阿波羅新出嘅京都宇治抹茶系列一共有 3 款，全部都係雪糕蛋糕，分別有戀戀抹茶、抹茶金栗及抹茶方塊，今次食編就試咗戀戀抹茶同抹茶金栗。
戀戀抹茶 $258/ 個
表層以 5 粒士多啤梨、抹茶粉、抹茶忌廉、抹茶 mousse 及白朱古力組成，視覺好立體，簡單得嚟又夠 eye-catching！抹茶粉偏淺綠，聞落唔太有抹茶味喎。
【韓風來襲】 雪糕店發現！$28 迷你部隊鍋
【得意小食】 邪惡厚多士 燒焦棉花糖包住雪糕
裏面原來有 3 層㗎！以兩層朱古力蛋糕夾住大大層抹茶雪糕，層次分明，口感豐富。
勁鍾意抹茶忌廉 + 抹茶 mousse，口感好幼滑，仲有淡淡抹茶嘅甘味，又唔會好搶主角抹茶雪糕嘅鋒頭，恰到好處。至於抹茶雪糕，奶味偏重，與甜甜的朱古力蛋糕同食好夾。美中不足係，5 粒士多啤梨同埋朱古力蛋糕都雪得過硬，食之前最好等一等！
抹茶金栗 $38/ 件、$70/2 件
賣相好新穎；抹茶醬淋喺面層，呈流汁狀態，再以金栗、抹茶 mousse、黑白朱古力作裝飾，裏面同樣有抹茶雪糕同朱古力蛋糕，不過細細件分量適中，最啱 tea time 吃。
有讚有彈！抹茶 mousse 很香濃，仲食到有少少抹茶嘅甘味㖭！抹茶雪糕味道較淡，同樣係奶味搶咗；朱古力蛋糕雖有淡淡嘅可可味，惟質感過於厚實，栗子略嫌有點硬身。味道不過不失，但欣賞雪糕店有與時並進嘅創作精神。
阿波羅
地址：尖沙咀天星碼頭地下 KP-24 號舖
電話：2494 8881
註：全綫分店均有供應，季節限定，售完即止。
文、攝：Joyce
【今期必去】 赤柱聖誕市集 糖果屋食波板糖 Buffet
【飲食速報】 PizzaExpress 首推抵食下午茶餐
【暖身精選】 轉涼喇！燜燒杯出動！4 個簡便美味食譜
歡迎你 like 我哋 U Food Facebook Page / U Food Instagram ，取得我哋更新更快嘅資訊！
