水果和雪糕向來都是夏天消暑的好拍檔！
繼聯乘P助和兔兔後，日式甜品店山下菓子又有新搞作，推出蜜瓜新地，以半個蜜瓜盛載着軟雪糕，霸氣十足！
蜜瓜新地由即日起於馬鞍山分店發售，山下菓子選用產自日本北海道橙肉北海道網紋蜜瓜，清甜多汁，果肉肉質細膩。
上面的部份則唧滿軟雪糕，則使用北海道白肉蜜瓜製作而成，一次過可以食勻兩款北海道蜜瓜。
雪糕呈淡淡粉綠色，味道香甜不膩，口感似雪葩；一啖蜜瓜，一啖雪糕，透心涼。
8月5日至6日率先登場，限量50份，優先試食價$150（原價$190）。
嫌水果雪糕新地太貴的話，可以一試單支裝的蜜瓜軟雪糕，有細支裝和大支裝選擇，分別售$25及$35。
期間限定，售完即止。
地點:馬鞍山新港城中心第四期2樓2040-2041號舖
開放時間:12nn-10pm
