新派湯圓召集
傳統湯圓餡料離不開麻蓉、花生，感覺沉悶無新意？今年煮湯圓，大可精選城中特色新派口味，曲奇、綠茶芝麻、桂花豆沙……測試它們的軟糯、皮薄、美味和流心指數，選出新一代最正湯圓王。
評分準則
軟糯度︰湯圓煮後要半帶點糯柔韌，炋糊作一團。
皮薄度︰皮薄多餡，以三分皮七分餡做標準。
流心度︰湯圓餡能夠做到融化溏心狀態口感最正。
美味度︰不太甜，入口好食，每項以5為最高評分
Orsay 曲奇湯圓 $38/10 粒（有機薈）
軟糯度︰2
流心度︰2
皮薄度︰3
美味度︰3
整體評價︰用曲奇餅做湯圓餡夠新意，外皮做得煙韌，餡料有牛油曲奇和碎花生，口感細碎微脆，但易膩。值得一讚，這湯圓烚後仍能保持脹鼓外形，賣相最佳。
囍宴綠茶芝麻流沙湯圓 $22/10 粒（囍宴）
軟糯度︰4
流心度︰4
皮薄度︰4
美味度︰4粒半
整體評價︰湯圓粒粒手工搓製，外皮口感軟熟香糯，包着細碎的黑芝麻蓉餡，麻香濃郁，美中不足是芝麻味太搶，嘗不到綠茶淡雅的清香。
灣仔碼頭紅豆湯圓 $8.9/8 粒（百佳）
軟糯度︰4
流心度︰2
皮薄度︰3
美味度︰3粒半
整體評價︰即使外皮做得不夠薄，但勝在軟糯，而且紅豆餡綿密得來有豆香，令人驚喜！
思念金牌八寶果仁湯圓 $6.9/8 粒（百佳）
軟糯度︰3
流心度︰1
皮薄度︰2
美味度︰3粒半
整體評價︰混入可可粉搓成的雨花湯圓，內裏包有花生粒、黑白芝麻、核桃仁、杏仁、松仁、瓜子仁和腰果，既香口又具嚼口。可惜，湯圓本身粉質軟稠糊，油份也重，滾一會已軟作一糰，難掌握火喉。
利川桂花豆沙湯圓 $8.9/10 粒（惠康）
軟糯度︰3
流心度︰2
皮薄度︰2
美味度︰2
整體評價︰經典老牌，外皮雖然做得軟糯，但略嫌過厚，加上餡料硬實，桂花與豆沙味道不突出，拉低分數。
日賣過千 超流心黑芝麻湯圓
從來湯圓都是親民的甜品小吃，小街小巷的糖水舖也不乏做得出色者。炮台山「福元湯圓」，雖然是家庭式小舖，之不過他們的生磨黑芝麻卻做得皮薄餡靚，早已成為街坊滋味之選。
店裏有黑芝麻和花生兩款口味湯圓，以麻蓉餡最受歡迎。主理的施氏夫婦說黑芝麻餡是自家生磨，做法不難卻繁複，先把芝麻炒香再加入糖和麻油磨碎，所以吃起來感覺特別油潤而且有流心效果；而坊間甜品店就是怕工夫多又麻煩，寧取現成貨。湯圓皮呢？配方只有糯米粉和水這般簡單，卻因為工多藝熟和用料新鮮，至能搓出黏糯柔韌的丸子，無 secret recipe 可言。倒是佐配的薑湯有些美味小秘訣，新鮮老薑定要連皮切片煲煮，再加片糖和冰糖，這樣薑湯微辛得來既有蔗香又不失清甜。味道雖然平實無華，但正正就是那種宗於傳統之味教人欣賞，難怪日賣過千粒湯圓！
福元湯圓
地址：炮台山福元街 7 號利都樓地下 I-1 舖
電話：3106 0129
囍宴廚藝
地址：灣仔灣仔道 83 號 3 樓
電話：2575 6966
有機薈
地址：尖沙咀加拿芬道 41-43 號 Solo Building 一樓 111 號
電話：3488 4200
(原文摘自《U Magazine》文：jayce、若茵、圖：kee yau、lun)
