記得去年很多人在討論行星「Nibiru」。「比地球體積大五倍的行星Nibiru，逐漸迫近地球，其巨大引力足以引發地球磁極偏移、火山爆發、海嘯...」
當你看到此帖的巨大章魚丸，你就知道「體積五倍大」具體是甚麼。試想想，若果左邊的章魚丸是地球，右邊巨型的就是Nibiru。
屯門台式飲品店Fully，由屯門市廣場搬址新墟後，老闆高先生決定破格一試，引入巨型章魚丸，命名「炸彈燒」，好有氣勢。
炸彈燒直徑足足8cm長，一粒份量足足有5粒普通章魚燒咁多，啱晒大胃王。咁大粒，裡面當然唔會淨係得章魚粒。除了一大片章魚，仲有，粟米、紅薑、椰菜、芝士、脆皮腸、蟹柳、蟹味菇、蜆肉及天婦羅趣趣，相當豐富，咬一啖即刻有驚喜。
Topping有10隻口味，包括原味(燒汁)、胡麻風味醬、Wasabi味、蜜糖芥末味、蒲燒鰻魚味、意大利香草千島醬、日式咖喱味、豆瓣醬、新彊孜然味及韓式泡菜味。
高先生話自從喺日本東京食過巨型章魚燒，決定將其引入香港，章魚燒個模終於要到台灣先搵到。
溫馨提示，食時小心燙口，慢用啊。
Fully
地址：屯門新墟啟民徑15號美恆樓地下1號舖 (屯門西鐵站步行5分鐘)
電話：2325 3211
（文／圖：nith）
