好像果仁，可以加快血管流動，造出面紅耳赤的感覺；還有加速心跳的辣椒，remind 你第一次遇到你的愛人；當然還有含有令大腦造出愛戀感覺化學物朱古力同無花果，天然偉哥生蠔哥哥當然少不了，食晒成餐真係刺激到即時去註冊都似。
Valentine is all about sharing，所以菜式都是如 Tapas 般出餐，一份讓兩人慢慢分，唔似 fine dining 般一出出兩份，咁先締造到你一啖，我一啖的肉麻所為。菜式做得勁有心機，每碟都用多款食材配搭而成，好像青瓜牛油果變咗 Mousse 同啫喱、墨魚汁做脆餅、啤酒做麵包、杏仁又變咗糖粉末，感受超現實！
Sal Curioso
地址：中環雲咸街 32 號 2 樓﹙入口於己連拿里﹚
電話：2537 7555
全城最抵
西班牙人出名隨性熱情，若然你 honey 唔係腌腌尖尖、指定要去 Caprice 或 Petrus 然後在 FB 晒相的超級港女，帶佢來吃西班牙情人節餐就最啱。這情人餐內雖帶 tapas 風格，但卻是大大份的，大食男朋友都唔使怕唔飽。
負責設計套餐的主廚 Noemi 大有來頭，來自馬德里的她，跟過西班牙兩師 el Bulli 分子名廚 Ferran Adria 及巴塞隆拿甜品大師 Oriol Balaguer 工作，但又有自家的風格。她的料理沒有太大的分子料理成分，不過每道菜都將傳統的西班牙 tapas 來個全新演繹，好像傳統的蒜蝦 Gambas al ajillo 就變咗現有的清新版；帶子又巧手地配上一個亞洲風的薑 Panna Cotta，還有當 fine dining 的慢煮三文魚及煎黑毛豬柳兩道菜式。甜品也不能少覷，朱古力一向是她的拿手作，今次用上 70% 的 Valrhona 朱古力做慕絲，中間還有酸酸甜甜的西班牙 Cava 香檳啫喱，咁多嘢食，每位才收 $300 左右，儲緊錢上車的男女，勒緊褲頭都可以浪漫過節。
Zelo Spanish Restaurant & Tapas Bar
地址：香港金鐘道 88 號太古廣場 LG1 地庫 007 號舖
電話：2918 1028
(原文摘自《U Magazine》文：sieg、圖：Ken、Lamlam、Paul、May、Kee)
