天氣開始熱，又到瘋狂吃冰的季節！位於尖沙咀的「LAB ZERÕ」開業不久已經迅速爆紅，主打大大份日式刨冰，以綿滑冰底搭配多款自家製配料，最近更限定推出開心果糖不甩口味，以濃郁開心果奶醬及開心果軟雪糕搭配糖不甩小丸子，想試的朋友記得把握機會啦~
同場加映：【開像速遞】最新影片
「LAB ZERÕ」開業不久已迅速爆紅，成為熱門人龍店！Cafe佔地過千呎，以高樓底工業風為主調，落地窗旁邊設置了由雲朵吊燈、懶人梳化以及仙人掌打造的可愛打卡位，等大家可以瘋狂影相。
Click圖睇「LAB ZERÕ」刨冰價錢：
期間限定開心果糖不甩刨冰，用上日本直送冰磚制作冰底，選用濃厚開心果奶醬及開心果北海道軟雪糕搭配糖不甩小丸子，果仁香氣與花生味道好夾！
草莓芝士蛋糕刨冰（$118）外層淋上自家製草莓醬和奶醬，味道酸甜，但中間有一粒粒的芝士蛋糕，頗有新意。
煙韌控不能錯過Cafe聯乘「THE BAKERISM」推出的芋泥芋圓牛乳刨冰（$128），芋圓煙韌有淡淡芋頭香氣，中間則有不少綿密芋泥，而且味道不會過甜。
其他甜品系列北海道牛乳筒，分別有8.0牛乳（$28）、特濃黑芝麻（$30）和混合口味（$30）三種選擇。Tiramisu（$78）、法式焦糖布甸（$88）、可麗露Affogato（$88）都值得一試。
除了甜品，Cafe也供應不少鹹食，芝士咖喱和牛肉醬薯條（$68）是人氣品項，薯條熱辣辣夠香脆，咖喱帶微辣，頗為惹味。腐乳卡邦尼意粉（$118）配搭創新，意粉彈牙掛汁，不過腐乳味較淡。
想飽肚一點， 不妨試試鰻魚漢堡，大大條鰻魚軟嫩入味，加上太陽蛋更滋味。
LAB ZERÕ
地址：尖沙咀金巴利道 68 號地下 B 舖
營業時間：星期一至日12：00-22：30
Instagram：labzerohongkong
人氣餐廳排名
-
打卡熱點
尖沙咀Shari Shari聯乘佐賀莓小姐新出三款期間限定刨冰，開心果控當然揀左士多啤梨開心果刨冰，自助掃碼落單店員會先收錢先，等左一陣好快就上來，賣相好靚，店員建議由上面開始食，頂層係輕盈的士多啤梨忌廉，跟著係綿密細滑嘅開心果刨冰，開心果都好出，唔會被士多啤梨搶咗，刨冰內有好香甜嘅佐賀莓小姐草莓本人同消化餅碎，而食到底會有士多啤梨醬，層次豐富，唔怕食到底無晒味，同埋個冰都唔算溶得好快，唔怕食到好論盡，值得一試～ #嗚啦吔哈 #嗚啦吔哈
閱讀更多
-
甜品
SHARI SHARI限定佐賀苺小姐回歸 士多啤梨開心果/Tiramisu/雲尼拿芝士
人氣日式刨冰店 SHARI SHARI Kakigori House氷屋推出三款期間限定士多啤梨日式刨冰，由即日起同時於五間分店供應。今次再與「佐賀苺小姐」攜手推出往年大受歡迎的「開心果味」和「Tiramisu味」同全新「雲尼拿芝士味」！刨冰內亦藏有新鮮「佐賀苺小姐」士多啤梨 雲尼拿芝士味（配佐賀苺小姐） (HKD 148) 使用雲尼拿豆製作糖漿和Cream Chees自家製奶油泡沫，加上士多啤梨作為面層配料。內層亦加入士多啤梨、雲尼拿醬、消化餅碎以及底部的士多啤梨糖漿。同時額外準備士多啤梨醬，淋在Cream Cheese泡沫上享用 開心果味（配佐賀苺小姐）(HKD 148) 使用開心果糖漿和士多啤梨牛奶泡沫，上面加上士多啤梨作為面層配料。內層亦加入士多啤梨、開心果醬、消化餅碎以及底部的士多啤梨糖漿。 賀苺小姐Tiramisu (HKD 145) 使用法國芝士製作的Cream Cheese，撒上法國產可可粉，並加上士多啤梨作為面層配料。內層亦加入士多啤梨、自家製咖啡蛋糕，以及底部的士多啤梨糖漿。 供應日期：2026年2月2日起，為期約三星期（售完即止）
閱讀更多
-
香港攻略
我既寶藏甜品 人氣熱爆日式刨冰 Shari Shari✨ 最正既係佢定期會出期間限定款 圖一就係期間限定既開心果紅莓味 紅莓既酸味中和咗開心果既味 超正🤩 圖二係伯爵茶白玉 呢個恆常款一直都係人氣之選，唔洗多講🤣 #步步糕升
閱讀更多
