烏雲雪糕 變身 Nutella 聖誕樹雪人

早前呃盡唔少 Like 兼少女愛死的烏雪甜品店 L'attitude 沉靜一時，最近又有新搞作；舖頭將烏雪變身成聖誕 限定版「聖誕樹 Nutella 軟雪糕」，大朵綠色棉花糖成棵聖誕樹咁，樹頂仲有粒黃色星星，好搞鬼！「樹底」下是 Nutella 榛子雪糕，質感幼滑味道濃，灑上酸咪咪莓乾粉，味道好 match。而雪人牛奶軟雪糕，白色的棉花糖雪人下，滿是牛奶雪糕及 Oreo 餅碎，雪人夠巨型，放喺枱上好威威。

聖誕樹 Nutella 軟雪糕 $50

棉花糖樹上灑上紅色莓乾粉作裝飾，夠搶眼之餘，酸咪咪味道亦可中和棉花糖的甜。Nutella 雪糕有很濃的榛子味，略嫌過甜。

【飲食激鬥】 4 大名店抹茶雪糕 邊間最正？

雪糕撈埋棉花糖一齊食，口感好過癮。

雪人牛奶軟雪糕 $50

用白色棉花糖做成的雪人，以朱古力粒做眼，士多啤梨味百力滋是雪人手仔，仲有兩粒兔仔鈕扣，造型好可愛。

雪糕用澳洲牛奶製成，加上oreo 餅碎，味道都係過甜，勝在牛奶味濃郁。

L'attitude