最近發現官塘開了新的火鍋酒家唐人佳，位於地鐵站旁的鱷魚恤中心，位置十分方便加上價錢合理，所以上去試試。
每次去酒家打邊爐一定留意有無特價優惠，今次就有$7.8一隻美國珍寶生蠔，$6.8的新鮮大帶子及$8.8雪花肥牛。生蠔比較一般但大帶子及雪花肥牛就物超所值。大帶子夠新鮮有咬口，雪花肥牛都比其他酒樓靚好多，抵食！
除了特價有驚喜外，其他食物水準都可以接受。因近年已經好難食到好味的脆肉鯇魚，所以叫鱔會比較隱陣，台灣鱔片夠肥美，好味！
打邊爐時吃最好，一滾就發大，吃下又爽口。此外，我最鍾意的豬潤，大大塊可口味美，雲吞同水餃兩併，又出奇的有水準，裡面的蝦大大隻有誠意。手打四寶丸，不過不失，不過打邊爐好似點都要有丸吃，好像看門口咁！今次湯底叫了只係$1蚊的豬骨煲湯底，個湯味唔濃，但$1蚊都算合格有餘。
作為街坊火鍋酒家，這樣的價錢及食物質素都值得再次光顧！
梁進評分：
味道****
服務****
環境****
價錢***
唐人佳海鮮火鍋酒家
地址：官塘開源道79號鱷魚恤中心3樓
電話：2389 0823
