星級食家：bigfish
點了三個午餐，香茅豬扒飯+冬奶茶，咖喱牛腩飯+雪碧，烤牛肉湯粉+雪碧，另外蜆港牛油焗青口和大蝦柚子沙律。
烤牛肉湯粉啲粉唔得滑口，湯底一般，烤牛肉就幾嫩滑，味道不錯。
咖哩豬扒飯的豬扒肉質很軟，挺惹味的，稍為多了一點肥膏，喜歡食梅頭的人會鍾意食。
咖喱牛腩個賣相一般，食舊牛腩試吓味，好腍呀，忍唔住口食多件，個咖喱汁帶甜，滑口不太辣，伴飯吃好好味。
大蝦柚子很大碗，上面薄薄一層有虾、柚子、葱、花生、炸蒜片和兩片蝦片，下層有很多椰菜絲，大蝦雖然冷凍過，仍有少少鮮味，個沙律是沒有汁的，靠柚子的汁、葱、花生和炸蒜片帶出味道，各種材料混在一起很好吃，柚子咬落去好多汁，又甜，好味，兩片蝦片脆卜卜，吃了上面的一層，餘下便是一大碗椰菜絲，齋吃椰菜絲感到有少少苦澀。
蜆港牛油焗青口一上枱就聞到陣陣牛油和蒜茸的香味，食落口有些鹹，但食晒成隻青口又唔覺咁鹹，可能青口本身無味，同牛油蒜茸混埋就把鹹味降低了，好惹味呀！
奶茶唔錯，不過兩杯雪碧出了事，小朋友一飲，問我點解無味o既？我試一口，淡而無味，即刻叫侍應，佢望吓然後話，應該係水嚟，吓！咁都得？他給我們換了，再來的外形一模一樣，但味道是雪碧了，會唔會有人遇過同樣情況，但以為越南雪碧係咁而無換呢？哈...哈...
埋單226。
食家評分：
味道***
服務***
環境***
價錢***
嚐越
地址：葵涌葵芳興芳路223號新都會廣場3樓389-392號舖(葵芳港鐵站D出口)
電話：2428-9623
