呢間名為「有間鋪頭」嘅 IG shop，大賣香港經典美食，大致可分為街頭小食、佬味飯盒以及點心 3 個系列！
先嚟「 街頭小食系列」，呢兩架咁精緻嘅雞蛋仔車、魚蛋腸粉車檔都係花手工之作，要整嘅話可能要幾堂先整到㗎！
除咗小食車，仲有鏈墜、耳環，款式有雞蛋仔、格仔餅、腸仔包、蛋撻、花占餅、牛角包等，就算同樣係蛋撻，都有完整版，以及咬咗一啖嘅蛋撻，好細緻好 detail！(價錢︰ 耳環 $50/對、$90/2 對，手鏈 $130)
其次係走飽肚路綫嘅「 佬味飯盒系列」，有煎釀三寶、蝦麵以及叉燒飯嘅頸鏈，唔知戴咗會唔會特別肚餓呢？
最後嚟到我最鍾意嘅點心系列：燒賣、腸粉、叉燒包、點心車。佢哋真身其實係鏈墜、筆刨、小盒子、筆插，仲有時鐘㖭！製作費 $600-$800 不等，視乎製作款式！
時鐘最最最特別嘅地方，就係上面嘅點心裝飾係磁石貼嚟，可隨意更換。不過暫時不作銷售，只限 workshop 先整到，價錢係 $510，包 4 粒自選點心，製作時間約 2 小時。
點心蒸籠、燒味飯盒係用 3D pen 打印而成，簡單又快捷！
凡購買任何手作產品，都會跟送一張點心紙，充滿飲茶風味！
店子細細，但都夠 5-6 個人一齊上 workshop，亦會展示自家手作仔及本地畫家 / 攝影師嘅作品。
有間鋪頭
地址：觀塘成業街成運工業大廈 9 樓 906A 室
Whatsapp：6496 3591
文：Joyce、攝：Ray
【韓風來襲】 韓國到着！安東燉雞 + 勁拉芝年糕
【今期必試】 搶先試！韓國到着 MEGA 芒果杯
【聖誕去邊】 北海道「白い恋人公園」搬咗嚟香港？！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
