同家人朋友慶生、搞party嘅時候，揀蛋糕真係一個世紀難題！想要買到好睇又好味嘅靚靚打卡蛋糕並唔係一件容易嘅事～《社群》「香港人氣打卡蛋糕地圖」強勢登場，為您親身實測全港50間不同類型嘅蛋糕店，立即率先睇10間值得一試嘅打卡蛋糕！
「Asok Thai Cake - 超像真泰式食品造型蛋糕！」
熱愛泰國風情嘅人必試！蛋糕高度還原各款泰式食品，外型精緻可愛之餘，味道同樣唔輸蝕～「芒果糯米飯」內含芒果肉、慕絲及煙韌麻糬，椰香滿溢；「冬蔭功」蛋糕竟然真係有冬蔭功辣味，超級過癮！「泰式奶茶」味道濃郁，最估唔到係連個「杯」都可以食用，落足心思！
「Lanala - 減肥健怡人士之選！」
減肥過程不易，有時候都需要獎勵自己！SuperFood系列「超級雜莓希臘乳酪芝士蛋糕」含天然水果粉及高維生素C雜莓，夠曬健康零負擔！仲可以試埋皇牌口味「日本蜜瓜希臘乳酪芝士蛋糕」，香甜蜜瓜配上軟滑希臘乳酪芝士，味道清新不膩～品牌最近於尖沙咀 The One 開設新分店，有興趣嘅話記得去睇睇喇！
「Twinkle Baker Décor - 創意玩味造型蛋糕！」
創意玩味蛋糕，好玩好睇又好食！「富士山下」及「櫻花樹下」分別還原日本富士山及櫻花美景，並以草莓及白桃做主角，酸甜味道令人胃口大開！「奶茶紅豆菠蘿包」模仿港式茶餐廳菠蘿包，金黃色菠蘿包脆皮以奶茶慕絲製成，奶茶迷一定會大愛！
「瑪莉工房 - Tiramisu x 巴斯克蛋糕！」
一個蛋糕就滿足到兩個願望，同時試到兩款經典蛋糕～「提拉米蘇原味巴斯克芝士蛋糕」夾層放入已浸泡特調咖啡酒嘅手指餅，頂層再灑滿可可粉，多種口感超滋味！「多肉植物全慕絲盆栽蛋糕」別緻可愛，少女心滿滿；「盒子蛋糕」則採用低糖配方，食多幾盒都唔怕肥～
「Twelve Cupcakes - 每日新鮮製作杯子蛋糕！」
杯子蛋糕體積小巧，而且獨立包裝，適合於多人聚會場合分享！杯子蛋糕味道多元化，十分適合熱愛新鮮感嘅甜品控～「餅乾奶油」於朱古力蛋糕基底擠上oreo奶油；「咸焦糖」香草奶油配上鹹味焦糖醬，鹹甜組合超過癮！除咗杯子蛋糕外，原個蛋糕同樣值得一試！
「Soulgood Bakery - 粉色復古風巴斯克蛋糕店！」
品牌由網店起步，最近更終於開設門市～品牌從包裝到門店裝修都採用粉色復古風格，打卡一流！主打「雜莓巴斯克芝士蛋糕」芝士軟心配上酸甜雜莓，相輔相成，配搭完美；生酮飲食人士可以選擇「鐵觀音巴斯克芝士蛋糕」，蛋糕散發住淡淡鐵觀音茶香，極其吸引！
「Butter - 美式風格蛋糕店！」
以鮮紅色快餐店風格為主打概念嘅美式蛋糕店，無論係店舖裝修定係蛋糕甜品都十分打卡able！限定款式「黑白棋盤蛋糕」外層嘅牛油忌廉配上朱古力蛋糕，邪惡之選～招牌「紅絲絨蛋糕」口感濕潤鬆軟，忌廉同蛋糕調配比例恰當，唔會過甜！
「Pasticceria Giovanni Pina 1920 - 百年經典之最！」
意大利百年經典品牌，品嚐正宗意大利甜點味道！經典「米蘭芝士蛋糕」賣相幹練，芝士特別加入檸檬汁及檸檬皮，味道清新，配合香軟鬆脆嘅牛油餅底，口感有層次。另外一款經典雪菲蛋糕，其質感同溫度處於雪糕與蛋糕之間，口感柔軟香滑，令人驚艷。
「Joël Robuchon - 悠閒法式茶座！」
被譽為香港最佳法式茶座之一，係度過悠閒寫意下午嘅最佳選擇！「石榴芒果蛋糕」賣相精緻，係少有以石榴為主角嘅甜品，入口充滿石榴香氣，同夏天匹配度極高；「香桃慕絲蛋糕」外型同水蜜桃一模一樣，試問點可以忍住唔打卡！
「太子餅店 - 親民價格餅店！」
行行下街想食蛋糕醫肚，不妨走入呢間親民價餅店～餅店雖主打手作曲奇，但蛋糕選擇亦不少！「美國芝士條」、「藍莓乳酪蛋糕」及「芒果凍餅」等甜品望落簡單，但同樣好考功夫～蛋糕體積小巧，啱曬食量少嘅美食家！
《社群》「香港人氣打卡蛋糕地圖」隆重登場！
U Lifestyle「香港人氣打卡蛋糕地圖」強勢登場，為您實測本港50間不同類型嘅蛋糕店，並親身試食評分，為您篩選出優質蛋糕店！有咗呢本指南就唔怕啦！
《社群》為您呈獻「打卡蛋糕企劃」！
召集甜品控！即日起至2023年9月17日，入《社群》分享打卡蛋糕，並為蛋糕圖片加上指定《社群》相框，即有機會贏取酒店自助餐、名貴下午茶禮券、名牌廚具及蛋糕店現金券等豐富獎品！快啲入嚟同我地分享您最愛嘅打卡蛋糕啦！
《社群》送出 Lanala「希臘乳酪芝士蛋糕」200件！
低糖低脂嘅芝士蛋糕，可以零負擔放心食！即日起到2023年9月6日，於《社群》發佈任何相片，並為相片加上《社群》相框，即有機會免費試食 Lanala 全新口味「希臘乳酪芝士蛋糕」！食住瘦話咁易～
想知道更多最新著數、生活資訊？記得開埋 >> U Lifestyle App 推送通知<<，就唔怕會錯過各種精彩優惠！
步驟一︰開啟 U Lifestyle App 並成為會員後，點擊右上角人像標誌，下拉到「設定」欄目
步驟二︰點擊「設定」中的「推送通知」
步驟三︰一鍵開啟「推送通知」，搶先獲取更多優惠著數詳情！
《社群》推出全新「上載影片」功能！
U Lifestyle App會員註冊教學
以下教您如何成為U Lifestyle App會員！
步驟一︰立即下載U Lifestyle App
步驟二︰打開App後，點擊右上角人像標誌，再點擊「登入 / 註冊」
步驟三︰點擊「新會員註冊」
步驟四︰輸入相關資料後點擊「註冊」，收到確認電郵後，便完成註冊程序
本地10間必試人氣打卡蛋糕包括「Asok Thai Cake 」、「Lanala」、「Twinkle Baker Décor 」、「瑪莉工房」、「Twelve Cupcakes」及「Soulgood Bakery 」等，如果仲想知道更多本地優質蛋糕店，歡迎進入《社群》「香港人氣打卡蛋糕地圖」！
活動期間，於《社群》發佈任何相片，並為相片加上《社群》相框，即有機會免費試食 Lanala 全新口味「希臘乳酪芝士蛋糕」！食住瘦話咁易～按此進入《社群》專區。
想接收優惠領取通知以及更多本地優惠著數資訊，記得開啟 U Lifestyle App 推送通知，我哋會第一時間為您送上各種折扣優惠、會員送禮活動及本地消息快訊！
