隨着榴槤季來到，各大酒店都推出榴槤主題自助餐，今次介紹由如心酒店 Café Circles 推出 $298 一位的榴槤下午茶自助餐，由即日起至 8 月 27 日供應，兩小時內任食以馬來西亞 D24 榴槤製作的甜品，款式包括榴槤班蘭蛋糕、榴槤焦糖燉蛋、榴槤馬斯卡邦芝士餅、榴槤朱古力撻、榴槤糯米糍以及榴槤炸蛋等共9 款。
text│sieg
知道大家胃口有限，記者推介先試兩款榴槤味強勁的榴槤糯米糍及榴槤班蘭蛋糕，糯米糍用上 D24 榴槤蓉作餡，再以煙韌的糯米皮包着，榴槤味超香超濃；榴槤班蘭蛋糕做成巨型榴槤的賣相，切開中間
有榴槤蓉、忌廉以及班蘭蛋糕，果香一啖入魂。
自助餐不只有榴槤甜品，其他甜品還有福岡草莓乳酪巴伐利亞、巨峰提子巴菲杯、熱情果朱古力餅，以及日本紅豆和菓子等。亦提供 28 款鹹點小吃，包括荔枝蝦果凍、西瓜菲達芝士沙律，還有碗仔趐、串燒、鹹蛋黄炸雞，以及迷你牛肉漢堡等，加起來有 35 款以上。榴槤自助餐逢周末供應，好趁榴槤當造時來歎下午茶。
榴槤焦糖燉蛋
焦糖燉蛋香甜細滑，帶點榴槤香氣，細細杯不帶邪惡感。
榴槤炸蛋
外皮炸得十分香脆，中間是榴槤蓉餡，感覺似食榴槤味煎堆。
榴槤馬斯卡邦芝士餅
蛋糕有軟滑芝士蛋糕、綿密榴槤蓉、以及鬆軟的朱古力海綿蛋糕的三重口感。
「榴槤狂熱」周末下午茶自助餐成人 $298 位、小童或長者 $238 位
可一次試到 9 款榴槤甜品，用香濃甜糯的 D24 榴槤製作，未食已聞到香氣。圖為榴槤班蘭蛋糕，榴槤外型的蛋糕，玩味十足，切開可見到不少的榴槤蓉。榴槤甜品以外，還供應 35 款鹹甜美食。
榴槤甜品還有焦糖燉蛋、榴槤朱古力撻、榴槤糯米糍以及芝士撻，記得留肚試埋。
熱情果朱古力餅
由朱古力蛋糕、熱情果朱古力慕絲及熱情果啫喱組成，朱古力香濃得來帶清新感。
---------------------------------------------
【info】
Café Circles
•地址：荃灣楊屋道 8 號荃灣西如心酒店9樓
•電話：2280 2868、5970 0551 (WhatsApp)
•供應日期：即日至 8 月 27 日期間，逢星期六及星期日
•供應時間：3:15pm - 5:15pm
•備註：設加一
