蟹王主理 上海大閘蟹名店
這店比傳統大閘蟹專門店摩登高雅，還設有餐桌椅，路人經過都誤以為這間西餐廳。這店在國內大有來頭，總店設在上海，除了賣蟹，還設有高級蟹宴食府，在北京、南京等多個城市都有分店，不少政界名人如連戰、董建華、何厚鏵，甚至阿拉伯王子都是座上客。創辦人張志強，入行 30 年，是業界無人不曉的蟹王，曾是香港五豐行大閘蟹經銷商，由養蟹、賣蟹都一手包辦，特別以其名字「志強」作品牌，刻意不強調湖區，「大閘蟹靚唔靚受很多因素影響，如蟹的飼料，蟹農肯花錢餵螺螄、小魚等高價飼料，養好的水草，蟹自然夠肥美。即使同樣來自太湖，不同蟹農所產的蟹質素亦有不同，所以我們會按質素在不同湖區收蟹，如現時就有固城湖、大縱湖等，10 月 15 日打後太湖蟹開始靚，我哋就主力賣太湖蟹。」張總解釋。
這裏的大閘蟹按重量分級，如雄蟹 4.6 両至最頂級的 8 両以上，雌蟹由 3.4 両至 6.5 両以上，每級都有劃一固定售價，每隻由 $50 至 $445 不等，惠顧滿 $1,200 可免費送貨，亦設有蟹券售賣，送禮最啱。
名軒蟹莊
地址：跑馬地黃泥涌道 159 號地下
電話：2881 9119
注目！歐洲野生大閘蟹
早聞在英國、德國、荷蘭等地出現中國大閘蟹的蹤迹，據說在 100 多年前，大閘蟹就通過商船的壓艙水從中國移民歐洲，由於大閘蟹是歐洲唯一的淡水蟹，所以可維持純種，加上百分百天然野生，去年就吸引了台灣及大陸引入，非常搶手。最近於跑馬地新開的鮮薈，就趁着蟹季，首次入口荷蘭大閘蟹，老闆娘 Joey 本身是個大閘蟹痴，連陀仔時也照吃。「我好鍾意食大閘蟹，不過近年內地的又話有激素，知道荷蘭有天然野生的，就試下引入，主要來自荷蘭北部的湖包括 Lauwers、Ijssel 及 Marker，湖水乾淨無污染，而且全部大閘蟹都有食用安全證明，食都食得放心啲，味道亦真係香好多，連蟹肉都有鮮味。」這裏的大閘蟹每星期從荷蘭空運來港 3 次，最平 $100/三隻，每隻重約 3 両，6 両以上的 $600/斤，價錢跟一般太湖、陽澄湖大閘蟹差不多，不妨一試。
鮮薈
地址：跑馬地奕蔭街 21 號地下
電話：2891 1268
抵買！南貨老手揀手大閘蟹
買大閘蟹，很多人都喜歡去老字號南貨店，一來信譽好，蟹的質素較有保證，唔怕買到假貨，二來人流多，去貨返貨速度高，蟹不會囤積，日日來貨，大閘蟹也生猛過人。於紅磡新開不久的三陽泰，主理人邵蓮勝伯伯做南貨店已經六十幾年，曾在銅鑼灣的老三陽工作，對各式產品瞭如指掌，經常同客人有講有笑，仲會分享食材心得，堪稱店內「生招牌」，伯伯跟舊同事創業後，不少老顧客都專登過來幫襯。店子批發零售都做，售價比銅鑼灣、九龍城的名牌南貨店平約 2 成，大閘蟹也一樣，像 7 両以上的蟹霸，一般賣成 $800/斤，這裏就只賣 $680/斤，而且買滿 $500 送自家製的上海齊菜肉雲吞、滿 $1,000 送蟹粉小籠、滿 $1,500 就送 8 年太雕酒，好抵買。這裏專賣太湖蟹，由蘇州的大閘蟹公司專門供應，邵伯伯會為客人逐隻揀，又會記住客人有咩口味、喜好，要公要乸都會盡量滿足，服務好細心。
上海三陽泰
地址：紅磡寶其利街 33-41 號 3 號舖
電話：2363 6238
(原文摘自《U Magazine》文：Winsome、圖：ken、kam、ki、lam、chow)
