已登陸中環翡翠中心一年嘅「Tommy Yummy」， 維持著開業以來的高人氣。餐廳主打創意新式泰菜每款菜式均落足心機擺盤，成為道道都係睇得又歎得嘅人氣美食！店鋪設計以綠色和香茅灰為主調，恰如鬧市中的隱世綠洲，給人品嚐美食的同時，心靈亦都充滿電！
Fusion新鮮味覺 吸like心機造型贏人心
泰菜就等如辣？嚟到「Tommy Yummy」你就要放下這種想法！TommyYummy推出多款不同口味的創意菜式，不但口感清新，更令人一試難忘！主菜方面，「虎蝦海鮮混亂杯麵」以杯麵杯倒出麵條造型擺盤，加入鮮蝦、魷魚、青口等多款海鮮後，再配上惹味香辣醬汁，發揮出驚人「引力」！而「無花果煙三文魚花束沙律」，絕對係男生表白嘅最佳菜式！內以清甜新鮮無花果配上繞成花朵造型嘅煙三文魚外，再以食用鮮花作點綴，單係主廚心機都值回票價。而「清邁豬蒜辣腸」口感煙韌，由泰國材料製成，與一般香腸相比可說係別有洞天，加上青檸汁點綴，味道既清新又香口，點可以抗拒。
造型得意有趣的嘅「虎蝦海鮮混亂杯麵」食落惹味開胃，徹底刺激你味蕾。
口感清新造型浪漫嘅「無花果煙三文魚花束沙律」，未食入口都feel到心甜感受。
香港少見嘅「清邁豬蒜辣腸」味道特別，由泰式材料及豬肉腸延伸而來嘅新菜式，絕非一般香腸所能媲美。
製造甜蜜蜜 帶出嶄新味覺體驗
放甜品與放主食嘅胃，鼓勵大家還是分開兩個吧！因為「Tommy Yummy」嘅甜品及飲品系列，同樣叫人拍案叫絕！主打甜品「芒果乳酪曡曡冰」—香甜芒果與清新乳酪合體，即使再飽都要享受呢份啖啖滋味。再搭配上「開心果咖啡」—滲透出嘅堅果香味已夠誘人，配合咖啡餘韻更令人驚喜。另一必試則首推泰式「椰奶油條配雪糕」，泰式椰奶油與中式油條組合搭配，雪糕嘅冰極滋味與熱油鍋中炸出嘅油條相碰撞，有趣又滋味。
「芒果乳酪疊疊冰」絕對係無人能抗拒嘅配搭！香甜芒果與清新乳酪合體，即使再飽都要享受呢份啖啖滋味。
「開心果鮮奶咖啡」備有冷熱選擇，口感濃郁細緻，令人一試傾心。
令人意想不到嘅「椰奶油條配雪糕」，油條香脆與濃厚香甜嘅雪糕，搭配出嶄新味覺體驗。
Tommy Yummy
地址：中環威靈頓街98號翡翠中心1樓
電話：2323 1778
營業時間：
11:30am – 10pm（星期日至四）
11:30am – 11pm（星期五至六及公衆假期）
Facebook專頁：Tommy Yummy
Instagram專頁：@tommyyummyhk
資訊由客戶提供
#UFavoriteFoodAwards2023 #我最喜愛食肆選舉 #入圍食肆 #UFA2023
