燒」經師傅長時間醃製調味後，在爐火中燒製出口感鬆軟的蜜汁叉燒，食落肉質軟腍。
「燈影煎堆」以燈照射煎堆，賣相吸引。
其他點心菜式包括荀尖鮮蝦餃、蟹皇蒸燒賣、鮮帶子芋角、蜜汁燒鱔、花膠燴雞絲羮、金華玉樹雞、炆牛肋腩煲、竹笙菜苗卷、瑤柱荷葉飯、冷涮和牛卷等。
甜品必試「冷涮和牛卷」，以打邊爐的和牛為造型，食落卻是士多啤梨蓉混合麻糬，口感煙韌。
「棽粵」酒吧團隊亦創作了五款無酒精特飲，均以水果配合不同冷泡中國茶而成，當中包括了普洱、烏龍、香片、鐵觀音及雛菊，既傳統亦創新。
「棽粵」(The Summit)
地點：香港銅鑼灣謝斐道 535 號 25 樓
營業時間： 11:30 – 22:00
查詢電話： +852 2832 9293
