Kit Mak(名廚)：「堂記的腸粉做得滑嫩薄身而不削，食得出米漿真材實料，每次去到，我一個人可以食晒兩碟腸粉加一碗粥，飽肚又不膩，最適合做宵夜。」
食客都為一嘗其腸粉而來，腸粉店每天晚上一開門，不用半小時已開始排長龍，除了因為 fans 多，還因為腸粉全部即叫即做，每次落單店員都例必講一句：「腸粉等 20 分鐘！」無論生意多好，老闆鄒師傅都堅持自己做腸粉，因此等 20 分鐘絕不算耐。鄒師傅的腸粉最出名皮薄嫩滑，配方用上九成粘米粉，另加澄麵，在爐上倒上薄薄一層，蒸至剛熟即立刻拉布脫下腸粉，再鋪上餡料，整個過程非常快手，僅數分鐘便搞掂，因此腸粉感質可保持滑溜。
餡料亦見特色，常見的叉燒、牛肉、鮮蝦、豬膶以外，還有臘腸、魚片、燒鴨等，幾乎每款也可配搭成雙拼，幻化成不同口味。Kit 說︰「我最鍾情他們的魚片腸，加幾片芫茜簡直是絕配！」腸粉發展到 30 多款口味配搭，全港稱冠，加上價錢便宜，怪不得城中多個美食家均先後誠意推介。
堂記腸粉專門店
地址：佐敦渡船角文匯街 26 號文景樓地下 C 號舖
電話：2710 7950
(原文摘自《U Magazine》)
