根據該篇日本報道，布甸飯所需材料非常簡單：水、白米、布甸以及醬油，就可以煮出疑似「海膽丼」嘅味道。今次我就用普通屋企食開嘅白米、喺 7-ELEVEN 買到嘅森永焦糖布甸以及本土牌醬油去做，睇下成唔成功！
材料：水
白米（1/4 杯）
布甸 1 個
醬油 適量（視乎個人口味）
註：由於我今次用嘅係一人飯煲，如果想要正常家用飯煲嘅分量，請將分量 x 2 即可。
做法：
(1) 將白米洗淨，放入電飯煲內，再加入適量水，水份隨個人口味加減。
(2) 將布甸倒入米中。
(3) 加入醬油，視乎個人口味調節分量，我就加咗大約 2 茶匙醬油。
(4) 啟動電飯煲，煲熟就食得！
小食情報：像真蘑菇……包 便利店食到
登登登凳！食得喇！
一開蓋，已聞到濃濃嘅焦糖布甸香氣，布甸已融晒入白飯裏面，白飯變成淺黃色，顏色的確幾似海膽丼！
實驗結果：說好的海膽味呢？
焦糖布甸嘅香氣、味道太強勁太香甜，所以食落係完。全。唔。似。海。膽。丼！小編只係一味食到甜味，飯味不太突出，即使撈咗醬油，都唔似海膽味。唯一唯一唯一似嘅係質感，每粒飯都被融化布甸包着，滑滑的，似海膽黏黏質感。只可以講，除非你鍾意挑戰新事物，或者有「特別」嘅飲食癖好，想食海膽丼，都係正正經經去丼店吃吧！
文：Joyce、攝：May
資料來源：Rocketnews24
懶人恩物：打邊爐必備 彈牙南瓜紫薯烏冬
相關連結：深夜總是餓 便利店 5 大叮呵 Best Pick
任食精選：$178 日式放題 任食象拔蚌刺身 + 蒸氣鍋
歡迎你 like 我哋 U Food Facebook Page / U Food Instagram ，取得我哋更新更快嘅資訊！
