最近facebook廣傳一間Cafe推出「沙嗲牛一丁漢堡」及「雪菜肉絲漢堡」，仲搞死士試食團。玩到咁大，小編上網起底，搵出位於上環的The Green Lounge。那怕做烈士，儘管放膽一試。
餐廳開業兩個多月，走簡約Cafe風格，賣All day breakfast。大概三星期前，店主Joe和兩位拍檔想出將「港式常餐」沙嗲牛肉麵和雪菜肉絲麵，放入漢堡飽之中，齋聽這個idea都有點嚇人，誰估到他們會玩認真。
大膽外型 成功嘩眾
講多無謂，來一個雪菜肉絲漢堡，跟飲品$35。
此包的「滴汗」外型，足以用來測試你對新事物的接受程度。有人說可怕，似將飯後廚餘胡亂堆砌；有人說單字一個「正」，小編屬後者。明明是一個曾在茶記食過千次的公仔麵，卻令我反思過往廿多年來對其一成不變的印象。
你是否也從未如此認真地看待一個雪絲肉絲麵？
嘩眾背後 認真研究
看似「亂撞」的創意，背後經過多番測試，甚有學問。首先，如何保持外型？要選用較大的漢堡包，出前一丁則不可煮太久，若麵質太腍，漢堡便不能拿上手。試試將整個拿上手，咬下去，麵和配料都不會「hea」出來，好堅。
如何達至最佳口感？每個order都是即叫即製，等候時間4至6分鐘。先將漢堡烘熱，然後煎蛋及煮麵，湯底用鮮雞湯，麵把湯的精華吸收，煮好後撈起，讓麵條及配料乾身後放上麵包，舖上煎蛋，完成。
「製作時間要控制得好好，唔可以預先整定，而且顧客通常都會用一兩分鐘同佢影左相先食，呢點都要考慮埋。」Joe說。製作慢些少，隨時會影響口感，變成負評。
至於味道，麵有沾到雞湯味但不及跟湯上般濃味，主要味道來自雪菜肉絲，其份量不多，小編不是啖啖都食到雪菜，所以認為味道略淡了一點，份量有再調整空間。反觀沙嗲牛一丁漢堡有醬汁，能令味道突出得多。另外，漢堡烘得夠香，熱烘烘和軟身口感值得一讚。
眼見facebook有人說好想試，亦有人說其痴線。能夠將別人認為瘋狂的意念認真研究，還夠膽拿出來市場讓人品評，與其like試食的「烈士」，倒不如真心欣賞這漢堡背後的膽識。
The Green Lounge
地址：上環蘇杭街104號秀平商業大廈地下
電話：2535 9979
（文／圖：nith）
